حبيبتي.......قمـ قـطر ــر شكرا لك على الرد وعن الدورات بصراحة في جدة ما قدت سمعت إنو يسوونها .......بس إن شاء الله يارب يسوا هنا وأقدر أدخلها لأنو نفسي مووووووووت أتعلم ولو شئ بسيط
أما عن التخاطر.....احسها موهبة من الله وشئ حلو .....وأنا بعد لي كم تجربة ......بس لي تأخذ من طاقته وراحته.؟؟؟؟؟؟؟ لأني أنا تصير لي عفويه.....
يالله تصبحين على خير
وبانتظار ردك
دمتي بخير

حبيبتي هبه شكرا ويعطيك ألف عافية......إن شاء الله تروحي وترجعي بالسلامة ....
بانتظار ردك
دمتي بخير

صبحكم الله بالخيــر.. و عسى الله يكتب للجميع الاجر والمغفرة في هذا اليوم المبارك (( عاشوراء))..


فديتج سوالفي في التخاطر كثيرة.. والموهبه هذي مثل ماتسمينها خذتها عن ابوي الله يحفظه وبقولج ليش تتعبني..

انتي اسمعي هالسالفة بالاول ..

اذكر اني بثالث سنة جامعه.. كنت سهرانة على النت.. والوقت تقريبا كان على الـ 2 وشوي.. وكنت اكلم رفيجتي ماسنجر.. ومستانسة واضحك وياها ((الله يذكرها بالخير )).. مره وحده .. صادني مثل ماتقولين هبوط مفاجئ.. حسيت ان قلبي طاح من مكانه.. شعور مؤلم وقوي يعني حسيت فيه مثل احساس المريض بعلته..
ومع ان الجو كان بارد في الغرفة.. حسيت اني بموووت من الحر.. وكن الحرارة تطلع من جسمي.. سالت رفيجتي الي على الماسنجر اذا مضايقها شي او حد زعلها.. قالت لي لا انا مبسوطة معاج..

المهم اني سكرت النت والكمبيوتر و رحت انام.. ما قدرت انام.. صرت اتقلب في الفراش.. كني خايفه من شي ومب قادرة اعرف شنو..

يعني عشت حالة نفسية مايعلم بها الا لله..

ثاني يوم كلمت اعز صديقاتي لاني بروح معاها الفندق اجهز معاها كل شي عشان زواجها في نفس اليوم..

يوم سمعت صوتها تعبان شوي.. سالتها على طول انتي اشفيج البارحه الساعه 2 وشوي.. قالت لي مافيني شي.. قلت لها قوليلي الصج اشفيج في هالساعه بالذات..

قالت لي.. بصراحه .. كنت اصيح و احااااااااتي ليلة عرسي شلون بتكون.. :(

على فكرة ترى انا من الدوحة ورفيجتي هذي من الوكرة..

لكن اعتقد ان المكان مايهم.. اذا كنتي متعلقه بهالشخص.. وتحبينه..

عرفتي ليش الموضوع هذا ياخذ من راحتي..!!!!!!!!!

احيانا احس بمشاعر الناس حتى لو ماكانوا يهموني.. بس لاني قريبه منهم.. يعني لو قعدت جنب وحده نفسيتها تعبانه..نفسيتي تتعب معاها..<<< ماعندها سالفة :(

ان شالله مرة ثانية بقولج سالفة غريبه شوي.. بس عشان ما اطول عليج اكثر من جذي.. وياليت اسمع تجاربج انتي والبنات.. :27:


سلام..

اهلين ....

تصدقون اني تعبت وانا ادور كتب عن الباراسيكولجي ..تقريبا بديت البحث قبل سنتين ... ودايم ابحث بالنت ولقيت منتدى يتكلم عن هالشي ...بس شوفو لازم الواحد يحكم عقله وينتبه لدينه ترى فيه اشياء تمس الدين ... وفيه اشيااء لاا ..
والتخاطر .... هذا افضل شي عرفته في علم الباراسيكولجي ..

ودي اجربه ..انشاءالله ...


___________________

قمر قطر : ياليت تشرحين لنا تجربت :) وهل رسالتك وصلت ؟

هلا لميس..

يا قلبي.. انا استقبل ما ارسل :D .. ماادري يمكن لان الناس الي احبهم ما عندهم مثل هالاحساس.. ما عدا ابوي طبعا الي اخذت قوة الاحساس منه.. :)

و انا ما حاولت اني اطور الموهبه هذي.. او اني ارسل رسائل واضحه لشخص معين..

لاني سمعت سوسن بدر في رمضان.. ماادري اذا سمعتوا قصتها.. لكن لان قصتها مرعبه.. فقلت انسى موضوع التخاطر بالمرة.. واذا كنت بحس باحساس اشخاص احبهم افضل لي الف مرة من اللي صار معاها..


وعلى فكرة التخاطر يحتاج لتدريب.. حتى انج تتعلمين طريقة تنفس معينة.. عشان تكونين مهيأة لاستقبال الرسالة..


وانا الي يصير معاي.. مب بهالطريقة بالضبط.. بس انا احس اني استقبل مشاعر الناس.. احيانا بطريقة واضحة اعرف ايش اللي يفكر فيه اللي جدامي.. او اني اقول الكلمات الي وده يقولها قبل لا ينطقها.. وهذا كله يصير بالتركيز.. وبطريقة مب متعمدة يعني بدون قصد..

لكن صارت لي مواقف اكثر.. ان شالله بذكرها لكم في الحلقة القادمة :D