انا من راى البنات

لكن بنتك ان شاء الله تستجيب بس انت حاولى وحاولى وحاولى


شوفى عامليها انها كبيرة واقعدى معاها قعدة يكون ابوها برا البيت وكلميها على انها تفهمك وهى اكيد هتفهم أبداى معاه بأنك توريها كل الاشياء اللى بتعملها ومش عجباكى قوليلها صوتك العاللى صراخك و...و.... كل ده ماما مش بتحبه ولا اى حد بيحبه لان كل ده غلط
والبنات الحلوين عمرهم ما يعملوا الغلط
تعالى حبيبتى نتفق مع بعض نبدأ من الاول ماما جديدة وبنوتتها الحلوة هى كمان جديدة لو ماما عملت حاجة غلط انت تفكرينا ولو انت عملتى حاجة غلط انا افكرك ولو انت عملتى اللى ماما تحبه ماما كمان هتديلك كل اللى انت تحبيه شجعيه باى شىء هى عاوزاه وهاتيله عند اول تصرف تعمله من الحاجات اللى اتفقتوا عليه

يا ريت يكون كلامى واضح ومفهوم
انا كل اللى اقصده انك تنزلى من عمرها وتعملى نفسك انتى اللى عاوزة تصلحى نفسك علشان الناس تحبك وهى اللى هتعلمك وكمان هى لازم تبدا معاك وتجربوا سوا

بس تخلى بالك من حاجة مهمة جدا انسى الصراخ بالمرة واكتمى غيظك الى ابعد الحدود حتى عند غلطها امسكيها بالراحة وحاولى تقولى انها ما نفذت وعودها وده هيزعل مننا سيدنا محمد ولما سيدنا محمد عليه الصلاة والسلام يزعل ربنا اكيد هيزعل وما هيدينا اى حاجة من اللى نتمناه لا هنا ولا فى الجنة ....وأنتبهى لا تخوفيها بالنار كثير لحسن الاطفال ما عندهم تمييز للثواب والعقاب
خليك على ذكر الجنة لو عملنا حاجة صح ندخلها ولو عملنا حاجة غلط مش راح ندخلها ولا هنقابل سيدنا محمد عليه الصلاة والسلام

جربى الاسلوب ده نفع مع بنتى قبل كده وان شاء الله ينفع مع بنتك

والبيبى خليه لعبتكم دايما قوليلها شوفى ايده النونه شوفى رجله الصغيورة شوفى ضعيف وانت قوية ازاى خليها تناولك ملابسة وتقف معاك عند حمومه
خليها تبوسه .....أنا عن نفسى طول ما أولادى جنبى عمرى ما أقول للبيبى يا حبيبى الا أقوله فقط يا حبيب فلانة اللى هى اخته اللى أكبر منه علشان الغيرة ....أنت عاوز اختك انت بتحبك
ولو غابت اقولها كان بيدور عليك وزعلان علشان سبتيه انت وحشتى البيبى خالص

خليها تشيله وانت جنبه ولو عايزه تخديه منها قوليلها اوف ريحته وحشه هاتيه ليعملها عليك هو عبيط مش عارف يروح الحمام بس انت لا انت شاطرة لما يكبر اكيد هتعلميه صح؟ علشان هو حبيبك وانت بتحبيه خالص صح ؟ وهو مش عارف يقعد ولما يكبر هخليك تشيليه ويطلع يلعب معاك

وعلى الاسلوب ده قيسى كل تصرفاتك دايما تحسسيها ان البيبى بيحبها خالص وانت كمان

وربنا يهديهالك يا رب ويقدرك عليها ويقومك بالسلامة

بس اهم شىء القعدة والاتفاق زى ما قلتلك وحاولى انت تمسكى نفسك عند الغضب لكن مشن غلطها الزايد طبعا

واى شىء انا تحت امرك

ما اقول غير الله يصلحها ويهديها ويجعلها من حافظات كتاب الله

الله يسخرها لكي ولابوها