........................نكمــــــــــل.............................




نجي للمهم المكونات الرئيسيه :



كميات متساويه او حسب الرغبه انا احبه متساوي من :




رغيف مقطع مربعات .







باذنجان مقطع مكعبات .






بطاطس ايضا مقطع مكعبات .



الزينه :

صنوبر و بقدونس للتزيين .






الطريقه :



على فكره انا افضل انقع الباذنجان بالملح والماء قبل القلي عشان مايتأكسد ويسّود بهالشكل .





نقلي الخبز والافضل لو تحطينه بورق نشاف ، وبعده نرصه في صينية التقديم .











................يتبـــــــــــــــع..............
12-09-1428 هـ, 06:40 صباحاً
 




..........نكمــــــــــــل...............




نقلي الباذنجان ، وايضا نرصه بطبق التقديم ونحطه فوق طبقة الخبز .










نقلي البطاطس ، ونفس الحركه نحطه فوق الباذنجان والخبز .









الحين نجي للنهائيات <== حشى اولمبياد



نحط طبقه من صلصة الطماطم اللي حضرناها مسبقا .








....................يتبـــــــــع................
12-09-1428 هـ, 06:40 صباحاً
 



....................نكمـــــــل الخطوه الأخيره ............





نغمر المكونات بصلصة الزبادي .








الحين نبدأ شغل الزينه .



نرش البقدونس بعد مانقطعه صغير .



ونقلي الصنوبر بالسمنه ، والصنوبر حار لازم نضيفه فوق الوجه لين تحسينه طش وطلع صوت ، هالطريقه تخلي النكهه مميزه <== يعني سر الطبخه .




معليش يابنات الطبق مفروض يكون أحلى من كذا بس عاد تعرفون ازعاج البنات في المطبخ والله قلق حتى البقدونس ماخلوني اقطعه زين هههههههههههه مالومهم لانه جوعانين وماصدقوا متى ناكل .





وهذا الطبق هديه لكم .





................وبالهنا والعافيه ....................
12-09-1428 هـ, 06:40 صباحاً
 
إضغطي على عنوان الطبق للدخول للرابط الأصلي .

نص .. ونص .. نص..... بس هالمره بالرز ع الأصول ( بالخطوات المصوره )









السلام عليكم ورحمة الله وبركاته



هلا بكل قطوطة مطبخ .



اليوم قمت الصبح رايقه ، ولمعت ببالي فكره ، اني أصلحلكم واصورلكم غدانا ، عاد طبعا ماصورلت لكم غير الطبق الرئيسي . ويالله لحقت . لان خواني الله يحفظهم الظاهر بطونهم فيها دود ماشاء الله عليهم ، مايتحملون ريحة الأكل على طول يسرقونه و يزلطونه .




الغدى كان رز ولحم <== لا ياشيخه .



بس على طريقة أمي الله يرحمها ، وهي من اختراعها ، ههههههههههه وعاد كنا مسمين الطبخه اسم غريب ، كنانسميها نص ... نص ....... يعني نصف ونصف بالفصحى ، اول ماطلعت اغنية نانسي نص ونص نص فطسنا ضحك . جايتكم بالحكي عن سبب التسميه .



من الطبخه ذي عرفت وش يعني ( الحاجه أم الاختراع ) .........


هذا ياطويلات العمر منذ ازل يوم كانت امي بعمري وبعدها في بدايات مشوارها الفني ، فيه جماعه لزقه من معارف ابوي أصروا إلا وإلا يذوقون طبخ زوجته اللي هي ( أمي ) عاد ابوي جاب ذبيحه ودخل البيت يعلوه الاحراج والخوف ... ( يخاف امي تبهذله ) .


طبعا امي توهقت ماعندها قدر كبير يكفي القوم اللي جايينها ، فطرأت ببالها فكره جهنميه ، طبخت بقدرين ، بس مو هنا السر ، طبخت بقدر رز شكل والقدر الثاني رز بشكل ولون وطعم غير .


الطبخه بسيطه وسهله وخفيفه ، ويمكن اكثر الحريم اللي انزنقوا بعزايم كبيره يعرفونها .



