أنا أشوف انك تبدين مثل ما قالت غلا بالصياني الخفيفه وبعد أنواع الرز ترى سهله في التطبيق وأنواع المكرونه والخضار سوي منه ايدامات وصياني والدجاج نوعي في التتبيله كل يوم شكل ودخلي الفرن حتى ينضج وحمريه يجي طعمه حلو والسلطات شكلي ونوعي فيها وانواع الفطاير اللي بالتوست والصامولي سويها وأي شي تبينه قولي ما عليه احنا أخوات ونتعاون
09-09-1428 هـ, 12:34 صباحاً
 
ها بشرينا زهرة عمرى

وش سويتى اليوم وش صار معك

لازم تقولين لنا

ترى بالى معك وافكر وش سويتى
10-09-1428 هـ, 02:04 صباحاً
 
مافي شي صعب حاولي مره ومرتين بتصيرين فنانه
10-09-1428 هـ, 06:00 صباحاً
 
قبل تبدين الطبخ اعرفي اساسيات الطبخ
مثلا انواع البهارات وش يصلح لللحم وللمرقوق واللايدامات
والشوربة والمكرونة وانواع الرز وهل هو يتنقع ولالا متى ازيد الماء ومتى ماازيده
والمنتدى ملياان طبخات روووووعة
فابدي حبة حبة مثلا كل يوم ادخلي اقسام الطبخ
وشوفي وش تبين تصلحين للفطور والغداء والعشاء وسجلي بورقة عندك
وهاتي المقاديرالناقصة وطبقي من بكره وكل يوم نفس الطريقة
وحاوالي لاتكررين الطبخات والي تظبط معاك حطي اشاره عندها
والي ماتظبط اكتب الاسباب وحاولي المرات الجايبة تتجنبينها
وادخلي على الاطباق المجربة وشوفي الاطباق الي ظبطت مع البنات
وشوفيهن وش الي ماظبط معهم علشان تشوفين الاسباب
وكلها ظرف شهرين ثلاثة وان شاء الله راح تكونين احسن طبااخة ..
10-09-1428 هـ, 08:16 صباحاً
 
سهل شي التونه واحشيها في خبز
قطعي بصله شرائح +طماطه شرائح+فلفل رومي اخضر +فلفل احمر او اصفرشرائح من كل نوع واحد +ذره علبه او نص العلبه+ بهار مشكل +ملح +زيت +علبه تونه
ثومه مقطعه صغير اومدقوقه
احمسي البصل في 3ملاعق زيت حتى يصير لونها اشقر
اضيفي الثوم والطماط وحركيها واضيفي الفلفل الرومي كله اضيفي التونه وملعقه من البهار المشكل اضيفي الذره والملح على حسب وحركيها مع بعض على نار هاديه 5دقائق
واحشي الخبز فيها او حطيها في صحن التقديم وجنبها الخبز اوالرز الابيض
**************************************
وفيه طريقه ثانيه بدل التونه دجاج
قطعهي صدور دجاج شرائح
احمسي البصل في شوي زيت واضيفي الدجاج والثوم وحركيها حتى تستوي الدجاج اظيفي فلفل اخضر حار والفلفل الرومي الالوان وحركيه مع الدجاج على نار هاديه
اضيفي الطماط وملعقه صلصه طماطم وملعقه بهار وملح حسب الرغبه
اذا حبيتي اضيفي بطاطسه وحده مقطعه شرائح واضيفي نص كاس ماء وغطيها لحد مايستوي البطاطس واضيفي الذره وينشف الماء على نار هااااااااااديه
طعمها فضيع
الفلفل الرومي يعطي شكل حلو والوان حلوه في الاكل وكذلك الذره
جربيها ماراح تندمي
واي استفسار انا حاضره
10-09-1428 هـ, 08:35 صباحاً
 


الساعة الآن 04:16 .