صحيح خواتي الدنيا دواره ومصير كل انسان ياخذ حقه انا زوجه اولى ولو شفت زوجي مقصر نصحته لوجه الله والحرمه اللي تخاف تعامل ربها

انا زوجه ثانية زوجي للاسف مايعدل وهو بنظره انه صح لاني موظفه واني ما احتاج وان هالقرش اللي المفروض اخذه في نظره يصرف في اشياء اهم لاني انا مو محتاجه مثل ما يقول فزوجي مشكلته اي شي تبيه زوجته الاولى واعيالها يتم حتى لو على حسابي انا وعيالي قال ايش اعيالك توهم صغار وانتي موناقصك شي ودايم انا قشه واقوله انت في نظرك اني مو محتاجه انا ادري اني مو ظفه وراتبي كبير بس وين حق الكسوة والصرف على اعيالك ترى اذا مت محد مدفون معك في القبر ولكن سبحان الله مع الادعيه صرت اخذ حقي منه بالقوه بس ماله طعم هو طبعا يصرف علينا غذائيا كريم لاخر درجه ولو ابي افتح فمي ابي اي شي من السوبر غذائي القاه بالسياره على طول ما يقصر بس كماليات الحياه انسي تغيير اثاث انسي اعزم احد انسي انه يقوم بعزيمتي يعني زوجته تبي اثاث يتغير على طول ينفذ حتى لو ماله سنه حتى قلت له ليش يا فلان العام غيرت لهم طيب السنه هذي المفروض لنا يئست منه حتى اني قلت له انسى ان لك اعيال مني والله لاربيهم لي انا بس ماراح اخليك تستفيد منهم بشيء اذا انت تكشخ فيهم قدام الناس ان عندك اعيال ماراح اخليك تستفيد منهم ابد

زوجي فيه نقطة ثانيه عانيت منها كثير وهي انه يموت بالنوم معي ومع ذلك عجزت استغل هذا الشي في صالحي يعني كذب اللي يقول اذا فراشك زين راح زوجك يفرش لك الطريق ورد زوجي دائما يحاول يتهرب من زوجته في يومها حتى انه جته فتره يسويها عيني عينك يعني يتغدى عندهم واذا خلص جاء عندي يبي حاجته وقلت افلان وش فيك انت ما تخاف الله ترى انا ما عندي استعداد ادخل النار بسببك انت وياها كل وحده لها يومها وعجزت عنه صرت اذا جاء عندي رحت ونمت عند اعيالي علشان احرجه فصار يمنعني من الطلعه وعيالي يضربهم وسوي مشاكل الدنيا بالبيت كله علشان يخليني اتجاوب معه وتناقشت كثيرر معه يقولي مو شغلك انا ماسويت شي حرام انتي زوجتي منتي من الشارع قلت ادري اني زوجتك بس مو يومي يومي لي ويومها لها انا وش دخلني بينكم المهم حاربته كثير بسبب هالنقطه وهالحين له شهرين ما ينام عندي في يومها والله ارتحت نفسيا لاني اذا جاء عندي في يومها اموت من الفشيله شي ما هو لي ما ابيه