بنات زوجي عنده فطور يوم الجمعه وكل اصدقائه اللي افطر عندهم يمدح فطورهم مع ان زوجاتهم عندهم اهلهم اتوقع يساعدونهم وانا بعيده عن اهلي ااااه وانا محتاسه شايله هم لحالي في البيت وابغى فزعتكم ابغى اشياء تواجه ومو صعبه لاني مامعي الا الله ببيض وجهه

تبغي اقتراح للسفرة ؟؟

او اطباق ومقاديرها؟

اذ الخيار الأول ......

اتوقع الشوربة والسمبوسة اهم شي عالسفرة بعدها المكرونة وعندك خيارات كثييييييييييييي ر (مكرونة بالدجاج ؛؛مكرونة باشميل ؛؛مكرونة ايطالية ؛؛اسباغيتي .........الخ )
معجنات بالجبن او الدجاج او اللحم او الخضار
سبرينغ روول
كبة
سلطة
حلى
وفي خيارات ثانية كثييييييييير

واذا الخيار الثاني اطلبي اللي تبغينه وانا حاضرة
اهلين حبيبتي والله يعينك يارب
طيب انتي عندك فرصه اذا كنتي مو مفرزنه ابدي الحين وسوي كل يوم صنفين او ثلاثه على حسب وقتك
مثلا سوي اصابع التوست المقليه وممكن كبه التوست هذي النوعين انا مستحيل استغني عنهم ابدا دائما الفريزر مليان منهم حتى لو كام مو رمضان
وبعد عندك افخاذ الدجاج حلوه
وممكن تسوين معهم اذا بغيتي سبرنغ رول والباف باستري
وممكن تسوين هذا النوع باخبزالتوست مره سهل
خوذي التوست وقطعي اطرافه وقسميه الى اربع مثلثات
ثم سوي هذي الخلطه خوذي بصل افرميه ناعم مره ثم حطيه عليه خمس حبات جبن كيري وحركيه وتكونين مجهز طماط مخلوط معه فلفل حار اذا بغيتي وهو احلى بالفلفل
ثم حطه على الجبن وحركيه زين واتركيه يغلي اذا كنتي من النوع الي يحب البيض حطي بيضه وحده بس انا والله ما احط ما احبه واحركه بسرعه واتركه لحد ما يتسبك
بس نسيت اقولك لا تقطعين التوست اربع مثلثات على طول لا بعد ما تخلص الحشوه حطيها على التوست ثم قطعيه
ثم حطيه في الفرن شوي ثم طلعيه مره روعه
وممكن تسوين توست محشي بالخضار او الدجاج وحمصيه
سوي قطايف وايضا سنبوسه الصغيره
واهم شي لا تنسين السنبوسه احشيها قبل يوم الجمعه لانها تاخذ وقت
هذا الي اذكره الحين وان شاء الله اذا ذكرت شي اخبرك
ولا تنسين انواع الفطاير سويها بدري عشان ترتاحين
وطمنينا عليك
تحياتي لك
لا اله الا انت سبحانك اني كنت من الظالمين
يارحيم برحمتك استغيث
أنا اشوف تسوين صياني لأنها ما تاخذ وقت وتكون عند التقديم كثيره مثل صينية التوست وصينية مطبق وصينية بيتزا وصينية مكرونه بالبشاميل وصينية خضار بالقشطه أو البطاطس بالدجاج وصينية المنتو الكذاب والشوربه والسمبوسه وفطاير مشكله والأفضل تسوينها في صياني تفردين العجينه وتحطين على وجهها اللي تبين مثل بيضه وشبت وجبنه ومايونيز أخلطيها في الخلاط وصبيها عللى العجينه بعدين على الفرن بعدين قطعيها بالشكل اللي تحبين مربعات او مثلثات أو أدهنيها بالجبنه والزعتر أو بالبنه وبعدين صبي عليها شوي عسل وسوي الحلى صينيتين للقهوه مثلا من اليوم الول علشان يوم العزيمه تزيدين عليها اللقيمات أو خليه أو جبنيه او قطايف أو بسبوسه أو كنافه أو سينابون أو دونات وسوي سمبوسة جبنه وأصابع بالجبنه وفرزنيها علشان بس يبقى القلي في نفس اليوم وممكن تسوين فطاير بالتوست فيه أشكال والوان وبالصامولي تجي حلوه مره وسريعه في نفس الوقت والسلطات سوي نوعين واذا أنتي مفرزنه بترتاحين شوي مثل الكبه والكفته والسبرنج رول والسمبوسه وافخاذ الدجاج والبف بس طلعي من الفريزر وأقلي وسوي حلى عشاء من اليوم الأول مثل الكريمه والجلي والمهلبيه والكاسترد وحلى طبقات أي نوع مثل تشيز كيك والعصيرات سويها اليوم الأول ولو تجهزين السفره بالصحون والكاسات والفناجيل والملاعق والتمر تغلفينه وتحطينه من الليل علشان يوم العزيمه تبدين شغل المطبخ على طول والله يعينك وأي استفسار أنا حاضره
والنعم بالله يااختي من اليوم الى الجمعه حاولي تسوين اشيياء وتفرزينها عشان ماتحتاسين هذاك اليوم مثلا:
1/ سوي عجينه وحده وشكليها يعني بعضها بيتزا وبعضها فطائر اواقماع وفرزيهم ليوم العزيمه
2/ سوي كبه اوكفته دجاج اولحم اوبطاطس اللي تحبون وبرضو فرزيه
3/طبعا السمبوسه اساسيه
4/سبرنق رول
5/ورق عنب اذا زوجك وربعه يحبونه
6/الشوربه جهزي كشنتها قبل بيوم
7/ممكن تحطين شيش طاووق وتبلينه قبل بيوم او يومين ويوم العزيمه بس تحمرينه حسب طريقتك بالزيت او الفرن
وممكن تسوين مكرونة بشاميل اومكرونة بقشطه قبل بيوم ماتتأثر ويوم العزيمه بس تدخلينها الفرن وايضا لوبتسوين صينيه خضار بقشطه وجبن بعد سوي بها مثل المكرونه
8/الحلى حق العشاء قبل بيوم
وحلى القهوه حق الفطور حاولي تسوين شكلين ما يتعبون وياخذون وقتك مثلا اصابع جبن تكونين مفرزتها قبل وبسبوسه اوكنافه تكونين مجهزتها من بدري وانصحك بالكنافه الكذابه مره لذيذه والرجال يحبونها
9/طبعا الرز نفس اليوم من الظهر جهزي كل اغراضه والعصير بعد من الصباح جهزيه بالثلاجه
10/واهم شي قبل العزيمه بيوم تجهزين السفره والملاعق والمناديل والاكواب وكل شي وتغطينه بمفرش سفره ثاني عشان لايجيه شي لانك فذاك الوقت بتكونين مستعجله ومافي وقت واكثري من الاستغفار اثناء شغلك
والله يكون في عونك وتبيضين الوجه وارجو اني افدتك باي شي



اللهم لك الحمدكما ينبغي لعظيم وجهك وجلال سلطانك
اللهم اشفي ابنتي ياكريم


الساعة الآن 12:55 .