السلام عليكم ورحمة الله وبركته
خواتي وحبيباتي انا يوم الثلاثاء كان عندي موعد مع دكتورتي سحر الصاوي
مراجعه وانا بشهري التاسع دخلت فيه لي اسبوعين وسوت لي اشعه وتعالوا شوفوا وش صار
قالت المويه قليله حول الجنين ولازم اولدك وخفت وجاني مغص وربي انا كنت حاسه ان فيه شي
لأني تنزل معي مويات شويه من اسبوع وتوكلت على رب العالمين وقلت خلاص بولد واخلص
ورحت لقسم الطوارئ بمستشفى الحبيب للولاده وماشاء الله على روعة النظافه والنظافه والتعامل الحسن
صراحه كلمة رائع وفوق الممتاز قليله بحق هالمستشفى لا من الدكتوره سحر جزاه الله كل خير ولا الممرضات
المهم دخلت غرفة الولاده وعطوني طلق صناعي بغيت اموت بغى يفجر بطني من قوته الله يعظم الأجر
وعطوني مسكنات واكسجين مخدر والحمدلله بس معاناه من الساعه 12 الظهر لحد الساعه 10 بالليل وانا اطلق
والرحم مافتح غير 4 سم وجاتني الدكتوره سحر يالبى قلبها وخافت علي لاني اخر مولود بعمليه قالت انتي لازم عمليه
والرحم مو راضي يفتح اكثر من كذا ووافقت انا وزوجي وتوكلنا على الله لاني تعبت مرررره
وعلى طول غرفة العمليات دخلتها يمكن الساعه 11 بالليل ومعاناه مع التخدير والدكتوره تضمني عشان يبون يخدروني
الجسم ماقبل من كثر التعب المهم اخيرا تخدرت وولدوني جبت احلى ولد يارب يخليه لي ولاتحرمني منه على الساعه 12 وماحسيت بالولاده لانهم خدروني تخدير كامل واحمدك يارب اني ولدت وقمت بالسلامه
جلست 3 ايام بالحبيب وخرجوني على حسب طلبي
ام فيصل 9 @am_fysl_9_1
عضوة نشيطة
يلزم عليك تسجيل الدخول أولًا لكتابة تعليق.
مشاعل الفهد
•
الف الف مبروك حبيبتي ويتربى بعزكم وربي يصلحه ويخليه لك
الحمد لله عـ السلامة و مبروووك ما جبتي يتربى في عزكم ان شاء الله ..
الله يسهل لنا ياااارب ..
الله يسهل لنا ياااارب ..
الصفحة الأخيرة