أنا شاطرة بالمكياج مره بس مشكلتي كنت اشتغل على خفيف بالبيت والجيران وفي المشاغل بالنسبة وبعدين سمعت في مشغل كبير وسمعته حلوه طالبين خبيرة مكياج ورحت عندهم وسويت بروفة واعجبهم الشغل مرررررره وسألوني كم الراتب اللي تبينه وقلت لهم ثلاث آلاف وخمس مئة وبعدها طلبوني أداوم معاهم في وقت الموسم من تاريخ 19 رمضان والله اشتغلت شغل قبل العيد على التشقير واجلس معاهم حتى آخر الدوام وجا العيد وشغل المكياج والضغط الشديد بالمشغل وبعد شهر وعشر أيام ولما جيت آخذ راتبي قالو حنا نعطيك ألفين وخمس مئة وقلت ليش وشلون آخر شي قالو ألفين وسبع مئة ولا فيه مواصلات ولاشي المواصلات لحالها تاخذ مني ميزانية غير الدوام اللي يدققون علية كثير بالرغم ان في أجنبيات عربيات يداومون الساعه ثلاث العصر وانا أجي الساعه وحده ونص ثنتين بالكثير ويزعلون على الرغم أني طلبت عقد بيني وبينهم وهم مو متحمسين يسوون عقد والمشغل لهم فرعين اشتغلت بالجديد تقريبا ثلاث شهور وطلبو مني اروح الفرع القديم لأن السعودية اللي فيه طلعت ورحت غطيت المكان هناك ووقفت معاهم في اوقات هم محتاجيني فيها وماقصرت ......وفوق هذا كله راتبي ينقص اكثر المرات عشان التأخير او الغياب ويكون عندي ظروف مثل مرض فيني او احد أولادي او مواعيد بالمستشفى يعني بعذر .....يعني مسكت التشفير وهو مو ضمن العرض والطلب مع المكياج وهم اكثر شي متعبين والطلب علي كثير بالمشغل سواء بالتشقير او المكياج لإتقاني لشغلي ولله الحمد وعرفت بعدين أني أنا اقل وحده بالمشغل في الراتب رواتب الموظفات الأخريات فوق الأربع آلاف واللي خمس آلاف سكتت وطلبت من صاحبة المشغل تزيد راتبي بحيث انه يوصل الثلاث آلاف صارت تقول كملي سنه ويصير خير وإن شاء الله وبسأل المديرة السورية ونتناقش في الموضوع ومن هالكلام أنا الصراحه مره وحده قلت لها وقالت هالكلام ماقلت شي على نهاية الدوام شلت أغراضي وقلت للمسؤلة بكرة معاد أداوم ....وفعلا جلست بالبيت ولا عاد جئتهم كلموني ارجعي ويصير خير حتى ماقالو بنعطيك طلبك ارجعي ويصير خير يبون يلعبون علي زي اول ماجيتهم....رحت مشغل ثاني توه جديد شافت شغلي صاحبة المحل وعجبها الشغل ووظفتني عندها بثلاث آلاف ريال وهم توهم بادين الشغل بالسوق لكن هي تقدر الشغل الصح وتعطيه حقه وطلبت تسجلني بالتأمينات وانا رفضت حتى استفيد من حافز الصراحه ليش اكذب لكن هي متمسكه فيني وعادوه الشغل ومرتاحه لي ولشغلي وعرفت اسباب رفضي لدخول التأمينات وما عندها مانع  

شكراااااااا لك اختي يايمه على هالدعواااااات الطيبه ولك بالمثل اختي

هلااا فيكي اختي ورده يانعه
زي ماقلت حتى يكون فيه انضباط بالعمل لابد من وجود عقد العمل الرسمي بينك وبين صاحبة المشغل كي لاتضيع الحقوق
العمل بطريقة الكلام والوعود ماينفع !!!
والله يوفقك مع صاحبة المشغل الجديده
بس ابقولك شغله
لازم بينك وبينها عقد عمل
واذا يزروها مكتب العمل ترا ممكن يغرموها لو ماكان بينكم عمل وماسجلت اسمك بمكتب العمل !!!
فمهم ان علاقة العمل بينكم مايكون فيها ضرر ولا ضرار لاعليكي ولا عليها
فلازم تعرفوا كيف الانظمه وتطبيقاتها
والله يوفق الجمييييييييع يارب ويبارك في ارزاقنا يااااارب

لا اله الا الله محمدا رسول الله
اللهم بارك لنا في رزقنا واعمارنا ياااااااارب

أنا فكرت اوظف سعودية للمكياج والتشقير
في وقت المناسبات واعطيها 50% لأن مااراح اكلمها الا وقت المواسم او الزحمة
كيف اكتب عقد بيني وبينها؟؟؟

كيف اختي ام لين وليان عقد ويكون بأوقات المناسبات فقط؟
ومعروف ان اوقات المناسبات متفرقه !!
يعني كيف شكل العمل ايلي اتفقتم عليه ؟