علموني شلون اواجه هالشي

موضوعي كثير اتكرر بهالمنتدى وانا اقرا ردود البنات بس ماكتبته الا انه زاد عن حده وهالشي يأثر علي وعلى حياتي.. الا وهو مشكلة تاخر الزواج انا الحمدلله صرت مؤمنه بقضاء الله وقدره بعد ماكان مضايقني هالموضوع ليل ونهار ومؤمنه انه هالشي مو بايدي بيد الله بس هذاالنصيب وصرت شاغله نفسي عن هالموضوع ماراح امدح نفسي انا على قدر من الجمال والاخلاق وهذا مو كلامي كلام الناس والكل يستغرب اني للحين مومتزوجه ولامخطوبه ودايمن يتكرر هالسؤال معقوله للخين مومخطوبه ..احس بسبب هالشي توقف نصيبي من كثر عيونهم وسؤالهم لانه للي ماتتوقعيها تنخطب تتوفق وتتسهل لانهامو فبال احد وماعليها عيون..بس الان تواجهني مشكلة النظرات اني للحين مو متزوجه وبنات اقاربي اللي كنا سوالف وضحك وطفوليه صرت بينهم وحيده وشكلي يحزن هم واطفالهم امي صايره تتعب من هالموضوع وتتنرفز بس ماتبين بس انا حاسه فيها ..علموني كيف اوثق بنفسي واواجه مجتمعي واتناسى هالموضوع لاني صرت مااطلع ولااحضر عرس بسبب نظراتهم وسؤالهم المتكرر لامي للحين بناتك مانخطبو معقوله واللي يتهم اهلي بانهم يتشرطون وعماتي دايمن يهاوشون امي انها هي اللي تتشرط وتوقف نصيبنا والله مانتشرط نبغى الاخلاق والدين بس ماجاء شنسوي يعني ..