لو سمحتوا كلمتين بخاطري واباكم تقرووووونها

السلاااااااااااام عليكم ورحمة الله وبركاته

اسمحولي ع اللى بكتبه .............. يمكن يكون هذا اول موضوع اكتبه خارج عن النطاق العرض
والمواضيع التجاريه

طبعا الموضوع مب يديد غير رمس فيه 70 مره .

اولا : من يوم ورايح ما بسلم حد يد بيد اللى تبا عن طريق الشحن

ثانيا : اللى اعطيها رقمي لوحده من العضوات ما له داعي الاقي حد من قرايبها يتصل فيني

لان لو اتصل فيني واحد المره اليايه === هذا اذا في مره اليايه ( بقول شو بسوي ، بس اللى بتسوي هاي الحركه المره اليايه بوصل لها الرد عن طريق المتصل )

مب انا يالسه ويا ريلي الاقي واحد متصل ويناقشني بموضوع لاخته ............. اظن عيب

وبعدين حتي لو مب متزوجه ما اعرف ليش تعطون الارقام لاهاليكم كان الوحده ما لها اهل ولا اخوان

والعضوه اللى راح تتصرف هذا التصرف ............... تسمحلي ما راح اتعامل معاها ولا حتي بالمنتدي

ولما اواعد وحده ماله داعي اطرش لي اخوها ولا زوجها ولا ما اعرف منو من قرايبها

ثالثا : الدفع قبل التسليم مثل ما هو متعارف عليه بالمنتدي وبين البنات

واللى ما تثق فيني ما له داعي تجبرني اثق فيها

وما له داعي طرش لي رساله وتقول لي الدنيا ما بطير ،،،، والدنيا فيها خير

ما دام الدنيا ما بطير عيل دفعي اللى عليج

ومده الحجز ثلاث ايام ..................... وبعدها محد يلوووووووووومني
في معلومتين بقولها بعد يمكن البعض ما يعرفها ............ ولا غايبه ع بالهم

اولا : نحن مب يالسات ع بنك................. لا تفكرون ان نشتري ونبيع يعني خلاص

ترا بعد نحن لنا مصاريفنا ومشاكنا

والشي الثاني : نحن عيال ناس والحمدالله .......................

ورجاءا اللى ما ترضي ع نفسه واهلها وناسها ما ترضي لخواتها الباقيات


والسموحه