السلام عليكم ورحمه الله وبركاته
كيف اخواتي الحلوات
ندخل في الموضموع على طول
كثير منا ودها تبيع اكلات في البيت بس كثير منا عنده مشكله في التوصيل او ما تبغى احد يدري عنها او ما تقدر توفق بيتها و اولادها والطلبات او ما تقدر تلبي كل الطلبات لان ما عندها شغاله .....صح كلامي والا لا
انا خطرت لي فكره جدا رائعه
ليه ما نشترك في المشروع بحيث وحده تكون هي المسؤله في توصيل الطلبات يكون لها سواق خاص فيها وتتفق مع اكثر من وحده مثلا شاطره في تصليح الفطائر والثانيه شاطره في الاكلات الشعبيه والثالثه شاطره السلاطات و هكذا
طبعا المسوله في التوصيل يكون عندها سواق خاص فيها ويكون لها نسبه من كل وحده الي تتعامل معاها واذا كانت تجيده طبخه معيه تسويه
وبكذا نتفوق على الحريم الي يبيعون على الناس ليه الان الي تبيع تلقينها تظبط طبخه او طبخين واغلب اكلاتها تكون عاديه
لو نسوي الفكره هاذي راح نتفوق على الحريم الي يبيعن وتصير سمعتنا على مستواى الرياض
كثير من البنات الي في البيوت محتريفات او يوجيدون اكلات افضل من المطاعم بس تلقينها ضروفها ما تسمح
وبكذا حلينا المشكله الي ما تقدر توفر سواق
او ماتقدر توفق بين اولاده هي تمسك اكله او اكلتين
والي ما تبي احد يدري عنها المسوله تتكفل في التوصيل
الي ماعندها موهبه في الطبخ تشيل الفكره وتتكفل في التوصيل وتاخذ نسبه من الي تتعامل معاهم
اما كيف يدرون عنا ؟ هاذي سهل جدا
نوزع اكلات للمدراسات والمدرسين مجانن وبكذا يعرفون عنا وفيه اكثر من طريقه
الكلام هذا موجه الي ساكنين في شرق الرياض
هاه وشرايكم بالفكره
والي موافقه على الفكره خاصه المسوله لازم يكون معاها راس مال و يشمل معاها السواق لن وجد ونتواصل على الخاص
جديد2000 @gdyd2000
عضوة فعالة
الي شاطره في اكله وماتقدر تبيع او ما تبغى احد يدري عنها او او ماعندها سواق عندي الحل
95
8K
يلزم عليك تسجيل الدخول أولًا لكتابة تعليق.
توووتي فروتي
•
فكرتك حلوة لكن الخوف عدم الاستمرار بالشغله
ياروني
•
اعتبريني معك والله ويشهد علي ربي اني ممتازه في عمل الكوكيز والسينبون وورق العنب والسبرنق رول والبيتزا والسمبوسه وخبز الصاج والله ثم والله شاركت فالبازار الي بفندق ميركور واغلب الناس انهبلوا على شغلي وطلبوا رقمي لدرجة انو وحده قالت لي انو الكوكيز الي اسويه زي كوكيز انوش بالضبط طبعا البيتزا والسبرنق رول خبز الصاج والسمبوسه اقدر اوفرهاللي تبي طازجه اومفرزنه
الصفحة الأخيرة