عطيها الصبح كورن فليكس مع حليب بس خليه فترة عشان يلين وانا اعطي ولدي كورن فلكس الرز عشانه لين وصغير....ويوم عطيها صفار بيضه اخلطيه مع روب او جبن ويوم توست جبن مع شاي بحليب... وبين الصبح والظهر عطيها عصير برتقال.والظهر رز مع شوربة خضار او اي شوربه مسوينها مع لحم او دجاج او سمك(يعني اكل البيت واضربيه في الخلاط) وبعدين طبعا حليب وبتنام...نسيت اقول لج الصبح اول شي لما تصحر حليب وبعد ساعه الفطور...
العصر فواكه وافضل شي الموز يحبونه اليهال..المغرب سوي لها سيريلاك او شوفان مع حليب او شوربة خضار

ام الياسمينا

مشكوره اختي

السلام عليكم ورحمة الله وبركاته
رديت بس علشان انبهكم عن الماجي انه ما يصلح ابدا ابدا للصغار لانهم لسه صغار وما يميزون الطعم فاليش تحطون لهم ماجي نصيحه لوجه الله لا تذبحون عيالكم بالماجي ابدا..
صدقونى دراسات تنبه انه مو صحي للكبار فما بالك بالصغار ..
وانا طريقتى فى تغذيه صغيرى خضار مطبوخه ومهروسه اى نوع اشكل له
وفواكه مهروسه( قطعه صغيره موز وقطعه صغيرة تفاح وقليل من البرتقال ) اضربهم بالخلاط
ويكونون طازجين وصحيين ونفس طعم الفواكه اللى بالعلب .
وبعد اعطيه دجاج مخلوط مع رز طبعا هذا كله بعد السبع شهور اى بسن بنتك ولحم مضروب مع خضار وغيره ام البيض انا ااخره الى بعد التاسع او العاشر لا احب استعجل فيه .
ونصيحه لا تضيفون اى نوع من البهار او الملح لطعام الصغير قبل السنه.

لا حبيبتي طريقتج جدا خاطئة بنتج محتاجه للتغذيه عشان النمو

لازم تنوعين لها عشان تكبر بشكل صحي

شوفي انا ولدي كمل 7 شهور ودش الثمانيه

الصبح الساعه 7 حليب مع بسكوت فارليز حبه كامله اسوي له 180 وما يكماها كلها حده 150

الساعه 10 أمي تعطيه وجبة فواكه طازجه لأني انا اداوم اعطيه حق امي الصبح تسوي له تفاح وكمثرى وموز ومشمش مع عصير برتقال وملعقة سيريلاك عشان يثخن .

الساعه 2 الظهر وجبة الغدا تعطيه أمي خضار (بطاطا وجزر وكوسا ويقطين وسبانخ وسلق وبروكلي وطماطم) مع كبدة دجاج وقمر دين ورز ويكون مطحونكله بالخلاط

والساعة 5 العصر أعطيه حليب 150

والساعة 8 أسوي له توست مع جبن خفيف ومربى أو انقع التوست بالحليب ماله وبعدين اغمسها في بيض مخفوق واحطها على المقلاة بدون دهن أو مسحة زيت زيتون عشان لا يلزق ويحترق. أو بعض المرات اذا ما عندي وقت اسوي له شي أعطيه مرطبان فارليز حلى كمثرى بالزبادي أو اي نوع من الكاستر من صافي أو المراعي يعني احاول انوع له عشان يتقبل كل أنواع الأكل. أو روب بالعسل

والساعة 12 بالليل قبل لا أنام وهو يكون نايم أعطيه رضعة حليب بالسيريلاك العسل عشان ما يقعد بالليل وبس

لازم تهتمين بالتغذيه ديري بالج على بنتج

أنا بنتي عمرها 7 اشهر... بس كمية الحليب الي تأخذها ما تتعدا 10 اونس في اليوم... مع قليل من الأكل من هنا وهناك... وبالأمس كنت أكلم وحدة أمريكية وقلتلها عن برنامج بنتي من حليب وطعام في اليوم الكامل ,,, تعرفون شنو قالت لي... قالت ان الدكتور لولدها (6 أشهر) يمنع إدخال اي طعام للطفل قبل ما يشرب الطفل 32 اونس حليب بعدين نبدأ بإدخال الطعام... وإذا دخلنا الطعام ان لا يقل كمية الحليب عن 24 اونس...