السلام عليكم
حبيباتي بقولكم مشكلتي مع زوجي ولو أني اللحين صرت ما أتناقش معاه لأني يأست منه ،،،،،
المشكلة ((( مفتاح الشقه )))
من بداية زواجي وزوجي يقفل علي بالباب ويروح لفترات طويلة أحيانا تمتد لساعات اذا مشغول ... الصراحة تضايقت وقلت له :
انت ما تثق فيني ؟؟؟
قال : أثق فيج لكني أرتاح جذيه لأننا ساكنين في شقة وتعرفين أخاف عليج !
المهم بدأت المشكلة هذا فيه أحد من أهلي يبي يزورني وهو عنده خبر يقعد ينتظر قدومهم وبعدين يعطين المفتاح ويطلع !
قلت مره تخيل لو أن صار حريق في الشقة شسوي خاصة لو أنك بعيد وما توصل بالوقت المناسب أو جرحت نفسي !!
قال والله اذا أحترقتي هذا يومج وقضاء وقدر !!
طبعا انقهرت من رده يعني أنا مو شئ عنده للدرجه هذي !! ولكن بصراحه ما عدا سالفة المفتاح أحس يقدرني ويحبني حيييل .. وهو طيب لأبعد الحدود مع أنه يطفرنيي بعض المرات ..
المهم من كم يوم عرفت أن أهلي كانو بيسون لي مفاجأة ويجوني بدون ما أدري وطبعا كالعادة هو مو موجود والمفتاح معاه والحمد لله أن أهلي غيروا رأيهم لأسباب مثل ما قالو ا لي لي بعدين !
شنو راح يكون موقفي لما يدرون أنه يقفل علي الباب ويروح ... وشنو موقفهم لما يقعدون ينتظرون عند الباب وهم كاشخين وجايين علشاني ؟
يا بنااااات شنو الحل معاه وشلون اقنعه !!
لأني فعلا مليت من تصرفه هذا :44:
تحيااااتي العطره
عذب @aathb_2
عضوة جديدة
يلزم عليك تسجيل الدخول أولًا لكتابة تعليق.
رينه
•
اختي العزيزه .. حاولي تتفاهمين معه اقعد وناقشيه واذا شفتيه يعاند اتركيه لفتره وبعدين افتحي الموضوع معاه مره ثانيه , بصراحه زمنا هذا يخوف بس مو لدرجة خوف زوجك لانه مبالغ وعليك بالدعاء لله سبحانه هو خير ملجىء وملاذ..:24:
مرحبا عزيزتى000
الايمان بالقضاء والقدر والتوكل على الله لا ينافى الاخذ بالاسباب00
والرسول صلى الله عليه وسلم عندما اتى له الاعرابى وشكا له من هروب ناقته لانه لم يربطها توكلاَ على الله قال له ((اعقلها وتوكل على الله ))اى اربط ناقتك وتوكل على الله 000
واللى يعمله زوجك ينافى الاخذ بالاسباب 00فلو قدر الله وحدث شى بالمنزل او زارك احد او شى من هالقبيل فسوف تكون النتائج مؤسفه00
اختى عليك اولا بتعميق ثقة زوجك فيك 00
اسئليه عن السبب اللذى يجعله يقفل الباب من اجله؟
اعتقد انك صغيره بالسن ومازلت فى بداية زواجكم والثقه لم تنبنى بشكل كافى 00
وراح اقول لك طريقه مؤقته تعمليها بحيث ان زوجك لا يوسوس وهو بعيد عنك وبنفس الوقت تحميك وقت الازمات الله لا يجيبها00
هالطريقه نعملها عاده مع الشغاله حتى نضمن عدم خروجها من المنزل وبنفس الوقت تسعفها وقت الازمات00
الطريقه ببساطه انك تجيبين نسخه من مفتاح البيت وتضعينها فى ظرف وتسكرينه وتجعلين زوجك يكتب عليه
ويوضع فى مكان بارز فى البيت فوق الثلاجه او المكتبه000
ولا تفتحينه الا فى حالة الضروره 00ولما يفتح بيعرف زوجك لان الظرف بيتمزق وهو بيكون مرتاح انه عرف عنك كل شى00ولما ماتكون فيه حاجه مارح ينفتح 00
وطبعا هالشغله بتكون مؤقته لين زوجك يعرفك ويعرف طباعك وتستقيم الحياة بينكم000
تحياتى لك0
الايمان بالقضاء والقدر والتوكل على الله لا ينافى الاخذ بالاسباب00
والرسول صلى الله عليه وسلم عندما اتى له الاعرابى وشكا له من هروب ناقته لانه لم يربطها توكلاَ على الله قال له ((اعقلها وتوكل على الله ))اى اربط ناقتك وتوكل على الله 000
واللى يعمله زوجك ينافى الاخذ بالاسباب 00فلو قدر الله وحدث شى بالمنزل او زارك احد او شى من هالقبيل فسوف تكون النتائج مؤسفه00
اختى عليك اولا بتعميق ثقة زوجك فيك 00
اسئليه عن السبب اللذى يجعله يقفل الباب من اجله؟
اعتقد انك صغيره بالسن ومازلت فى بداية زواجكم والثقه لم تنبنى بشكل كافى 00
