Analysis Services
لي سنتين وانا الفطاير حقتي خربانه مدري وش السالفه مدري المشكله من يدي او من الدقيق
لين الله فرج علي بوحده كاتبه طريقة فطاير تصلح لكل شي واروح اركض واكتبها في دفتري وسميتها في الدفتر فطاير الأنترنت المهم مالكم في الطويله انهبلو فيها عيالي لأنهم يموتون في السنبون وانهبل فيها ابونا لدرجة سماها الفطاير الراقيه يقول غطة على المخابز ولا ادري هو قال ما شاء الله ولا ما قاله وارسلت لجيراني وانهبلو فيها وارسلت لهم الطريقه ولا خليت احد الا وعلمته بها لفطاير من زود فرحتي بها ولا خليت احد من صديقاتي الا وقلتلها عنه
والحين بعيد عنكم من امس وهي خربانه والله من بعد ما كانت مثل القطنه حتى لين ثاني يوم الحين مثل العلكه مايمديني اشكلها باللي ابي والمشكله ابو الشباب طالبها بالأسم يبيها وهي الأولى على السفره بس الله يخلف والله اني اليوم عاجنه مرتين وعيت تزين ويالله الزباله الله لا تعاقبني
الخلاصه يالربع عطوني فطاير صاحيه مجربه ولينه في مستوى فطايري الأولى وما عليكم امر بكره اختي وزوجها جاييني على الفطور وتبي تذوق ها لفطاير اللي ازعجتهم عليها الفزعه يالنشامى الفزعه تكفون لا تخلوني
08-09-1428 هـ, 01:23 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
يا عمرررررري انتي شوفي هذي طريقت فطاير عندي وانشاء الله تضبط معك وينبسطوا الشباب وابوهم بس لازم تردي لي خبر اذا
بالخلاط 2كاس ماء
1كاس حليب جاف
2م طعام خميره
نص كاس زيت
م شاي ملح
فنجال سكر تخلط مع بعض
في زبديه 4كاس دقيق م بيكنج
تصب عليها وتترك ترتاح لمدة ساعه اوحتى يتضاعف حجمها وتشكل اتمنى تظبط معك وافرح قلبك وبااااااااي
08-09-1428 هـ, 01:59 صباحاً
 
اهم شي اعجني بحليب


استخدمي الطحين الكويتي
08-09-1428 هـ, 03:10 صباحاً
 
اهلين وابشري الحل عندي
وربي اني مثلك كانت معجناتي تقل خدود بنات رهيفه وناعمه وزي او احلى من القطنه المهم ان الكل ينهبل عليها ولي فتره اسويه ماتزبط ابد ابد غيرت الخميره وغيرت الطريقه واخر شي شكيت بالطحين الكويتي قلت الدقيق الابيض الكويتي مو معقول ما يزبطها المهم مااااااااش انا فنانه بالمعجنات وربي شكيت بالطحين على الرغم انه بالعاده يزبط معي
واروح السبرماركت واتامل الطحين والاقي دقيق ابيض بس لون الورقه ابيض واورنجي برتقالي ومكتوب على البكت خاص بالمعجنات
شكيت قلت امكن الكويتي فيه خماير او شي
المهم اخذت كيس واحد للتجربه وطلعت جنااااااااااان وربي انها اطرى من
الخدود

وخلاص عرفت ان السبب الطحين الكويتي انا استخدمه الكويتي للبتفور اما المعجنات اخذ الدقيق الابيض الخاص بالمعجنات

يلا جربي وهااااابذمتك لازبط ادعي لولدي بالشفا والعافيه
وطريقتي
بخلاط الطماط الكاس
احط 1ونص ما ء
و4ملاعق حليب بودره
3ملاعق طعام سكر
رشه ملح
وملعقتين زيت
ملعقتين وسط خميره
وملعقه وسط بيكنج بودر مع كاس طحين وبالخلاط
لمده عشر دقايق
بعدين افرغ المحتوى الي بالحلاط واعجنه مع 2كاس دقيق ممكن زياده لين ماتزبط كوره العجينه واسوي منها ما لذ وطاب كل شي
08-09-1428 هـ, 05:46 صباحاً
 
اقتباس مشاركة  (روزي 2008)
يا عمرررررري انتي شوفي هذي طريقت فطاير عندي وانشاء الله تضبط معك وينبسطوا الشباب وابوهم بس لازم تردي لي خبر اذا
بالخلاط 2كاس ماء
1كاس حليب جاف
2م طعام خميره
نص كاس زيت
م شاي ملح
فنجال سكر تخلط مع بعض
في زبديه 4كاس دقيق م بيكنج
تصب عليها وتترك ترتاح لمدة ساعه اوحتى يتضاعف حجمها وتشكل اتمنى تظبط معك وافرح قلبك وبااااااااي

مشكوره ياقلبي تدرين ان الطريقه اللي عطيتيني هي اللي اسميها فطاير الأنترنت ابشرك بدت تضبط معي بس مو مثل ذاك اليوم روعه شوي عليها بعد ما غيرت الخميره لأن الخميره شكلها باقي عليها كم شهر وتخلص ومشكوره ياقلبي على اهتمامك وتفاعلك معي الله يجزاك خير يارب وجعلك الله من عتقائه من النار في هالشهر الكريم
12-09-1428 هـ, 04:20 صباحاً
 


الساعة الآن 12:15 .