بكتب بدون مقدمه وبدون اختيار للكلمات ...
كلامي طالع من القلب لاخوات غاليات احببتهم واتمنى لهم التوفيق ..
اسأل الله من قرأت موضوعي كاملا ،، ان تيسر لها كل عسير ،، وتسخر لها زوجها واهلها ،،
وترزقها سعاده لا تشقى بعدها ابدا ..
حبيباتي القسم صار كله مشاكل ،، والله وربي يشهد مااقصد استهتار بمشاكلكم ..
بس ابيكم تتأكدون انه مافي احد عايش بدون مشاكل ..
بالذات بعد الزواج ،، طبيعي زوج ماتعرفينه وماتعودتي على طبايعه ولا تعود
على طبايعك يكون بينكم مشاكل ،،
بس مع النصايح اللي تقدم احيانا من بعض العضوات بدون قصد ممكن تكون دمار
لحياتك وتأصيل للمشاكل ..
حبيباتي كل وحده عندها مشكله اذا مو مع الزوج ،، مع اهله ،،او مع اولادها ،، او غيرهم ..
صدقوني الدنيا مافيها راحه ..
اللي ابي اوضحه انه لازم اول شي نرضى بحياتنا ونحتسب الاجر ونصبر ..
واذا ماتحلينا بهذي الصفات بنتعب ونجزع من اي شي يوآجهنا ...
السعاده سعادة تجدينها بقلبك ورضى بغض النظر عن الظروف اللي نعيشها ..
اسعي لامتلاك هذي السعاده حتى تعيشين براحه وهناء ،،
لذلك
1 / دائما انظري الى من هم اقل منك في كل شي واحمدي الله واشكريه ..
عشان تملكين الرضى والقناعه ..
2 / كوني قريبه من الله مجتنبه نواهيه ،،
اذا ارضيتي الله ، سوف يرضيك .
3 / الجئي لله وادعيه ان يرزقك السعاده والرضا ،،
والجئي له في حل مشاكلك ومايواجهك من صعوبات .
هنا انت امتلكتي سعادة القلب ...
ياما شفنا ناس مال واولاد وزوج على كيفها بس
حزينه كئيبه ،، لاتجد للسعاده طريق ،،
فترى السعاده الداخليه مالها علاقه بظروفنا ..
الشي الثاني وهذي نقطه مهمه جربيها وشوفي أثرها كيف ؟؟؟؟
واحب اوضح اني انسانه مقصره بالدعاء والله اني مقصره ..
اذا واجهتك مشكله معينه ،، في بدايتها وقبل تشتكين قبل تكتبي بالمنتدى قبل تكلمين احد
قبل تناقشي زوجك او اللي مسبب لك المشكله والألم قبل حتى تبكين من الألم
.قبل هذا كله وانت بمشاعر الألم والقهر والحزن والضيق ،،
في هذه اللحظه روحي توضأي وصلي ركعتين واذا سجدت ابدئي طلعي كل
اللي بصدرك اشتكي لربي واطلبي منه العون والحل والصبر ،،
بتلاحظين انك تدعين بطلاقه و دموعك تسبق دعواتك وهذا شي طبيعي لانك في لحظة الألم
بسرعه لجأتي لله ،، ماكلمتي احد ولا فضفضتي ولا تناقشتي ولا بكيتي ..
بنات حتى :icon33: حاولي تأخرينه <<<<<<<<<<< :blink: وش ناويه علينا بالضبط ؟؟؟
عشان اللي بصدرك مايخف ،، بسرعه على السجاده ادعي وابكي .
وشوفي بعدها كيف الراحه اللي بتحسين فيها رغم ان المشكله مازالت موجوده ؟؟؟
رآحه وطمأنين ينزله ربي على قلبك ،، بعدها تقدرين تفكرين وتحلين المشكله بهدوء ،،
عاد بعدها تبين تشتكين روحي لأقرب سماعه كلمي امك اختك صديقتك اللي تبين واشتكي ؟؟
بس انا متأكده انك مانتي محتاجه تفضفضين :42: لان كل اللي بقلبك طلعتيه ..
تبين تشتكين لصديقاتك واخواتك بالمنتدى عادي روحي وافتحي موضوع جديد وابدئي فضفضي
بس كأني اشوفك مانتي عارفه تكتبين سطر واحد :hahaha:
بس لو كتبتي قبل تدعين ،، بتكتبين 5 سطور بدقيقه ،، لان الالم والقهر مازال بقلبك ،، واصلا ربي
مو معاك لانك ماطلبتيه العون والصبر والحل ،، رحتي على المنتدى اللي نصايحهم تختلف بأختلاف
اعمارهم وخبرتهم ،، بختلاف مجتماعاتهم وجنسياتهم ،، بأختلاف نواياهم وتدينهم ،،
ترى الدعاء اللي اقصده مو الدعاء العادي لا الدعاء بلحظة الالم له مفعول عجيب ،،
بس لو قلتي بكتب مشكلتي بعدين اروح اصلي وادعي صدقيني بيكون دعائك
ببرود ومو نفس طلاقتك ،،
لان كل اللي بقلبك طلع بكتابة موضوع او بفضفضه بالكلام ،،
وترى مو شرط تصلين ادعي وانت بمكانك بس اهم شي ادعي
بوقت المشكله ..
عاد فيه فرق كبير بين الدعاء لرب بيده كل شي بيده السعاده بيده ان يجعلك تعيسه
بيده ان يقلب وضعك للافضل بدقيقه ،،
وبين بشر مثلك وينصحونك وهم اصلا ماعرفوا يحلون مشاكلهم .؟؟؟
عندي دفترين كبار كلها كاتبه ذكرياتي من كان عمري 13 سنه الى الان عندي ..
مليتها من الافراح و المشاكل والبلاوي ههههه ..
واستمريت اكتب ،،
ومن فتره صرت مااكتب ولا عندي شي اكتبه ؟؟
تتوقعون خلاص ماعندي مشاكل ؟؟
طبعا لا دامنا عايشين لا بد من المشكل والمصاعب ؛؛
بس لان اي شي يواجهني قبل اروح ادعي .. سبحان الله ترتاحين ولا تحتاجين تفضفضين لا للدفتر ولا لغيره ..
ويوم كنت اكتب ،، صح كنت ارتاح بس ابد مو زي راحة الدعاء ولا يقارن فيه ..
اسأل الله لي ولكم السعاده والرضى وراحة البال ..
وان يجمعنا بالفردوس الاعلى كما جمعنا بالدنيا ..
فرناز @frnaz
عضوة شرف في عالم حواء
يلزم عليك تسجيل الدخول أولًا لكتابة تعليق.
فرناز
•
جزاك الله خير كلامك من قلبجزاك الله خير كلامك من قلب
وياك حبيبتي ..
شرفني حضورك بارك الله فيك ..
شرفني حضورك بارك الله فيك ..
الصفحة الأخيرة
يعطيك الف عافيه