هلا بالغالية على قلبي أمجاد العرب
انتي وين وانا بعد ادور عليج
مشكووورة يا الغالية على اقتراحج وبروح اليوم وبجوف

الغالية ان شاء الله ما كون تأخرت في الرد ..

بالنسبة للجلابيات .. عندج ..
الخطوة الاولى الي في الخالدية .. اسعارهم تبدأ من ال 500 درهم وعندهم اشياء حلوة .. تقدرين تشوفين الجلاليب في فهرس مواضيعي الي في بداية قسم ركن الازياء وتجهيز العروس .. في قسم الجلابيات ..
راجو بلازا الي في الخالدية .. تبدأ الاسعار من ال 500 درهم
الاسطورة .. وااايد راقي ..موديلات للمصممة انسام الخلف .. تبدأ الاسعار من 2500 درهم
بيت الاصايل الي في مركز فتوح الخير .. بعد وايد راقي على مستوى الاسطورة .. تبدأ الاسعار من ال 2500 درهم
اليشمك الي في المارينا .. تبدأ الاسعار من ال 1000 درهم
عتيج الصوف الي في الخالدية .. مسوي خصومات .. تبدأ الاسعار من ال 1000 درهم


بالنسبة لمحلات الفساتيين ..
محل جولي الي في فتوح الخير .. تبدأ الاسعار من ال 1500 درهم
البوشية على الكورنيش .. تبدأ الاسعار على 1500 درهم
الجعيدي الي في بوظبي مول .. تبدأ الاسعار من ال 700 درهم
lilley valley في بوظبي مول تبدأ الاسعار من ال 1500 درهم
الطائر الاخضر الي في النادي السياحي .. تبدأ الاسعار على 1500 درهم
ميرانا غاليري الي في الخالدية .. تبدأ الاسعار من ال 500 درهم
glamour الي في الخالدية تبدأ الاسعار من ال 1000 درهم
في مدينة زايد .. في الطابق الارضي شيء محل فساتيين سهرة .. تبدأ الاسعار من ال 600 درهم
محل شدون الي في مدينة زايد .. تبدا الاسعار من ال 800 درهم
في شارع خليفة شيء دونا مودا .. تبدأ الاسعار من ال 1200 درهم ... وشيء بعد واايد محلات عداله لفساتيين السهرة وعندهم اشياء راقية ..


امم وفي عضوات معانا في المنتدى
Meira
و
uae fashion

يبيعن فساتيين سهرة .. يمكن تحصلون الي تبونه ..

وبالتوفيق ان شاء الله :)