Analysis Services





.......................... نكمــــــــــــــــــــــل..............................




نجي لترتيب اللازانيا :



نحضر كل الشغلات اللي صلحناها قبل .







شخصيا احب اصلح اللازانيا اربع طبقات .


وعشان اسهلكم الوصف

مكرونه

بشميل

لحم

مكرونه

بشميل

لحم

مكرونه

باشميل

لحم

مكورنه

بشاميل .


احب ادهن الصينيه قبل ببشميل .







نرص اللازانيا بالعرض او حسب صينيتك







وبعدها الباشميل



وادهنيها




اللحم






وسوي السطح





ونرص طبقه لازانيا ، نكرر لين اخر طبقه .






وهذا شكلها النهائي بعد ماحطينا طبقة الباشميل ، ونرشها بالاورجانو ، والبابريكا ، وبدورة الثوم والبارميزان






................... يتبــــــــع.........................
12-09-1428 هـ, 06:17 صباحاً
 
........................... نكمــــــــــــــــــــــــل..............................




بالنسبه لحشوة الدجاج .


كذا نرصها بنفس الطريقه بس احب ازود الباشميل حبتين لانها ناشفه شوي .











الحين ندخلها الفرن .



على حراره متوسطه وتاخذ تقريبا من ثلث الى نصف ساعه .






وإذا صارت بهالشكل شغلنا الشوايه من فوق عشان تحمر .



هذي لازانيا اللحم بعد ماخرجت من الفرن الله يهديهم الشباب ازعجوني ماخلوني احمرها مثل ماأبي









ههههههههههههه اقول لأخوي طلعلي قطعه بس ابي اصورها ، قالي ياشيخه اعطيها الشباب وهي معوقه(طرار ويتشرط) يعني والمشكله نزل الصواني وهو يتطنز يالله خليت وحده لخاطر بنات النت ،. والله زعلت لاني ماصورتها اهي اهي .



هذي لازانيا الدجاج بعد ماطلعت . ولاحظوا سمكها من على جنب




وشوفو شلون التحمير

يابنات انتبهوا لما تنزلونها من الفرن ترى حاره مره يعني احرصوا تشيلونها بشغله سميكه .




وهذي شكلها بعد التقطيع . الصحن مهدى لكل من يرد عالموضوع اللي مايرد ممنوع اللمس ههههههههههههههه .





بالصحه والعافيه .
12-09-1428 هـ, 06:18 صباحاً
 
إضغطي على عنوان الطبق للدخول للرابط الأصلي .

تحذير : لأقوياء القلوب والبطون فقط ......( صينية باذنجان تجلطك )







السلام عليكم ورحمة الله وبركاته









تحذير حكومي : الطبق المدون أدناه سبب رئيسي لامراض السكر والضغط وأمراض السمنه وتدلي الكرش خخخخخخ ، وكاتبة الموضوع لاتتحمل أي تعويضات ناجمه عن ادمان الطبق .




المكتوب مبين من عنوانه ، الطبق اللي بقدمه اليوم يجلط هههههههههه بعيد الشر .



مو من لذته لا من تشبعه بالدهون ، لذلك أقتضي التنويه . <== خافت البنات ينسفونها .




ادري بطقوني ، ودائما تطالبون بأطباق خفيفه ، لكن مشكلتي احب الدسم . ووعد مني انزلكم اطباق خفيفه عالقلب والمعده . او بالاحرى اقل دسما . وانا محضره ملف باذن الله إذا اكتمل بنزله . الى الآن صلحت خمس اطباق . وان شاء الله إذا تم بنزله .





على فكره هالطبق منزلته من شهر بجهازي وأقول لا ماراح انزله الحين ، لان سمعتي بتتشوه بالمنتدى وبصير اسمي مرتبط بالاكل الغير صحي والمهلك والمدمر للصحه .




لين اليوم قلت مابدهاش خلاص بنزلها ، وبعدين بنزل اطباقي الجديده ، وان شاء الله ابتدي مع الحلويات الغربيه . عشان مايرتبط اسمي ايضا بالحلويات الشرقيه خخخخخخخخخخخخخ .



على فكره انا صلحت كميتين بس بنزلكم مقدار كميه وحده وانتم براحتكم تبون تدبلونها او لا .

هالمره تأدبت وصرت كريمه صلحت كميه لشباب الملحق وكميه لنا ، توبه عشان مايسرقون صينيتي لووووووووووووووووول .


بسم الله نبدأ .



المقادير :


حشوه على مزاجك . انا استخدمت حشوة اللحم لاني احسها الافضل مع الباذنجان .


باشاميل على طريقتك والافضل هذي الطريقه :




الباشميل لصينيه حجمها 15 في 30 وعلى فكره صينيتي عميقه نسبيا .


كاستين حليب ( 6ملاعق حليب بودره + 2كأس ماء فاتر )

ثلث كوب دقيق

نص المكعب مرقة دجاج ويمكن الاستغناء عنه .

50 جرام زبده مايعادل نصف الاصبع .

4ملاعق كبيره جبنه كرافت سائله . وانا احبها مليانه جبن ساعات احط خمس ملاعق .


