الله يعطيكم العافية أبغى طريقة مجربة ومضمونه للتراميسوا

أبيها مضبوطه 100%
أهلين غاليتي فيه في كتاب نخبة الأطباق لأمل الجهيمي طريقة تراميسو لذيذة جربيها وبالتوفيق
سمعي حبوبة , أنا طريقتة لعمل التيراميسو مضمونة و ماتخرش المايه باذن الله و في كل عزايم الأهل لااااااااااازم تنطلب
سمي بالرحمن و سجلي عندج :
1 باوند كيك سارالي لايت + 1 كوب مي حار مذوب فيه ملعقة و نصف قهوة ( نسكافيه أو ماكسويل هاوس أحلى شي ) + 6 أو 7 ملاعق حليب محلى+ كاكاو باودر عاد المر مب لمحلى + 2 كيس دريم ويب ( تخلطينه وتجهزينه في خلاط الكيك مع نص كوب حليب أو أقل , أهم شاي مايطلع معاج مايع للأن بيخرب لج كل السالفة !!! + آخر شي و السر هني , علبة جبنة ماسكربوني , هي جبنة ايطالية تلقينها في البرادات و السوبرماركتات الكبيرة و عادة عليها صورة تيراميسو.


تاخذين الكيكة و تقطعينها شرايح بالعرض و تصفين نص الكمية في الصينية, بعدين تشربينها بالقهوة و ترشين عليها شوي حليب محلى و اخر شي ذري عليه كاكاو.
بعدين تخلطين الماسكربوني مع الدريم ويب زيييييين و تحطين نص الكمية فوق الكيك اللي صفيتيه في الصينية و شربتيه بالقهوة و باقي المقادير
بعدين ترجعين تصفين باقي كمية الكيك و تكررين العملية و تجعن تصبين فوقها كمية الكريمة الباقية و تختمينها بكمية وافرة من بودرة الكاكاو على الوجه و في الثلاجة لمدة ساعة و استمتعي بالمدح اللي بيجيك و ادعي لأختك
نفس طريقة الاخت الي فوق بس انا احط بدل الكيك بسكوت لسان القط
تطلع واااااااااااااو جربيها



حبوبة وادعيلي
الله يجزاكم خير بجربها ****الله


الساعة الآن 08:24 .