رمال الرياض
رمال الرياض
لا ما اقصد المناهل انا اتكلم عن نادي السفارات الي هو خاص بأعضاء السلك الدبلوماسي بنفس المجمع بس جوا
JoJoOoO
JoJoOoO
نادي ( يبرين ) جدا راقي

ومسبحه خارجي.. يعني انتظري للصيف واشتركي

وهو عبارة عن كمباوند فلل صغيرة وكل فلة فيها نشاط معين

من كوافيرات وسبا ونادي و.................


موقعه: خلف برج الحمام بشارع التخصصي بالناصرية
**كرز
**كرز
يابرين ارقى نادي بالرياض
الــحنــطاويـه
رمال الرياض
في بالي تقصدين المناهل,, وجزاك الله خير

جوجوووو,,كرز
ايه يبرين حلوين ويهبلون بس اشتراكهم بالسنه وانا مالي خلق سنه لان بتجي اجازة الصيف وبسافر وادخل برااا يعني ما تسوى علي
عموما مشكورين الله يعطيك العافيه
(( ايام الصيف ))
اهليييين حبيبتي

انا من واقع تجاربي ماراح تلقين شي متكامل ميه بالميه

انا جربت كم نادي

منها نادي الامير سلمان

صحيح فيه مضمار حلو ويشرح الصدر وخاصه بالشتاء لكن بالصيف شوي متعب ويضيق صدرك الا اذا معاك صحبة زينه وتوسع الصدر

وفيه مدربات عند الاجهزه يعلمونك واذا ماجت معاك ناديها خليها تعلمك لانهم ما يعرفون انتي جديده او لا...

وفيه مسبح بس انا محب ادخله لان ريحه الكلور واصله برا وسمعت وحده تقول شعرها طاح من الكلور اللي يحطونه
وفيه مدربات بالمسبح يجون كم يوم في الاسبوع

عموما هو من هالنواحي زين بس لازم تتأقلمين على جوه لانه كئيب يعني تبسطي نفسك بنفسك

وبعدين شديدين من ناحيه الجوالات وخاصه الكام واللبس فاذا كنتي تدورين شي يوسع الصدر ما انصحك تدخلينه اما اذا همك اللياقه ادخليه وانتي مغمضه عيونك

وفيه نادي الافاق المضيئة دخلته كان ممتاز من ناحية الايروبيك والمدربات اجانب وعندهم خبره

وكمان الاجهزه عليها مدربه تعلمك عليها وتشرف عليك لكن ماتتكلم الا انجلش

لكن صغير وصار وقت اشتراكي زحمه فما طولت عندهم بس شهر

وقبل ما اخلص قالوا انهم بينقلون لمكان اوسع قريب للفيصلية اتصلي عليهم وشوفي لانهم مهتمين مره بالرياضه وراقي بنفس الوقت وكمان تعاملهم جدا راقي...

عندك نيولوك في الحمراء نويت اجربه لكن الظروف حالت من اني ادخله والا كان افدتك اكثر..

اتمنى ان بعض هالمعلومات افادتك

تقبلي تحياتي...