إذا كسوله ادخلي ..حلى كراميل للقهوه..ولا ألذ ..وبسرعه

السلام عليكم ورحمة الله وبركاته

اذا كنتِ من النوع الكسول وودك في حلى مع القهوه .. او اتصل فيك زوجك وقال في ضيوف اليوم وما معاك الا ساعتين قبل لا يجون وش تسوين لهم..

هذي طريقة حلى سهله وسريعه ولذيذه.. والكل سألني عنها وحبيت انكم تشاركوني وأعرف ايش رايكم انتم بعد ..جربوها وقولولي....>>>>>> خلصينا مطولتها وهي قصيره

عالعموم قبل لا اكتب المقادير والطريقه ابي من كل وحده تقرا الموضوع تدعي لصاحبة الحلى اللي علمتني عليه بالشفا >>>>>>> قلبي عليها صارلها حادث :44:

ولا تنسوني من دعائكم>>>>> ياني طماعه

ما اطول عليكم>>>>>>>>> هذا كله وما تبين تطولين .... مصيبه :30:
المقدير>>>> اخيراً
1** 2بسكوت شاي + زبده
2** 1 لبن زبادي + 3 فناجيل سكر بودره +4 فناجيل حليب
"اذا تبون اكثر عادي زيدو كمية اللبن ..واذا تبون اقل .. العكس"
3** 1 كراميل + ملعقة سكر بودره + ملعقه كاكاو + 2 كاس شاي مويه >>> انتبهو لا تكون مويتكم مالحه
الطريقة...
1** تطحنون البسكوت وبعدين تعجنونه بالزبده السايحه..وتحطونه بالصينيه طبقه اولى وتضغطون عليه ..
2** حطوا مقادير رقم 2 في الخلاط .. كله مره وحده ولا يهمكم .. وشغلوا الخلاط واضغطوا الزر>>>> ماهي صاحيه :23:
بعد ماتخلطونها وتتأكدون انها انخلطت تمام.. صبوها فوق البسكوت بشويش..وبعدين حطوها بالفرن الين تجمد هالطبقه..
واذا شعرتوا انها قربت تجمد >>>>> حلوه شعرتوا عجبتني
ابداوا بعمل الطبقه الاخيره>>>>> شلون؟؟
3**حطوا مقادير رقم 3 كلها مع بعض بقدر واخلطوها تمام ..وحطوها عالنار الين تندمج وتبدا تغلي .. طفوا النار وحركوها الين تبرد شوي .. مو كثير.. اكيد في الوقت هذا تكون الصينيه جاهزه وقفلتوا عليها وطلعتوها من الفرن ..صبوا الكراميل فوقها وحطوها بالثلاجه عشان تبرد ما تاخذ 10 دقيقه الا وهي جامده" الطبقه الثالثه طبعا" تقدرون تقدمونها كذا او تخلونها تبرد زياده اذا ما وراكم شي ..
وبالهنا ان شاء الله..