السلام عليكم ورحمة الله وبركاته

انا الحمدلله غيرت مطبخي واحلى شي سويته هو اني ركبت غسالة الصحون

رغم صغر مطبخي 3 في 3 متر فقط

سعرها 1250 للاستيل والبيضا 1100
اشتريتها من سوق الصواريخ بجدة

بداية صورة المحروسة



ماشاء الله تبارك الله







كيفية تسليك الغسالة


تحصلي ثلاث اسلاك بالغسالة

الصورة توضح


اضغطي هنا لمشاهدة الصورة بحجمها الأصلي




اللي باليمين لو تكبري الصورة هو لي حنفية المويه اللي تدخل بالغساله

والنص سلك فيش الكهربا

واليسار لي تصريف المويه من الغساله


وهذي صورة الجدار خلف الغسالة

كل شي واضح

اضغطي هنا لمشاهدة الصورة بحجمها الأصلي




زي منتو شايفين لي التصريف داخل بدولاب المغسله دحين اقول لكم ليش


اضغطي هنا لمشاهدة الصورة بحجمها الأصلي



شايفين دخل بانبوب تصريف سويناه خصوصي له عشان نتفادى مشاكل في المستقبل
وانتي تقدري تشبكيه مع تصريف المغسله او تدخليه على طول في حفرة التصريف بالارض
المهم يكون بارتفاع مايقل عن 40 سم اعتقد والا يسبب مشاكل

حتقولو ليه ماسويتي التصريف اللي بالجدار ورا الغساله

لن حجمه كبير وبارز شوي ولو عملته ورا الغساله كان الغساله خرجت عن مستوى الدولاب ويخرب الشكل الجمالي






نجي للانظمة من اليمين





اول زرار عاليمين تشغيل الطاقة

اذا ضغطناه تولع اللمبات

بعده زرار صغير فوقه لمبتين
الزرار لتشغيل الغسالة او ايقاف تشغيل الغسالة

والمبتين اللي فوقها الملمع والملح

اذا خلصت تنور

بعده زرار ثاني صغير لبرامج وانظمة الغسيل السته اللي على يسارها

عن طريقه تختاري النظام اللي يعجبكي

وراح اتكلم عن كل نظام بالترتيب من فوق لتحت

الاول

مدته 150 دقيقه يستخدم 12.3 لتر مويه
(قبل غسيل على 50 درجة حرارة الموية طبعا-غسيل 50-شطف70-تجفيف)


الثااني

مدته 130 دقيقه يستخدم 23.1 لتر
(قبل غسيل 50-قبل غسيل-غسيل 65-شطف-شطف-شطف55-تجفيف)
زي منتو شايفين النظام للمواعين و للقدور والصواني المتسخة كثيرا
يعني اقوى نظام بالغسالة


الثالث

مدته 160 دقيقه يستهلك 15.9 لتر
(قبل غسيل 50-غسيل 50-شطف-شطف65-تجفيف)


الرابع

مدته 155 دقيقه يستهلك 16.9 لتر
(قبل غسيل-غسيل50-شطف 65-تجفيف)


الخاامس

مدته 80 دقيقةيستهلك 8.6 لتر
(غسيل 40-شطف 70-تجفيف)
مكتوب بالكاتالوج انه للصحون اللتي من الضروري ان تشطف وتجفف فقط
وفي خانة الصابون ماتحطي شي


السادس

حبيب قلبي
مدته نص ساعه فقط ويستهلك 12.2 لتر وصابونه 20 جرام من البودرة بس
وبقية الانظمة تقدري تستخدمي مكعب او بودر ويختلف كمية البودر من نظام لنظام
بس انا افضل بالانظمة الثانية المكعبات لانه قوي وينظف مضبوووط
(غسيل 40-شطف-شطف45)
وزي منتو شايفين قلة وقته لنه بدوون تجفيف
ولاحظت التجفيف بالانظمة الثانية ياخذ وقت طويل مدتها ساعه تخيلووو


الانظمة من اليساار





الزر الاول 2/1

هذا اذا كانت مواعينك قليلة و استخدمتي رف واحد في الغسيل

اللي هو الرف العلوي

والزرار اللي جنبه هو لتأخير الغسيل
يعني تبغي الغساله تشتغل بعد 3 ساعات او 6 او 9 او 12

والصور اللي بالاخير
دورة الغسيل وقت الغسل
يعني وقت ماتكون شغالة تقول لك هي في اي مرحله
(قبل غسيل-غسيل-شطف-تجفيف)


طبعا هالكلام كله من الكاتالوووج وهو مكتوب بالانقليزي فقط
انا ترجمته لكم عشان يستفيدو العضوات والزائرات






18-02-1432 هـ, 03:48 صباحاً قنوات جوال عالم حواء - 816663 #2
ام الفتيه

محررة



تاريخ التسجيل: 10-02-1431 هـ
المشاركات: 1,929


نجي دحين لتجربتي لها
اعرفكم تموتوووون تشوفون صور قبل بعد

المواعين قبل

اضغطي هنا لمشاهدة الصورة بحجمها الأصلي




شايفين كيف الوصخ والزفرر

صورة ثاانية لعيونكم





دخلت المواعين بالغسالة

اضغطي هنا لمشاهدة الصورة بحجمها الأصلي



وزي ماتلاحظو قلبت بعض الصحون شديدة الاتساخ على وجهها عشان تنظف زززين


قفلت الغسالة وشغلت نظام النص ساعه


اضغطي هنا لمشاهدة الصورة بحجمها الأصلي



وبعدين رحت غسلت على ايدي اللي ماقدر ادخلها الغساله

قدر الضغط والصحن الكبير

اضغطي هنا لمشاهدة الصورة بحجمها الأصلي



5 0

18-02-1432 هـ, 04:00 صباحاً قنوات جوال عالم حواء - 816663 #3
ام الفتيه

محررة



تاريخ التسجيل: 10-02-1431 هـ
المشاركات: 1,929


هنا وقفت الغساله وفتحت الباااب
شايفين النظافة

اضغطي هنا لمشاهدة الصورة بحجمها الأصلي



ولانه هالنظام مافيه تجفيف
حطيت عالرخام منشفة وطلعت الرف فوق ينشف بالهوا
ربع ساعه وهو ناشف احسن مايجلس بالغساله ساعات واوفر بالكهربا كمان

اضغطي هنا لمشاهدة الصورة بحجمها الأصلي



صورة ثانية لعيونكم

اضغطي هنا لمشاهدة الصورة بحجمها الأصلي




وماننسى بعد كل طبخه بخور المستكه
عشان يمتص الروائح من البيت كلوووو
وتمتعي بالنظافة

اضغطي هنا لمشاهدة الصورة بحجمها الأصلي


ارجو ان ينال استحسانكم واعجابكم

ولاتنسون ايقونة الشكر والردود اللي تفتح النفس

دمتم بود


منقول من اختي ام الفتية

اي والله غالية لما شفت اسعاركم عرفت اني شريتها منها بغلا(وما وضحت انها صغيرة برف واحد ومادريت بها الشي الا لما فتحتها فالبيت!!!), بس راحت علينا وعليها بالعافية يارب


وحدة من البنات الله يفرج لها تواصلت معي واتس اب وصارت المشكلة عندي اننا مارفعنا لي التصريف ولما رفعته على طول اشتغلت

بنات كيف غسالة جنرال سوبر تنصحوني فيها؟
الله يسعدها بالدارين اللي ترد علي
ابغى احسم امري واشتري

كيف الغسالة معاك وتنصحين نشتري زيها تقريبا كم سعرها في السوق