حوامل الشهر التاسع تعالوا افتح نفسكم على الولاده

اول شي انا عضوه جديده في المنتدى مع انوا ليا 3 سنين متابعتكم وحاولت اسجل بس كان مافي نصيب واخيرا اتسجلت ===========>اوكي اختصري

المهم كنت على طول اتابع قسم الحمل والولاده عشان اتأخر حملي سنتين وبعد مافتحوا قسم تأخر الحمل نقلت هناك والحمدلله حملت

وجا موعد الولاده و صحيت من النوم ونزل مني مويه وكنت وقتها في بيت اهلي ولمن سألت امي قالتلي هذي ولاده وكنت مره فرحانه عشان حشوف مولودي ورحت المستشفى وكشفوا عليا قالت الدكتوره الرحم فاتح واحد بس وانا طبعا فرحانه وكان لسه مافيني اوجاع ودخلوني غرفه الولاده من بدري ماأدري ليش بس يمكن نظام المستشفى عندهم كدا والساعه 5 العصر فتح 3 سم وانا طفشانه لاني عندهم من الساعه 10 الصباح وبدأالطلق وكان يجيني وجع في ظهري احسه بيكسره ووجع الظهر ماله وقت زي المغص لا كان الوجع على طول
المهم جلست انا والطلق الين الساعه 9 في الليل قالت الممرضه الرحم مفتوح 10 سم قالت اذا في وجع دفي المهم اول شي اسألكم بالله تقولوا ماشاءالله
لما كان الرحم 8سم دقتني ابره وماعاد حسيت بشي ووقت الولاده حطولي تخدير كنت انام ووقت الدفع اصحى وكنت ادف وانا نايمه زي الحلم اسمع اصوات الممرضات والدكتوره بس اني مااحس ولا اقدر افتح عيني ولا ادري مين عندي وقتها اختي كانت معايا عند راسي وانا ما ادري انها دخلت لاني فاقده الوعي وكنت اصحى ادف وارجع انام صحيت من النوم الساعه 11 وماني داريه اني ولدت بس كنت اتذكر الممرضه لما قالت انتي خلاص 10 سم دحين ولاده واحط يدي على بطني ومالقيت الكرشه عندها تأكدت اني ولدت وخيطوني من غير مااحس بشي بس كنت ماني مستوعبه لاني ماحسيت بالم زي ما كانت الناس تقول
يعني باختصار نمت وصحيت وقالولي ولدتي ولبسوني وطلعوني على غرفتي وانا لسه ماشفت ابني وماجابوه ليا الا ثاني يوم الساعه 8الصباح كان يجنن شبهي طبعا
ونصيحتي للحوامل باذات البكريات لا تخافوا من شي صراحه الولاده مره حلوه تهون قدام الوحام والله يرزقكم ان شاءالله بولاده ميسره
بس حبيت اسألكم هل التخدير الكامل خطير لان زوجي لمن درا زعل مني وقالي ليش تعرضي نفسك وابنك للخطر ياريت تردو عليا لاني افكر استخدمها في كل ولاده ليا اذا ربي كتبلي حمل ان شاءالله وللمعلوميه انا اخدت تخدير عادي مو ابرة ظهر بالله لا تطنشوا موضوعي وردوا عليا

وكل عام وانتم بخير=======>بدري يا شيخه