الله يفرج همك وهمي ويغفر لنا ذنوبنا

عادي صلي صح وتسنني وولدك قولي له الساعه 5 العصر ادرسك لحد المغرب
وبس
وسهليها تسهل
وتنظيفك خليك الساعه 9 وقبل طلعي الدجاج او اللحمه لين تخلصين من تنظيف البيت وعقب اطبخي غداء ونظفي مطبخ
وبعد غداء غسلي مواعين وغسلي ملابس ولاحاجه مايجي الا عصر تصلين وتتقهوي وتقري قرآآن والساعه 5 تبدين تتدرسين ولدك
ومايجي صلاه مغرب الا مخلصته
ادارة الوقت مهمه

وعليكم السلام ورحمة الله وبركاته

شوفي يا الغلا أول شيئ لااااااااازم تنظمي وقتك
إبنك خصصي له وقت ساعتين مثلا من بعد صلاة المغرب لين صلاة العشاء
هذا وقت ممتااااز للمذاكرة

ونظمي شغلك إذا قمتي الصباح وصليتي الفجر وقريتي أذكارك وراح زوجك وإبنك للمدرسة
نظفي كل اللي بتنظفينه
وجهزي أغراض الغداء والمهم مايجي الظهر إ كل شيئ منتهي
وخذيها قاعدة أي شيئ تستخدمينه ترجعينه لمكانه بسرعة حتى لوكانت علبة الملح
لأنه هالأشياء اللي تتستاهلين فيها هي اللي تكركب المطبخ وتسد نفسك عن الشغل
بل يمكن تجيب لك إحباط :(
وإنتي تشتغلي في المطبخ إحتجتي مثلا كاسة ملعقة صحن تحطين فيه بصل أو حاجة
على طول شوفي إذا موجود في الحوض أغسلي بسرعة وإستعملي
بدال ما تتجمع عندك ألف ملعقة وشوكة وصحن وكاسة
تصيرين إستخدمتي اللي تبغيه بأقل حوسة ممكنة وبدال ماتغسلي ألف قطعة يكون مية قطعة مثلا :)
صدقيني هذي طريقتي لأني برضه كسولة وعجازة بس ما أحب الوساخة ولا الحوسة
يعني غصب نشتغل
المهم لبستي إبنك على طول شيلي ملاابسه الوسخة للسلة والنظيفة للشماعة
يعني خلي هذي طريقتك في كل شغلك كل شيئ أول بأول

أوكي
صلي الظهر وقبلها 4ركعات سنة ركعتين ركعتين وبعدها ركعتين
وخلي هالوقت يكون لراحتك النفسية
وياسلام لو تحاولين تقرأين الرقية الشرعية على نفسك ترا كنت أخربط بصلاتي بشكل مرعب
مع أني عندي شغالة ذاك الوقت
بس بعد الرقية الحمدلله رب العالمين صرت أصلي وبخشوع وبدون وسوسة
وبدون ما اسمع صوت يقلي بسرعة بسرعة
خلصي أوقات أحس أحد واقف وراي
بس مع الرقية الحمدلله ونصيحة لاتتركي الرقية بعد الشفاء
على الأقل مرة كل أسبوع

بعد الغداء نامي لك ساعة لاتطولين لأنه كثرة النوم العصرية تجيب التعب زيادة
قومي صلي العصر ونظفي مطبخك وجهزي أشيائك للعشاء وقهوة المغرب

خلاص على قهوتكم المغرب يكون الولد معكم يدرس بس خلي بالك لايكون فيه تلفزيون

بعد صلاة العشاء خلي إبنك يتعشى وينام
وإنتي جهزي أغراضه حقت المدرسة عشانبكرة ماتحوسين عليها
عندك كوي إكوي وخلصي
كذا راح يكون عندك وقت لنفسك
تجلسين مع زوجك أو النت أو التلفزيون أو أي شيئ

وخلي لك يوم أو يومين من كل شهر تنظفين فيهم أي مكان في البيت تنظيف عميق
وخصصي يوم كل 3شهور تعبي الفريزر خضار وبصل مقطعة وطمام مسبكة ومعجنات
كل اللي ممكن يوفر عليكي وقتك
وبكذا شغلك اليومي راح يكون سهل وخفيف


المهم صدقيني الشغل في الصباح سبحان الله فيه نشاط والوقت فيه بركة
اللهم بارك لنا في أعمارنا وأوقاتنا وذرياتنا وأعمالنا اللهمآ مين

الله المستعان

اظبطي صلاتك وعلاقتك مع الله تنظبط كل امورك في الحياة
وتراك ماجورة باذن الله ان احسنتي تربية اولادك وتحملتي المشقة وراهم