....................نكمــــــــــل.........................



الحين تمام خلصت المهمه المستحيله بس بعد ماوصلتوا خط النهايه .

طيبيه بالقرفه . مجرد رش .




مبروك ، خلص المضغوط ، وفزتي بالمركز الأول .


الحين يالله . استمتعي بالمضغوط.






ويقدم مع صلصة الفلفل الحار ، ماصورتها لكم ان شاء الله اصورها مع صيادية السمك .



على فكره ، المضغوط سهل جدا ، بس يبيله مداراه وانتباه للوقت ، ممكن المره الأولى يطلع معك مكتل ، والمره الثانيه قاسي ، بس المره الثالثه أكيد بيضبط . وبتدمنينه .



وبالعافيه عليكم



.
12-09-1428 هـ, 06:47 صباحاً
 
إضغطي على عنوان الطبق للدخول للرابط الأصلي .

صيادية السمك ( الرومانسيه والحساسه ) + صوص الفلفل الحار







السلام عليكم ورحمة الله وبركاته .







هايات لقطوطات المطابخ .

والله واحشيني موت ، من زمان عن هالقسم .

ابشركم خربت جوالي اللي هو كاميرتي لووووووووووووووووووووووووووووووووول .

من ذهانتي حطيته بكاسة مويه ...... شلون دخل بالكاسه ، لاتسألوني ............. لووووووووووووووول .


وحاولت اداري الموقف ، نزلت الشريحه والبطاريه على طول .... وخليته مطفي يوم كامل على وجهه .

اشتغل الحبيب ماشاء الله عليه قوي ويستحمل ، بس البشاره الحلوه ، الكاميرا إذا جيت اصور فيها تطفي لوووووووووووووووووووووووووووووووووول . واحيانا تكون كريمه معي وتشتغل . حسب مزاجها يعني . ... عليه العوض ومنه العوض .



المهم مفكره اوديه الصيانه .... المشكله مو فاضيه أوديه . وشكله يوم بينفجر فيني يمكن فيه نقطة ماء متخبيه ، ويوم تبق فيني بقة عليها القيمه .


خلاص انتهى مستقبلي المهني .......... إهي إهي ............... جوالي قطعه من جسمي .


لذلك بما اني طولت الغيبه ، قررت انزل المواضيع اللي حملتها من زمان بالجهاز .............



ماشاء الله فيه مواضيع مكدسه . يعني المونه تكفي لين رمضان ................. وان شاء الله اول ماصلح الجوال بنزلكم طبخات جديده .............لا لا لا لا

توبه مابوعدكم لاني يمكن اسافر واطول الغيبه ......

طبعاالديباجه الطويله هذي . عشان اقول للحلوات اللي وعدتهم بطبخات اعذروني ياأمامير ، إذا تصلح الجوال بإذن الله بنزل اللي وعدتكم فيه .


ايه صح تذكرت ،حابه اشكر كل وحده دعتلي انجح بالمسابقه وشجعتني وبالذات اللي ارسلولي عالخاص ، الله يعطيكم العافيه ويسعدكم .


بس مابي اكسفكم تراي ماشتركت ولا فكرت اشترك حتى . هههههههههههههه لاتحسبون اني طسيت عشان المسابقه .



يالله نبتدي طبقنا .


هذا كان احد اطباق غدانا في احد الايام الغابره ...... يعني من زمان .......... بس الطبخه غبرت في المستندات وبعد مانزلتها .


الطبق هو صيادية السمك + صوص الفلفل الحار .


وطبعا مثل ماعودتكم على طريقة امي الله يرحمها .


بالطفوله كنت انا وأختى نعقد امي ، لأنا مانحب السمك . عاد تعرفون حنا بنات الرياض ضبان لوووووووووووووووول مانعرف الاسماك والبحر . واستغفر الله إذا غدانا سمك كنا نقول ....... غدانا (إف) كنايه عن ريحته الحاده ........... عاد ابوي يطرطع ويهزئنا على هالكلمه ...ويعطينا محاضره لشكر النعم ......... سبحان مغير الأحوال .

لذلك امي فبركت طريقه رومانسيه وحساسه تتناسب مع ذوقنا ، ويكون فيها نكهة السمك مو حاده عشاان نستسيغها . سبحان الله هذاك أول الحين توحشنا وصرنا ناكل اخطبوط بعد. وصرنا اسماك قرش ناكل اي سمك ونقضي عليه بافتراس <== ماشاء الله الفك المفترس على غفله .


يعني هالصياديه مناسبه با لذات للي ما يحبون نكهة السمك الحاده .




