السلام عليكم ورحمة الله وبكاته

النهارده هاقولكم علي اهل طريقه لعمل الحمام المحشي بالظبط زي الجاهز ، وبطريقه ولا اسرع ولا اسهل من كده

كانت اكتر حاجه بتعقدني اني بعد ما احشي الحمام يا اما ينفجر اثناء السلق او الرز جواه يعجن لحد ما اخترعت الطريقه دي واللي حلتلي كل المشاكل


نبدأبسم الله

إعلان


المقادير :



حمامات متوسطة الحجم ( يفضل طبعا استخدام الزغاليل صغيرة السن )

للحشو :

ارز مصري ( حوالي 200 جرام لكل اربع حمامات )
بصل مفري ( بصله متوسطه )
بهارات ( قرفه + هيل مطحون +زنجبيل + فلفل اسود + جوزة الطيب )
ملح + ملعقه سمن بلدي او زيت ذرة

الطريقه :
تحضير الحمام :
تغسل الزغاليل جيدا من الداخل والخارج ، يراعي ان تزال الحوصله بدون عمل شق طولي في جلد الرقبه
، يتم فصل الاتصاق بين جلد الصدر واللحم بحرص و خفه باطراف الاصابع حتي لا ينقطع الجلد ،
تفصل الرأس ويتم التخلص منها ويخاط جلد الرقبه من اعلي فقط ( علشان الارز مايخرجش منه )


تحضر خلطه من البهارات السابقه مع قليل من الملح ويتم تتبيل الحمام بها جيدا من الداخل ومن اسفل جلد الصدر علي اللحم

يترك جانبا حتي تحضر الحشو ه

تحضير الحشو :

يغسل الارز جيدا ولا يتم نقعه يعني استخدميه فورا
تشوح البصله في السمن حتي يصفر لونها ثم يتم اضافة ربع كوب ماء وكمية البهارات وتترك تغلي حتي يجف مائها
يضاف الارز مع قليل من الميه ( يادوب بس الميه تغطي الرز ) ثم نظبط الملح بالدرجه اللي نحبها

يوضع علي نار عاليه حتي يتشرب مع الانتباه حتي لا يلتصق في القدر ويفضل استخدام حله تيفال ،
يتم تخفيض النار ويقلب مرتين او ثلاثه ثم يرفع من علي النار ويفرد في طبق حتي
يبرد ( علشان تعرفي تمسكيه وتحشي الحمام)

يحشي الحمام من الداخل ومن اسفل جلد الصدر وداخل جلد الرقبه ( لاحظي الرقبه نفسها بتبقي موجوده ولا يتم التخلص منها )
يراعي عدم زيادة كمية الارز اكثر من اللازم لانه لسه هايزيد في الحجم، وده علشان ما تنفجرش الحمامه
توضع الكبده والقونصه لتسد الفتحه بين الرجلين ثم تكتف الحمامه بادخال الارجل في الفتحه السفليه

ثم يرص في صينيه تيفال ( لتجنب الاتصاق ) بحيث يكون الصدر لاعلي
يتم اضافة ربع كوب ماء وتغطي الصينيه وتترك حتي الغليان علي نار عاليه وحتي تجف المياه
تدخل فرن مرتفع الحراره لمدة نص ساعه او اكثر حسب سن الحمام
واخيرا توضع تحت الشوايه حتي يحمر الحمام من جميع الاتجاهات

ولنكهة الشوي علي الفحم ممكن تسخني قطعه صغيره من الفحم حتي تحمر ثم
ضعيها مع الحمام في الصينيه وضعي عليها بضع نقاط من الزيت ثم احكمي
الغطاء لمدة 5 دقائق


وبالف هنا وعافيه


لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
رووووووووووعه تسلم ايدك اكيد بكون جميل طالما من ايدك و فى انتظار الباقى يا قمر
رب لا تذرنى فرد و انت خير الوارثين
مشكورة انا معزومة عندك على الفطار
يعطيك العافيه

زوجي يحب الحمام المحشي

بسالك في الاخير يننحط تحت الشوايه تقصدين الفرن من الاعلى؟؟
اللهم أصلح لي زوجي وسخره لي
وأصلح أبنائي لي ووفقني يارب العالمين
السلام عليكم ورحمة الله وبركاته

sasa271974

شكرا يا حبيبتي تسلميلي وبالف هنا

-----------

dods

العفو يا قمر وتنورينتي ، تحبي اعملك ايه جنب الحمام

----------------

أم ليااااان

الله يعافيكي ، وبالف هنا وعافيه لزوجك
بالنسبه للشوايه ايوه هي اللي بتبقي موجوده في اعلي غرفة الفرن ،
هاتولعيها شويه وتقلبي الحمام تحتها علشان يحمر من كل الاتجاهات


تحياتي لكم جميعا ، نورتوني



الساعة الآن 11:54 .