اقتباس مشاركة  (قوية الارادة 1979)
اختي ام ريم عم تتوحمي على قهوة والله لو انك قريبة مني كان فطرتك وسحرتك على قهوة

اسمعي سهلة كتير هي
نحنا بنحمص القهوة وبنخليها تكون مو محروقة و مو فاتح لونها يعني تقريبا شقرا
وبنطحنها على مطحنة القهوة للقهوة السادة

وللحلوة بنوديها على المطحنة بنطحنها ناعمة متل البودرة وهادي الي بينعمل فيها القهوة الحلوة

وعلى فكرة بتنباع جاهزة بس عمل وتحميص البيت بضل اطيب
في ناس بحمصوا معها هيل بس مو كتير بيعطي طعم زاكي

ولما تيجي بتكون ريحتها تهفهف من آخر الشارع
والطريقة بتغلي مي بركوة القهوة
حسب عدد الفناجين للضيوف وبتزيدي نص فنجان للوجه

بعدين المقادير انا بحبها وسط وبحط لكل فنجان ملعقة ونصف سكر
وملعقة ونصف قهوة

بس الطريقة المزبوطة انك تتركي المي لتفتر على النار وتصير بتلسع هلا بتضيفي القهوة ورح تشوفي انه طلع للقهوة رغوة
هادي الرغوة بتشيليها وبتحطيها بالفناجين ازا كنت بتحبي القهوة بوجه
وازا ما بتحبيها بوجه بتتركي الرغوة وهي بتروح لما تغلى القهوة

هلا بعد ماتغلى القهوة بتضيفي السكر وبتخففي النار وبتحركي السكر شوية ليدوب
وبتتركي النار واطية لتصير القهوة تطلع فقاقيع صغيرة وهيك بتكون جهزت

بتطفي النار وبتتركيها شي 30 تانية لتهدى القهوة
وبتصبيها وصحتين وعافية

ازا بتحبي القهوة تقيلة بتزيدي كمية القهوة وازا بتحبيها حلوة بتزيدي السكر
وازا بتحبيها خفيفة بتخففي يعني انت وزوقك

وان شالله تكون الطريقة واضحة وازا مو واضحة قوليلي بصورلك اياها
ولا تضل بنفسك
ماشاءالله قويه الاراده ما قصرت معك شرحتلك الطريقه بالتفصيل اعمليها متل ماقالت الله ييسر لك
الله يجزاك خير
اقتباس مشاركة  (#خلود#)
ماشاءالله قويه الاراده ما قصرت معك شرحتلك الطريقه بالتفصيل اعمليها متل ماقالت الله ييسر لك

الله يجزاها الخير
ياريت تصورينها اختي قوية الاراده
الف الف شكر لك ياقويه الاراده مشاء الله عليكي كفيتي ووفيتي الله يرزقك بكل ماتتمنين ويسهل عليك دروبك
ماتتصورين قد فرحتي ولا كتبت الطلبات يجيبها زوجي لازم افطر عليها اليوم
الله يجزاك تكفير الذنوب وتسهيل الامور وراحه البال
هايدي يالله وظبي اغراضك وبنروح بس مادل وين باب الحاره
انت عاد منك تودينا وتجيبينا داخل سوريا وانا من التذاكر روحه وجيه


الساعة الآن 02:24 .