المقادير :




سمك كنعد ( وهو الافضل) .وممكن تستخدمين السمك اللي تحبينه .





بصلتين كبار

ثلاث فصوص ثوم .

ثلاث عروق فلفل اخضر حار .

فلفل احمر حسب الرغبه .


ثلاث كاسات رز ( افضل استخدم ارز بسمتي ) ابو شماغ . بس ترى طبخه صعب للي ماتعود عليه .


علبة صلصة طماطم

بهارات مشكله .

ملح .

زيت نباتي ( عافيه ، او مازولا ) .

ماء لطهي الرز .



بصل محمر مقلي للزينه .






................... يتبــــــــــــع........................

12-09-1428 هـ, 06:48 صباحاً
 



............ نكمــــــــــــل.................


الطريقه :

نزيل القشور من السمك ونقطعه . بهالشكل




على فكره احنا نختار الكنعد لان لحمه ابيض ، وايضا سهل تقشيره . غير ان نكهته مميزه ، وساعات نصلحه بسمك التونه الطازج .

أبدا مانستسيغ نستخدم سمك شعور او زبيدي بالصياديه، لانه يطرى مع الطبخ .


نرشه ملح فقط و نقليه بزيت عافيه ، لأن نفس الزيت راح نستخدمه بطبخ الرز .



ونشيله من على النار .



نصفي الزيت إذا فيه شوائب ، وننقله بقدر الرز ، ونقلي البصل . بعد تقطيعه لجوانح رفيعه . الافضل يكون البصل كثير لانه يعطي طعم حلو للرز . وايضا يخفف نكهة السمك .





اهم خطوه في الصياديه ، انك تحرقين البصل شوي يعني ( تكرملينه) لين يصير بني ، بس انتبهي تحرقينه كثير يعني من غير مايكون أسود ، لان البصل إذا احترق كثير نسبة الكربون الكبيره تخلي طعمه مر .





نضيف الثوم المدقوق، واحب اضيف شوية هيل مطحون مع الثوم يعني انت ورغبتك . ونقلبه مع البصل .


ثم نضيف صلصة طماطم ، بكت كامل ..... احيانا استخدم بكت ونص . انا من عشاق الطماطم <== ايطاليه على غفله .

لانه يعطي لون حلو ويعطي حموضه بسيطه للأكل .



ايضا اضيفي قليل من الملح ، وملعقه بهارات مشكله ( استخدمت كزبره ، كمون ، شمار ، قرفه ) . وإذا تبينها لاذعه حطي شوي فلفل احمر حار كامل . حلاة الصياديه تكون لاذعه شوي .


اخلطي ، وإذا حسيتي المزيج شوي ناشف حطي شوي ماء ، لاتكثرين . وأضيفي قطع السمك اللي قليناها اول .



نخليها تتشرب الصوص شوي تقريبا خمس دقايق اهم شي لين تحسين انه شرب الصوص .


نشيل السمك من النار . وافضل لما أخذه اخذ معه شوي من الصوص ( الكشنه) اضيفها شوي فوق الرز بعدين .







نغلي الماء ، ونضيفها للكشنه ،استخدمت اقل من 6كاسات ماء تقريبا خمس كاسات ونص ، حسب نوع الرز وذوقك ، بس بماان الطماطم كثيره الافضل تقللين الماء . ولاتنسين الملح.



ايضاً احب اضيف قرفه وقرنفل كاملين عشان النكهه . واحيانا هيل كامل .


اذا غلى الرز ، نهدي النار .


فيه خطوه تعطي نكهه للرز، اصلحها دائماً مع الصياديه او غيرها ، إذا الرز قرب ينشف ويستوي تمام ، يعني تقريبا قبل لاتطفين عليه بخمس دقايق . اغرسي عروق فلفل ، وغطي القدر .


طبعا لاتخافون ماراح يصير حار ولا حتى لاذع بس يعطي ريحه طيبه للرز .




وكالعاده رشيت قرفه وهيل مطحونين عالوجه ، تقريبا ربع ملعقه .





............... لاتروحون بعد باقي صلصة الفلفل الحار





........................يتبــــــــــــــع.........................
12-09-1428 هـ, 06:49 صباحاً
 





............ نكمـــــــــــل........................


مقادير صلصة الفلفل الاحمر الحار :




عروق فلفل حار حسب الرغبه .

حبة طماطم وسط .

فص صغير ثوم .

نصف ليمونه .

ملح .

