ساعدوني تكفون

السلام عليكم ورحمة الله,,كل سنه وانتو بخير
اخواتي انا بدخل بموضوعي على طول,,انا متزوجه من سنتين وعندي بنوته وزوجي من النوع الطيب والحنون وعلى كلامه انه هو يحبني,,مايرفض طلاباتي ودائما يناديني باسم دلع نادرا مايقول اسمي,,وانا برضه اعامله بنفس الطريقه واكثر,,بداية رمضان اشترى زوجي له آيفون,,وكل ماامسكه يأخذه مني ومقفله برمز دخول,,استغربت حرص زوجي ع الجوال,,ويطلع كثير وفجأه صار يحب الدوام يبغى الفكه من البيت,,فمره جا تعبان وحط جواله ب الشاحن ونام ,,بالعاده الجوال تحت المخده,,اخذت جواله وجلست افكر بالرقم السري قلت احتمال يكون نفس رقم الصرافه وحطيته وفعلا انفتح الجوال,,لقيت عنده برنامج الهوز هير ,,تابعت الشرح عن البرنامج في النت ودخلت ع المحادثات لقيته ضايف وحده بنت وجلست اقرأ المحادثه لقيته يقولها كل كلمات الحب والغزل ويطلب منها صورتها وارسلت ومعطيها رقمه ويبغاها تتصل ويقولها صوريلي نهودك ابي ابوسها قبل لا انام ,,بنات وربي اني اصيح وانا اكتبلكم,,عجزت استحمل دخلت عليه وهو نايم ومعي الجوال فاتحه ع المحادثه واسحبه مع فلينته وابكي واسب فيه هو يوم شاف الجوال جته حالة هستيريه,,شفايفه قامت ترتجف ويصارخ مو بأنا مو بأنا,,وانا موغبيه اعرف اسلوبه ,,المهم كثرت كلامي عليه وهو جالس يبرر ويدافع,,المهم قالي الي تبينه بسويه,,قلت تغير جهازك وشريحتك وفعلا راح على طول وغيرهم,,انا طبعا طول يومي بكى وصياح عجزت استوعب صدمه قوييييه حيل ماخليت عليه شي اجيبله هدايا وادلعه بالكلام وبالفعل حتى بالجنس مريحته وكنت اسوي جلسات مصارحه اساله عن الاشياء اللي تضايقه فيني يقولي انت مافيك عيوب انتي الحلا والغلا والجمال كله,,انصدمت يسوي كذا,,وهو كل شوي يهدي فيني, اني انسى الموضوع وهذه غلطه وماعاد تصير وانا احبك وماقدر على زعلك و و وو
المشكله وين,,,المشكله فيني بعد المشكله..صرت اكره حياتي,,,صرت ابكي كثييير..كرهت زوجي...مااحب ابوسه..ما اتفاعل معه كثير..عجزت انسى اذا جيت ابتزين اقول لنفسي ليه اتعب نفسي كنت اسوي واسوي وفي الاخيييير صار وصار,,,بنات صار فيني حاله نفسيه وربي,,صرت اكره الرجال كلهم.حتى الاكل نفسي نسدت عنه وذبلت كثييير..تكفون بنات مالي غيركم بعد الله افضفضله,,,مااقدر افضح نفسي وزوجي عند اهلنا,,قولولي كيف اعدل نفسيتي كيف انسى كيف ارجع نفس قبل الفرفوشه الدلوعه..