انا والبهاراااات معانااااااة الله يخارجنا
السلام عليكم
ياحريم انا يمين بالله ضايعه اخذت من امي بهارات مشكله تسويها قريبه لها عطتها اياها هديه اخذت كمية ولذيييذه تزين طعم الاكل
وخلصت طبعا
وقلت لها تطلب منها ورفضت تطلب تكلمها عشان بهارات
المهم انا رحت للسوق وشريت بهارات مشكله تجي بعلبه وووالله يكرم النعمه كنها تراب
شرينا البهارات اللي تجي علب طوفريه ب 90
بهارات كبسه ولحم ووو وفيها حلبه تصرع
ورحنا عطار مشهووور بالبطحا وقالي اما اختصاصي بهارات بسويلك تشكيله واطحنها قدامك واعوذ بالله طعمها يانسوووون يصدع بالراس
لفيت المنتدى ولقيت كم خلطة بهارات الحرمه تخلطها بنفسها وتفتك من بهارات العطارة والسوق
وتقريباا كلها نفس المكونات بس فرق في كمية كل واحد فيهم
المشكله وين الحين
ان الكمية مثلا ربع كاس
نص كاس
وبعض البهارات زي دارسين او لومي او ورق غار او بصل او ثوم مجفف
هذي مادري كيف اخذ منها كميه هل اطحنها بودرة اول وبعد الطحن احسب منها كمية ربع كاس مثلا او قبل الطحن
وكيف انظفها بنفسي قبل من التراب وانا بيتي شقه والحين شتا كيف بتنشف
نور._. @nor_169
محررة
يلزم عليك تسجيل الدخول أولًا لكتابة تعليق.
#sugar#
•
حبيبتي اشتري بهارات جاهزة مهران و اسناد
وفيه نوعية مرسوم عليها طباخ دب كلهم حلوين
لا تشترين من محامص ولاحريم غالية واغلبها مهنا زين
وفيه نوعية مرسوم عليها طباخ دب كلهم حلوين
لا تشترين من محامص ولاحريم غالية واغلبها مهنا زين
jnoonh
•
اذا لك احد بحايل خليه يجيب لك من السوق الشعبي بهاااااارات خطيرررره حريمون يبيعونها❤️ادعيلي...،
👑عٓـــنَّـــزٰيٓـــهـً يٓ عٓـــٰينٓ اُأبوْوْيٓ👑
👑عٓـــنَّـــزٰيٓـــهـً يٓ عٓـــٰينٓ اُأبوْوْيٓ👑
إذا أنتِ بالرياض عندك في أسواق طيبه محل منتوجات حايل قد خذت منه زمان وبهاراتهم لذيييذه ومري ع بقالة الحمود بعد وشوفي بهاراتهم
وفيه محلات رحلات مثل البراري والسنيدي تبيع بهارات وفيه منها نوعيه ممتازه للكبسات والحمسات
دعواتك ربي يسعدك
وفيه محلات رحلات مثل البراري والسنيدي تبيع بهارات وفيه منها نوعيه ممتازه للكبسات والحمسات
دعواتك ربي يسعدك
المعلقات
•
يابنت الحلال البهارات اهم شي تكون حب نظيف مثل الكمون يكون جديد وكمان الكزبره اقولك ع طريقتي لاني مااشتري المطحون الا الكاري والكركم والباقي بالبيت جيبي هاون خشب حق البهارات وكل وجبه دقي البهارت الكميهرالي تناسبها عشان تكون طازجه كمون وكزبره وفلفل اسود طبعا لاتظيفي البهارات ع الايداما ت والشربات والعدس ووو الا اذا خلاص صرتي بتقفلي النار عشان تبقا ريحتها وعند حمص البصل اضيقي الهيل والقرفه والكبسه دايم اضيفي هيل مطحون وكمان اضيفي ع طبخك الشيبه عند حمس البصل تعطي للايدامات والكبسات نكهه مميزه
الصفحة الأخيرة
والله حاسة فيك
طبعاً امك يحق لها تستحي لان الحرمة ماتبيع عطتها هدية لو تبيع كان عادي
طيب مافكرتي تشترين بهارات من الحريم اللي يسوون ويبيعون
لو تسالين قريباتك من وين يشترون بهاراتهم الا ماتلقين لك كم وحدة يشترون من حريم جربي كمية بسيطة لا تاخذين كيلو خذي ربع كيلو عشان لا صار مو زين ما تبتلشين
وعندك في السوبر ماركت بهارات اسناد حلوة جربي منها علبتها صغيرة ما منها خسارة
وجربي انتي تحطين في الاكل فلفل اسود على كمون على رشة قرفة على كزبرة على بابريكا
ترا يطلع حلو بالاخير
ماحبيت اطلع بدون رد لكن مااعرف طريقة الغسيل بالبيت ولا مكيال القياس
موفقة