إذا حابه الصلصه تكون خضراء ، استخدمي فلفل أخضر ، وايضا اضافه حلوه تحطين كمشة بقدونس طازج ، تطلع النكهه مميزه واللون حلو . يعجبني بالذات مع المضغوط .

الطريقه :

ننقطع المكونات ونحطهم بالخلاط .



نخلط



واخلطيها بالنعومه اللي تبينها .

وتقدم



طبعا هالصلصه تقدم طازجه ، يعني ماتقعد كثير بالثلاجه يادوب ثلاث ايام .





وتقدمينها مع طبقك الرئيسي .


وهذي الصياديه يأمامير . رشي عليها البصل المحمر ، وإذا حابه صنوبر او مكسرات مقليه .





وبالعافيه عليكم . واتمنى اللي مايحب السمك يحبه من هالوصفه .



ياساتر اول مره احمل من هالموقع ، ياخوفي تطير الصور بعد يومين .


موفقات .
12-09-1428 هـ, 06:50 صباحاً
 
إضغطي على عنوان الطبق للدخول للرابط الأصلي .

©•°•°•°® ــــــــــ بسبوسة أُمّي وبــــــــس ــــــــــــ ©•°•°•°®









السلام عليكم ورحمة الله وبركاته .




ازايكوو ؟ ****لله كويسين <== ع ساس مصريه

عندي ليكو طبأ رويش .




طيب ؤلوا كده ورايه ........( طبأ طبأنا يطبأ طبأ طبأكو ... يئدر طبأ طبأكو يطبأ طبأ طبأنا) <== ياويلي شكلي حاكل علأه محترمه من اخواتنا المصريات .



على فكره اللي ماتقول هالجمله ماراح تاكل ولا فتفوته من الطبق لوووووووووووووووووووووووووول .




يعني شكلي باكل الصينيه لحالي .




اليوم جايبتلكم بسبوسه انما ايه تاكلوk ضروسكم وراها مو بس اصابيعكم . <== وش هالبسبوسه المرعبه . محد يبيها .



البسبوسه معتمده عندنا من قبل لاتسقط خشتي بالقاع خخخخخخ اقصد قبل لنولد .



وهي على طريقة المرحومه مامي .




ايه على فكره البنات اللي يستغربون من تعزيلي من قسم الماكياج وحط رحالي بقسم الطبخ ، ترى الدعوه عندي من باب نشر العلم ، عاهدت نفسي انشر كل شغله علمتني اياها امي الله يرحمها <== ياشيخه .




. يعني كل الاطباق اللي عرضتها بقسم الطبخ من بنات افكار امي . <= حكت قصة حياتها الاخت .




وان شاء الله بعدين بطلع مواهبي الشخصيه . وبخربطلكم خرابيطي الخاصه .




يالله الوصفه سهله وسريعه تاخذ ساعه إلا ربع في تحضيرها وطبخها .



على فكره انا ماحب البسبوسه الجاهزه اللي بالسوق احس مالها طعم واحس طعمها مثل الكيك افضل بسبوسه جاهزه بسبوسة الفستق من سعد الدين ويعني هه مو ذاك الزود بس يمشي حالها . ممكن اكلها إذا تقطعت بي السبل <= يامغرور



بالنسبه لبسبوسة الطازج حليوه بس ماعتبرها بسبوسه طعمها مثل حلاوة البقره . طعمه حليب محموس .


ليه اذكرلكم ذوقي عشان تتخيلون الطعم مو تجربون بسبوستي وماتعجبكم انا شرحتلكم ذوقي .



وماحب البسبوسه الطريه اللي تتفتت الا إذا كانت محشوه بلوز أو فستق اما العاديه احبها متماسكه واقدر اكلها باليد . <= مفجوعه .



واحب البسبوسه الذهبيه المحمره ماحبها صفرا . <= اخلصي وش هالشروط . ههههههههههه



وماحبها لاغليظه ولا رفيعه ههههههههههههههه.................. خلاص............ خلاص.............. ببدأ بالطريقه




يالله ازعجتكم بس احب اوصف الاكل عشان محد يتوهق .





المقادير :







علبة قشطة التاج او أي ماركه تفضلينها .

علبة حليب مركز ابو قوس


بيضه


كأس زيت


كأس سكر



2كأس ونصف سميد



نصف كاس جوز هند خشن .



ذرة ملح .



ملعقه صغيره باكينج باودر .



لوز مقشور للتزيين .



شيره ( قطر) لتسقية البسبوسه



طحينه ( هرده) لدهن الصينيه




..................................... يتبـــــــــــــــع.................


12-09-1428 هـ, 06:51 صباحاً
 


الساعة الآن 10:12 .