##moo000oon##

##moo000oon## @moo000oon

محررة برونزية

بنات ابي همتكم

ملتقى الأحبة المغتربات

صديقاتي المغتربات ابي مساعده اذا ممكن
بنات انا افكر انزل السعوديه وطبعا راح انزل لوحدي وهذا الشئ هو اللي امخوفني خصوصا ان عندي بنت ولغتي زينه بس مو وايد اخاف اتورط في المطار واضيع شاسوي ابييييي انزل السعوديه

مااعرف كيف اتصرف طيب لو ما فهموا علي بيجيبون لي واحد يتكلم عربييي
ولاكيف بنات ساعدوني بنات ابيكم اتقولو لي الخطوط السعوديه اذا شافتني لوحدي اقصد المضيفات بيساعدوني ساعدوني بنات الله ايعافيكم
عفييييييه:06:
18
1K

يلزم عليك تسجيل الدخول أولًا لكتابة تعليق.

تسجيل دخول

شمــــــوخ
شمــــــوخ
هلا اختي

انا مريت بظروفك و كنت مضطره

مرتين رجعت من امريكا لحالي :(

بس و الله سهالات الشي اللي تغربلت فيه ان اعيالي تعبوا لكن الحمد لله شغالتي معي

انما في المطار والله ماحتجت حد ابد

الشغله ابد مايبي لها مساعده حتى

كل شي بيدي تذاكري و جوازاتنا و البوردنغ


الله يسهل سفرك يارب ويوصلك سالمه لديرتك
dreaming
dreaming
هلا مون
اذا عارفه الاجراءات ماظن فيه مشاكل
اهم شي لما توصلي للمطار تعرفي تروحي
للخطوط اللي انتي مسافره عليها
ماظن تحتاجي كلام كثير
المهم حسن التصرف والوقت وتعرفي البوابه
مادري عن العفش اذا اتي متفقه تستلمينه بالسعوديه احسن
الله ييسر امرك بس من الناحيه الدينيه
لاتسافر المرأه بدون محرم



ادعي لي معاك بالسفره
قولي الله ينولها اللي ببالها
حرم الدكتور
حرم الدكتور
غاليتي مون
والله مجرد ماشفت اسمك دخلت دغري
اختي ماقد جربت اسافر وحدي ولله الحمد ولا ادري عن هالشئ
بس تعالي
ودي اهمس باذنك ان حديث المصطفى صلى الله عليه وسلم صريح بانه لايحل لامراة ان تسافر من غير ذي محرم
وانتي بشهر فضيل تصفد فيه الشياطين وتفتح ابواب الجنة
ادعي ربك ييسر لك السفر مع محرم
او اخيتي اني افضل ان اصبر عن وطني قرونا عن ان اعصي الله

اتمنى من الله ان يوفق امرك ويوفقنا لما فيه صلاح الدنيا والدين
المرهفه
المرهفه
حتى انا عزمت اروح بلحالي لهلي وبعيدن عيالي يلحقوني مع ابوهم

لاني تحطمت نفسيا وتعبببببببببببببببببت مره يوم تاخر سفرنا لمجرد الاهمال وعدم تحمل المسؤليه

وعلشان الحق اجهز للعيد تدرون يبيله وقت ومنها اصوم عند اهلي

بس وش الي منعني؟؟ ماودي اروح بدون محرم خايفه اموت على معصيه

يعني سالفه المحرم هذي مهيب بسيطه (الله يتوب علينا )ودليل النبي صلى الله عليه وسلم واضح

اه ه ه ه ه بس الله يهونها على الجميع .....................:26:
بنت آدم
بنت آدم
يا هلا و الله بمووون..

فعلا عزيزتي.. حكم سفر المرأة بدون محرم واضح.. و ليس فيه مجال للعاطفة و الشوق للأهل..

فطاعة الله و إجتناب ما نهى عنه الله و رسوله .. أولى من كل شيء .. و من ترك شيئاً لله عوضه الله خيرا منه..

أعلم أخيتي أنه من الصعب عليكي.. بعد أن قررتي رؤية أهلك.. من الصعب التراجع.. و لن تطيعك نفسك..

و لكنه الإمتثال لأمر الله و التضحية بأغلى ما تتمنى النفس في سبيل الله.. و طاعة له..

************************************

إن كنتي لابد ذاهبة فلا أتوقع أن تجدي أي صعوبة ما دام أن سفرك عن طريق الخطوط السعودية فالمضيفات و

المضيفين في الغالب يتكلمون العربية و يتفانون في خدمتك سواءا في المطار أو على الطائرة أو في الإجراءات

و تعبئة الأوراق..

وفقك الله غاليتي.. و كتب لك الخير