علبه قشطه او كريمة خفق .


فلفل ابيض حسب الذوق


2ملاعق كبيره مايونيز .




قال اسهل بالشقلوب هههههههههه ماكانوماكيونيز ..... سكالكاتكا كلام فاضي لوووووووووووووول . العلبه من اول استخدام طار غطاها لووووووووووووووووووول وكل ماضغط تشققت العلبه وتطلع صوت لوووووووووووووول، طعمها حلو عادي بس العلبه غير عمليه أبدا اشوفها أصعب بالشقلوب ، ياإني بقره او التصنيع أي كلام لوووووووووووول .


باذنجان خاص بالقلي ، تقريبا كيلوين او ثلاث . والافضل يكون حجمه كبير .


جبنه تشدر للسطح او موزوريلا بس ماتوفرت معي غير الكرافت . وايضا بابريكا وارجانو .







................... يتـبـــــــــــــــــع.......................
12-09-1428 هـ, 06:21 صباحاً
 



.....................نكمـــــــــــل................



الطريقه :


1ـ نقطع الباذنجان ونقليه ونحطه بورق نشاف ، ممكن تشوينه بالغريل لو تحبين تقللين السعرات .






2ـ اثناء القلي حضري الحشوه . واستخدمت نفس حشوة اللازانيا باللحم بس اضفت ثوم . عشان تطلع النكهه عربيه أكثر .





طريقة الحشوه :

احمسي حبتين بصل متوسطه لين تصير ذهبيه بعدين اضيفي فصين ثوم ( او حسب الرغبه )

حطي اللحم والبهارات اللي تفضلينها انا ماحب البهارات الكثيره استخدمت هيل وقرفه مطحونين .


واضيف حبه فلفل رومي وجزره مبشوره لين تذبل شوي .



اخلطي كيلو طماط بالخلاط واضيفيها للحشوه وخليها لين تتسبك ، وإذا احتاجت صلصه اضيفي صلصه . طبعا لاتنسين الملح وانا اضيف الجيني موتو .



على فكره أحب العب بالحشوه يعني ساعات اضيف اللحم اول شي بعدين باقي المكونات حسب نوعية اللحم ، وحسب المزاج .

لتفاصيل مصوره أكثر ادخلي رابط اللزانيا

إضغطي هنا


حضري الباشميل .

مقاديري للبشاميل تختلف شوي عن مقادير باشميل اللازانيا ، لكن نفس الخطوات تقريبا ، ماعدا اني بهالطريقه ماغلي جزر .وايضا المقادير غنيه بالجبن . وفيها مايونيز . ليش اغير لاني ماحب النكهات المتشابهه باطباقي .

طريقة الباشميل :

ذوبي الزبده مع مرقة الدجاج ، وراعي قللي المرقه لان الجبنه مالحه .


اضيفي الدقيق واخلطي . لين تتحمس شوي .


اضيفي الحليب الفاتر وراعي انه مايتكتل واستمري بالخفق . ولاتنسين تضيفين الفلفل الابيض .



الحين اطفي النار ، واضيفي الجبن ، والقشطه والمايونيز .


ولتفاصي لمصوره ادخلي رابط اللازانيا . واتبعي نفس الخطوات لكن المقادير تختلف .





الحين رصي الباذنجان بالصينيه .








اضيفي الحشوه



سوي سطحها





رصي طبقه ثانيه من الباذنجان






.....................يتبــــــــــــع....................
12-09-1428 هـ, 06:21 صباحاً
 



................. نكمـــــــــــــــــل....................




الحين نضيف الباشميل











اضيفي الجبن المبشور ( تشدر او موزوريلا او اثنينهم معا )





رشي البابريكا والارجانو







ادخليها فرن متوسط الحراره 180 درجه تقريبا من ثلث الي نصف ساعه وحمري الوجه .






تقدم مع الرغيف العربي


وطعمها يهوس


هذي الصينيه الاولى




وهذي الثانيه





ولاحظوا سمك وارتفاع الصينيه من جنب ، لاني احب الباذنجان مقطع سميك شوي .





صوره عن قرب بعد التقطيع




أفكار للتقديم :

تقدرون تقطعون الباذنجان حلقات ، وايضا تقدرين تقدمين الطبق بطريقه غير .


او تصلحينه على شكل زوارق ، يعني تقطعين الباذنجان بالنص وتفرغين اللب وتحطين الحشوه وبعدين الباشميل ، وعلى فكره هالطريقه ايطاليه بس تكثرين جبن موزوريلا.


او انك تجيبين حلقتين باذنجان وتحطين الحشوه بالنص وتصبين شوي باشاميل وترشين الجبن .



والطريقتين الاخيرتين شكلهم حلو ومناسبه للبوفيه .


ايضا تقدرين تاكلين الطبق بالملعقه وتستغنين عن الخبز بس انا افضلها بالخبز .


وبالهنا والعافيه عليكم وانصكم تصلحون رياضه لوووووووووووول .


موفقات.
12-09-1428 هـ, 06:23 صباحاً
 


الساعة الآن 08:00 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