وجد يابنات ماكذب عليكم ولا امدح في طبخ العيله ، الطبخه صدق انها سهله ، لكن طعمها خيالي ، وكل من ذاقها تجنن ، ودائما اللي يذوقه يقول وش سر رزكم كأنه فيه سكر من حلاته .



المهم نبدأ في المقادير :



لحم ( استخدمت ربع الذبيحه ) . شخصيا أفضل اللحم الصغير بس يكون سمين<== حشى عريس . يعني هرفي او تيس صغيرون حليل نفس اللحم اللي يصلحون فيه المندي




3 كاسات رز . ودائما أفضل الرز البسمتي ابو شماغ مافي احلى منه حبته طويله للغايه . وطعمه فضيع وتحسينه خفيف عالمعده . قبل كنت استخدم المهيدب بس حسيته خرب مو مثل أول .




وهذي الجونيه من برى .





ثلاث بصلات متوسطة الحجم .


خمس فصوص ثوم .


قليل من الهيل المطحون.


ملح و بهارات مشكله ( كمون ، قرفه ، قرنفل ، فلفل أسود ، كزبره دائما اخلط كمي كبيره واحتفظ فيها )


صلصة طماطم تقريبا استخدمت ثلثها يعني ملعقتين كبار .




زبيب حسب الذوق ، تقريبا ربع الكوب .








...................... يتبـــــــــــــــع





................
12-09-1428 هـ, 06:41 صباحاً
 




.................... نكمــــــــــــل...................


الطريقه :



نسلق اللحم .






أول مايغلي اللحم ضروري تشيلون الزفره . شوفوا شلون شكلها مقرف .





بعد ماتشيلون الزفره ، قطعي بصله الى ارباع بهالشكل ، ودقي ثوم واحب اضيف للثوم ربع ملعقة هيل مطحون . واضيفيهم اللحم ولاتنسين الملح ، ولو حابه تضيفين عرق ثوم كامل بقشوره يطلع فضيع مع المرق وينوكل لحاله .



شخصيا ماحب البهارات الكثير واكره البهار اللي له نكهه قويه . فدائما اضيف ملعقه طعام بهارات مشكله ، وإذا كانت نوعية اللحم جيده ماتحتاجين لبهارات كثير .







افضل اني احطه بقدر الضغط اسرع وأسهل . لين ينضج تماما تقريبا ياخذ نصف ساعه . وهذا شكله بعد النضج




الحين شيلي اللحم من المرق ورصيه بصينيه .




ورشي عليه فلفل أسود مطحون وشوية ملح .





نجي للرز ، وهنا يكمن السر .


طبعا انقعي الرز قبل بربع ساعه او مثل ماتحبين ، الرز اللي استخدمه خفيف شوي وحساس ورومنسي خخخخخخخ أقصد يبيله مداراه لانه يتكسر بسرعه.


قطعي البصل لشرحات رفيعه مره ، وارجعي اقطعيها بالنص ولو حابه تقطعينها صغير مافي مانع . مثل الصوره . ( وحلو يكون البصل كثير واستخدمت بصلتين متوسطيتين )



جيبي قدرين واقسمي كمية البصل واحد بتصلحين فيه رز أبيض ، والثاني رز أحمر . بس انا احب احمس البصل وبعد النضج اقسم . <== شكلي لخبطكم .


بالنسبه للكميه إذا حابه تصلحين نص احمر ونص ابيض حلو عشان يطلع نص نص ، بس انا احبه ثلثين ابيض وثلث أحمر .

طبعا لاتكثرين زيت الافضل مايكون كثير لانا بنستخدم المرق والمرق مدهن .




أهم نقطه مؤثره في النكهه خلي البصل ينضج على نار هاديه ، عشان يعطي حلاوه للأكل بس خلوه ذهبي فاتح مو أسود ، وتعرفون كل ماتكرمل البصل كل ماكان طعمه مثل السكر . تصدقون ساعات ينضج اللحم بقدر الضغط والبصل بعده يستوي على رواق .













..................... يتبـــــــــــــــــــع.........................



12-09-1428 هـ, 06:42 صباحاً
 


الساعة الآن 01:22 .