وراح اقول لك طريقه مؤقته تعمليها بحيث ان زوجك لا يوسوس وهو بعيد عنك وبنفس الوقت تحميك وقت الازمات الله لا يجيبها00
هالطريقه نعملها عاده مع الشغاله حتى نضمن عدم خروجها من المنزل وبنفس الوقت تسعفها وقت الازمات00
الطريقه ببساطه انك تجيبين نسخه من مفتاح البيت وتضعينها فى ظرف وتسكرينه وتجعلين زوجك يكتب عليه
ويوضع فى مكان بارز فى البيت فوق الثلاجه او المكتبه000
ولا تفتحينه الا فى حالة الضروره 00ولما يفتح بيعرف زوجك لان الظرف بيتمزق وهو بيكون مرتاح انه عرف عنك كل شى00ولما ماتكون فيه حاجه مارح ينفتح 00
وطبعا هالشغله بتكون مؤقته لين زوجك يعرفك ويعرف طباعك وتستقيم الحياة بينكم000
تحياتى لك0
رفرف
•
بصراحة يا اختي مادري شقولج هذا مو وضع طبيعي ابدااااااا اما ان زوجج ماعنده ثقة فيج او ماعنده ثقة بنفسه والمفروض تشوفين احد يكلمه من اهله او شخص مقرب له المسألة مو مسألة مفتاح وبس لكن فعلا لو صار شي لاسمح الله هاذي استهانة بارواح الناس شنو يعني يقفل عنج الباب ويقول قضاء وقدر ؟؟!! برايي كلمي امه او ابوه بحيث انهم يوصلون له الموضوع بطريقة زينة مثلا انهم كانوا يبون يزورونج وماقدرتي تفتحين لهم الباب لأن ماعندج مفتاح يمكن يستحي من اهله ... او حتى اهلج شخص عاقل يعني لو قلتي لأمج مثلا صعبة بتتحكم فيها مشاعرها وتشيل عليه بخاطرها لكن مثلا اخوج يكلمه .... والله يعينج ....
الرحيل
•
اختي عطر النفل.. نصيحتي لج دايماً احسني الظن بزوجج..
يعني لا تقولين هو مب واثق فيني حتى لو فعلاً حسيتي بهالشي.. بالعكس قولي لنفسج هو يحبني ويموت فيني وخايف علي.. وانتي اكدتي هالشي في موضوعج..
بس يمكن حبه وخوفه عليج زايد شوي.. سايريه وقوليله اعرف انك تسوي هالشي لانك خايف علي.. وانا مستانسه انك تحبني وتخاف علي... لا تقولين انت مب واثق فيني لانه جيه بيعاند..
يمكن انتي متزوجه قريب من جيه زوجج وايد خايف عليج..
وفكرة الماسه لماعه رائعه يزاها الله خير.. حاولي تقنعينه فيها..
وعن زيارة أهلج ناقشيه في هالموضوع اذا طبقتي فكرة الماسه لماعه.. ولازم تاخذين إذنه بإدخالهم إلى البيت في غيابه عشان يحس انج تستشيرينه في أبسط الأمور ويرتاح.. هالشي أفضل من إنج تقولين مستحيل أوقف اهلي على الباب لين ما ترد.. خذي رايه كأنج طالبه مشورته.. وان شالله ما راح يخيب ظنج..
والله يوفقج ويديم المحبه والموده بينكم.. :24:
يعني لا تقولين هو مب واثق فيني حتى لو فعلاً حسيتي بهالشي.. بالعكس قولي لنفسج هو يحبني ويموت فيني وخايف علي.. وانتي اكدتي هالشي في موضوعج..
بس يمكن حبه وخوفه عليج زايد شوي.. سايريه وقوليله اعرف انك تسوي هالشي لانك خايف علي.. وانا مستانسه انك تحبني وتخاف علي... لا تقولين انت مب واثق فيني لانه جيه بيعاند..
يمكن انتي متزوجه قريب من جيه زوجج وايد خايف عليج..
وفكرة الماسه لماعه رائعه يزاها الله خير.. حاولي تقنعينه فيها..
وعن زيارة أهلج ناقشيه في هالموضوع اذا طبقتي فكرة الماسه لماعه.. ولازم تاخذين إذنه بإدخالهم إلى البيت في غيابه عشان يحس انج تستشيرينه في أبسط الأمور ويرتاح.. هالشي أفضل من إنج تقولين مستحيل أوقف اهلي على الباب لين ما ترد.. خذي رايه كأنج طالبه مشورته.. وان شالله ما راح يخيب ظنج..
والله يوفقج ويديم المحبه والموده بينكم.. :24:
الصفحة الأخيرة
اختي الحبيبه عطر النفل
هذا تصرف خاطيء من زوجك ولا يجوز له ان يقوم بقفل الباب لاني اعتبر هذي عدم ثقة واذا خايف عليك صج يخلي المفتاح معاك وانت تتصرفين لان شكله شخصيته مهزوزه وما يثق اقعدي تفاهمي وياه وقلي له ان هذا الامر ما يصير واخاف على روحي يصير فيني شي وانت منت موجود وانتي اختي مو بسجن ليسوي فيني كذي
:26: