امتحـاناتـنا يادرب العـنـــا.. بتكرفينــا .. وش ذنـبي أنـــا

قلبي اللي مابعد ذاق للراحه طعم
من اختباراتن هدت الحيل وشفطت الدم
يالله انك ترحم الحال ياخلاقها
ارحم اللي جسمه غدى مثل القلم

وشعلووووومكم عساكم بخيييييير ..

انا جايتكم بصراحة اشتكي من كارسه حلّت بي ..

مصيبة كبيرة جداً ..

(( الله يكفينا شر المصايب ))



حلت فيني كارسه الله لا يجيبها لعدوينكم يا رب >> تدعي لكم ترا

إلا وهي

بعد ما كنت انا هديبا

الطقاقه المدلله المرحه .. <<اما مدلله

كل الملـح والقبله << الله الله

ذات العينين الزرقاويتان .. << يمديكم علي هع هع هع

والاذنين الممطوطتين والشعر الاشقر << لا يغركم صابغته بكنت


اصبحت وردة ذابله ..

فراشه حزينه ..

ذبانه منتوفة الجناحين ..

ناموسه ملسوعه بالمصيده ..

صرصور ملحط بزنوبه لين تفل العافيه..


تدرون ليش ؟


اختباراتنا لا بارك الله فيها بكرا

<<طيب طسي ذاكري



عظم الله اجركم يا الداجات
وانا لله وانا اليه راجعون يااربي كل سنه على هالحـــال الى متى هالموال <<ودي اصيح <<محد ماسكك

لا عاد اشوف احد يوطوط هنا الا الطالبات واللي ودها
تواسينا حّياها واللي بتتشمت فينا تراني بفجر بها
<< نفسية وحده عندها امتحانات <<نفسها على طرف خشمها هع هع

يالله ماهي حال الغرب تصنع قنابل وصواريخ .. وحنا نكرف بــ أقلام ودفاتر
<<شكلهم بحذفوني للأجتماعيه

وش حوفكم <<سامعتها طازه وبكشخ فيها عندكم

وش حوفكم يالطالبات وكيف الاجواء المنعشششه <<ايييه منعشه

يالله بدا النكد وضيقة الصدر و بدت موعد ظهور حالات المذاكره اللي

تمتر بيتهم كله مدري كيف ما دووخ هع
<<مره بالثانوي خالتي قالت لي ذاكري وانتِ تمشين عشان ماتنامين
ولا عادت من نصيحه ما انتهيت من صفحتين الا وانا منصرعه

واللي تذاكر وهي منبطحه (وش رميس )

واللي وهي فاتحه خشتها على التلفزيون

واللي تبلوع بصوتها تقل راديو .يالله مايصيبك لوز .. خخخخ
<<تكفين قصري الصوت جيرانكم رحلو خخخخخخخ

واللي بين كل صفحه وصفحه فازه للمطبخ وتشفط لها حبتين اندومي (وش عذيب )
<< خخخخخخخ ادري ظلمتك بس حاسه انك تسذا

واللي مفسره عن ساعديها ..حشا ودها تضارب ويطردونها اخوانها وتحط حرتها بكتبها

واللي يتسلط عليها النوم اذا مسكت الكتاب (وش هديبا )

واللي تقل طالعه من مقبره الكششششششه منفوشه والنفسيه معفوسه

واللي تذاكر مذاكره جماعيه اتحدى إذا ما مرنص الوقت بالسوالف

اما حالتي انا مستعصيه الله لايبلا بها مسلم

مكبوته ودي افضفض وش وراكم تحملوني
وآآآآآآآآآه ياهلي الروح تعبانه جيبولي تختور نفسيه حيبولي تختور نفسيه <<ودها ترقص العبده هع

اول ما اسمع طاري الاختبارات واشم ريحتها اشيل قشي <<ودها تهج خخخخخ
والله اششششيل قشي واطلع من غرفتي سبحان الله اتوحم عليها هع هع
ولا اواطنها وقسسسم تصيبني ضيقه لادخلتها
<<مليووون بالميه حاذفيني للمشاكل الاجتماعيه خخخخخخخ

يالله ايام الثانوي ندج ونفلها والنتايج تبيض الوجه
اما ذحين نكرف كرف الحميير وندور المقبول ولانشره عليه
<<اكرفي زي الناس ويجيك اللي يرفع الراس خخخخخخخخخ

ومستحيل افتح كتاب وانا اشوف ضو النهار <<مدري شلون طلعت بس ابلعوها

ومنبطحه واتضارب مع الكتاب شوي صاكني على وجهي
وشوي هاج مني مدري الا وانا متكرفسه على خشمي .. اتاريني ماخذه غفوه هع هع

يالله ليلتها ياتجيني افكااار لو يجبون قضايا المجتمع كلهاا احلها لهم
<<بس ودها تهرب من كتبها هع هع

وافكر بهالعروس وش نفصل وش نلبس دنيـــــــــــا ناس تعرس وتشغلنا بعرسها

وإلا اعيط عند امي يااااااااريتك جبتي لي اخت توم تختبر عني
<<امنيتها هاااااااااااااااااع


واخر الليل ندهر بالتلفونات علانه وشحذفتي بنحذف وراك
<<اما انا ابشركم حذفت المنهج كله هع هع

واللي هاة بنام ساعه والجوال عند راسي صحوني على اربع
<<ابشري ان ماصحيتك على ثمان هع هع


يالله حاااااااااااله فجرية الاختبارت غير شكل بس لها طعععععععععم
وفيها البركه عرفتنا على كتبنا <<ماتفتح الكتاب الا ليلة الامتحان
<< آه وتقول ماتبي تحمل


المهم خلوا هالقرقره كلها ودحدروا الله لا يهينكم
<<<< وش بعده يوم ازعجتيهم هع


* هالحين لوني طقاقه ياسلااام ادهر بالعروس ولا لي بووجع الراس
<<ما زال عندها امل تصير طقاقه هع هع

* الماده اللي تكرفين فيها اعرفي انك راسبه فيها هع هع

* د/ اسماء ..اكرهك ولاتفكري انو يجي اليوم الي احبك فيه

*لاتعبون حالكم تراها كلها كم سوعال ماتستاهل هالكرف << بتضيعكم


*(( 4/5)) يااااااااااوحشششني متى حتجي

*لهالحين ماطلعت الحره والكبت اللي بقلبي <<الله يعين اجل ذا وشو ؟!


* ياوووويل اللي تسعلني عن النتيجه

*لاتسونا من دعواتكم في عصر اليوم الجمعه ((اهمممممممممم شيء ذا))

*الاختباااااااااااااااااارات اكرهــــــك موووت


^

^


هالخنبقه كتبتها على ضو الشمعه اقصد على ضو الأبجورا ومانيب بفاضيه ازخرفها وألونها <<استرو ما واجهكم هع هع

وياااااااربيييييييييي كـــــل ماروح مكان غير طاريها غير طاريها .. وهي خاربه خاربه خلونا نعميها خــــــــــلووووووووونا نعميها
<< ياحيـف عليهم على قلبي ياربي تشفيني هع هع