الله يعينك ويفرجها عليك
بس يالغاليه ماراح يخلي امه عشانك وين تتروح لازم تسكن عنده

والله بكره يطلقك صدق ويتزوج ويجيب وحده ترضى بالسكن فوق اهله وانت اجلسي بين اخوانك ومنتهم واللي يفضى لك وعيالك يتمنون احد يحن عليهم
وهو يكون له اسرة ويعيش حياته واذا مره طيب ارسل لك كل شهر اللي يقدر عليه والبقية له ولعياله واذا اصلا الرجال ما عنده توقعي الاقل
يا بنت الحلال لا تكبرينها وهي صغيرة

لا تروحين لأهلك بعدين تندمين هو يتعود
انا شبة الرجال اللي عندي دايما يردد على أسماعي من شفتك ما شفت الخير والعكس صحيح
بس وش نسوي
الله يصبرنا بالنسبة لي اجمل لحظات عمري اذ طلع والحين دوامه تغير ثأر يغيب 5 او 3 أيام برا ومبسوطة والمشاكل خفت
لكن عيالي كسرو سيارة أخوة ومتوعدني

حبيبتي هو غلطان من فووووقه لتحته بس شكله مضغوط من شي وطلع حرته فيك واكيدين مو قصده هالكلام ولا من قلبه ولو صحيح كلامه ووجهك مو خير وخسرتيه ماكان ارسل لك بتجين او لا وكان بغي الفكه منك وانتي تصرفك صح انك علمتي اهلك بس برضو ارجعي كلمي ابوك وقولي له يبيه انا زوجي مضغوط وصدر منه هالكلام بس حبيت احطكم بالصورة عشان مايكررها وخلي زوجك يجي وخلي ابوك يعطيه كلمتين ويعاتبه وارجعي بيتك وتعوذو من الشيطاااان

نصيحة اخويه
اذا زوجك ماعمرة ضربك ولايسافر للخراب ولامدمن او سكير ارجعي لبيتك
واكثر الحريم يصبرون على رجالهم لاتشوفين الوحدة تضحك بوجهك على بالك سعيدة البيوت اسرار
واذا علشان سالفة البيت راح يختار امه ويدخل العناد بينكم ويطلق
لاتقولين عشرة ماعشرة رجال الوقت سهل الطلاق عندهم
ومثل ماقالت صندوق بريد بيتزوج غيرك ويعيشها بالشقة
وش فيها الشقه الحمد لله بيت ملك وامن وامان
كلنا يالحريم نحلم ونفكر وعندنا اماني بس لاتجري الرياح بما تشتهي السفن
ولنفرض انه رجعك بعد زواجه يكون قدامك امه وضرتك بدل لاتكحلينها تعمينها
ومن ناحيه الشرع زوجك ماغلط بشي من حقه يسوي ارضه
فله ويقسمها ادوار ومن حقه يسويها شقق لك شقه وامة شقه