ماكو اسامي

ماكو اسامي @mako_asamy

كبيرة محررات

منوعات من مطبخي يارب تعجبكم

اطباق عالم حواء

مرحبا

اولا تاوه السبانخ
عجينة سمبوسه وتتسكر مثل المطبق وهي معروفه
الحشوه سبانخ مثلجه ومفكوك ثجها ومعصوره
بصله مفرومه وفص ثوم - سماق زيت زيتون- ليمون ملح فلفل ونتفة شطه

تتسكر بماي وطحين

مسخن دجاج بخبز الصاج
شرايح دجاج محموسه مع بصل كثير وماجي وسماق وتنحشي وتندهن زيت زيتون وتنخبز تتحمش شوي وبس تطلع غطيها


بقلاوة البيتزا
سبق وشرحتها بالملف عجينة جلاش محشيه خلطة بيتزا
وتنخبز بالفرن او حتى على الصاج او التاوه


خبز بالصلصه
شرايح خبز الباجيت تندهن زيت زيتون مفروم فيه فص ثوم وتنترك شوي تشرب وبعدها حطي صلصة بيتزا واضيفي لها زياده حبق او اوريغانو او زعتر
الجبن مازارولا وشيدر وبارميزان مخلط او اي تشكيله تحبين ومعاهم نتفة زعتر او اوريغانو على الوجه ورشة زيت زيتون


الحلويات

قمر الدين
اللفه ام نص كيلو تنقع في 4 اكواب ماي حار وتترك 3 ساعات تنحل بعد ما نفرمها شوي
بعدها نضربها بالخلاط تنعم ومعاها 3/4 كوب سكر او زياده
تنصب في القدر ونضيف لها نص كوب ماي ورد ونذوب نص كوب نشا بنص كوب ماي بارد ونحوسهم الى ان تبدي تغلي ويدوب غلوه ونطفي عليها نزينها بجوز الهند او تصبينها فوق مهلبيه الحليب كطبقه ثانيه

القطايف

حشوه مبتكره وبتعجبكم ان شالله
فول سوداني محمص شوي ومفروم خشن - كل كوب منه ربع كوب سكر اسمر او عادي تنقلي وتنسقي كرمل او توفو وعوافي

اصابع التوست بالكاسترد
سوي كاسترد بس ثقليه وبرديه زين احشي فيه شرايح التوست بعد رقها وسكريها بعجين لاصق
وتنقلي فورا وتنسقي قطر ولا تفرزن لان الكاسترد يشرب ثلج


صالونه دجاج

كيلو او اقل شوي مكعبات دجاج منقوعه بالبهارات ونتفة ليمون ومحمره شوي بالزبده تتشقر
بنف الزيت حمري بصله صغيره مفرومه وخليها تصير غامقه نتفه واضيفي لها ماي حارر وصلصة طماطم ومكعبين ماجي وجزر مكعبات وخليها تغلي

بمقلاة صغيره حمري بصل جوانح مع ثوم وفلفل ملون بس حمسه خفيفه وبهاراتك المفضله كبيها على الصلصه واضيفي الدجاج وملعقة اكل كزبره خضره وقرن فلفل وملعقتين دبس رمان او صبار او تمر هندي او لومي يحمضها شوي و وممكن تكملينها بالجدر او ببايركس بالفرن تتسبك


باستا بالكفته والكريمه

باستا مسلوقه
كور كفته محمره على المقلاة نتفه مع فص ثوم وينضاف لها مشروم علب لو تحبين
قلبي الباستا بالكفته ورشة بصل اخضر فلفل اسود
الصلصه
بكت شوربة كريم الدجاج
2 كوب ماي
2 كوب حليب سايل
كوب كريمة خفق
ملعقة طعام نشا ومثلها بصل اخضر وكزبره خضرا

تغلين الصلصه وتنسقي فيها الباستا قبل التقديم



المعجنات

نجوم الريحان
عجينة الاخت العزيزه زاهية الالوان وسبق شرحتها
تتقطع نجوم بالقطاعه او حسب ما تحبين
الصلصه
ريحان اخضر مفروم مع زيت زيتون وفص ثوم وشوي ملح

ادهني بها العجين ورشيها جبن

المحمره هو معبوج حار احمر او اي شطه تدهني فيها العجين مثل البيتزا وبس وتكون حاره
ممكن صلصه وثوم وزيت وكتشب وملح وفلفل احمر مفروم وشطه


فطيرة النقانق بالبطاط

حمست مكعبات بطاط مع بصل وثوم وماجي وبعدها اضفت النقانق وكتشب وخليتهم يتخلطوا زين وبردتهم واضفت لهم جبن مازارولا عشان يمسكون بعض بالفطيره اضفت لهم شوي من خلطة الريحان اللي بقت عندي

طبعا العجين لونت شوي بالاخضر والكزبره المفرومه وسويتها لكم بشكل اوضح وتشوفون التسكيره بالبيض طبعا وقلبتها بعد ما شكلتها عشان تخمر زين براحتها وبعد الخبز تتغطى ربع ساعه وتكشف
ويارب تنول الاطباق رضاكم

162530

162531

162532

162533

162534








يتبع
53
6K

يلزم عليك تسجيل الدخول أولًا لكتابة تعليق.

تسجيل دخول

ماكو اسامي
ماكو اسامي
تااااابع




السيامون
بنفس العجينه
قطعته صغار وبعود اسنان غمسته
ببيضه وملعقتين حليب وقرفه وسكر
وبقوالب الكب الصغيره خبزتها بعد ما ريحتها واسقيتها قطر ونستله بالجبن


162535

162536

162537

162538

162539
ماكو اسامي
ماكو اسامي
تااااابع السيامون بنفس العجينه قطعته صغار وبعود اسنان غمسته ببيضه وملعقتين حليب وقرفه وسكر وبقوالب الكب الصغيره خبزتها بعد ما ريحتها واسقيتها قطر ونستله بالجبن 162535 162536 162537 162538 162539
تااااابع السيامون بنفس العجينه قطعته صغار وبعود اسنان غمسته ببيضه وملعقتين حليب ...
واخيرااااااااااااااااااااااااااااااا يا قمرات
162545

162546

162547

162548















دعواتكم الله يجزاكم خير:26:
حجابي عفافي
حجابي عفافي
واااو شغل جنان الله يعطيك العافيه
:32:
ويسلم هاليدين كل ما أفتح لك موضوع
الاقي الوصفات جديده ومبتكره
:p
ماشاء الله تبارك الله الله يحفظك
ويوفقك دنيا واخرهويسعدني
اني اكون اول وحده ترد
:26::26::26:
ام نريمان
ام نريمان
تسلمي
ام نريمان
ام نريمان
تسلمي قمه في الابداع