الدجاج بالارز على الطريقه الصينيه
المقادير
دجاج خالي من العظم مقطع مكعبات
بصل مقطع صغير
فطر
ملعقة طحين
بهار وفلفل ( حسب الرغبه )
مقادير الرز :
ارز امريكي اذا كنتي مو مقاطعه واذا مقاطعه استبدليه برز عادي
مكعبات صغيره جزر
حبات ذرة
بازيلا
مكعب ماجي
الطريقه :
تقلبي البصل في قليل زيت
تضيفي عليه الدجاج وتقلبيه
اضيفي البهار والفلفل وحركيه وطي النار شوي الى نضج الدحاج
اضيفي الفطر وقلبيه
بالنسبه للرز تسلقيه في الماء والماجي وتضيفي الذره والبازيلا والجزر يصير شكله حلو وملون
اذا استوى صفيه واذا عندك قالب الكيك المفتوح من الوسط (يارب فهمتي )
اظغطي الرز فيه عشان ياخذ شكل القالب
اقلبيه في صحن التقديم
نرجع للدجاج قبل ما تحطيه على الرز تخلطين الطحين في شوي ماء وتضيفينه على الدجاج وتحركيه (كمية الطحين حسب كمية الدجاج )بتكون صلصه مثل الشوربه الخفيفه
الآن ضعيه في وسط الرز وزيني الطبق والهناء والعافيه
ان شاء الله يعجبك وتدعين لي
اهلين اختي ام محمد ونواف

طريقة البرياني
المقادير:
3اكواب رز-كوب زبادي-دجاجتان مقطعة ارباع-ملعقة كزبرةناشفة وكركم وفلفل اسود وقرفة وهيل وقرنفل وبهارات البرياني-4حبات ثوم-بصل مفروم-ملعقة زعفران مذاب بماء دافىء-صنوبر ولوز وزبيب محمر للتزيين-ملح-زيت
-فلفل اخضر حار
ملاحظة :يكثر الفلفل في البرياني

الطريقة:
يغسل الدجاج وينقع في الزبادي والبهارات لمدة ساعة ثم يوضع قدر على النار فيه زيت وبصل الى ان يحمر البصل ويوضع عليه الدجاج مع الخليط وماء والزعفران الى ان ينضج ويوضع عليه نصف مقدار الرز الى ان يستوي.
تحضرين قدر اخر وتضعين فيه كمية الرز المتبقيه مع ماء وملح للسلق.
وبعد ان يستوي الرز عند التقديم يؤخذ ملعقة من الارز الابيض وملعقة من الارز الاصفر .
ويوضع الدجاج فوق الرز ويزين بالصنوبر واللوز والزبيب والبصل المحموس.

وان شاء الله انه يعجبكي
بعطيج طريقه من يومين تقريبا مسوتهنها يمكن تعيبج وهي

تعملين خلطة من الطماطم الصلصه تقريبا ملعقتين طعام + ثوم مدقوق مع زنجبيل + ملح +فلفل اسود +ملعقه تقريبا زبده او سمنه
تدهنين الدجاج بالخلطه زين مازين من داخل وبرع من دون ماتنزعين الجلد ودخلينها في الكيس المخصص حق الشوي ودخلينها في الفرن من فوق وتحت عل نار هادئه من فوق علشان نستوي زين واتركيها الين تحمر بالكامل وينشف الماي عنها..
طريقة الرز:
مقادير الارز على حسب عددكم طبعا اتعرفين قياسكم
تسلقين الارز بعد ماتنقعينه في الماي وقبل ماتسلقين الارز حطي البهارات الصحيحة الفلفل الاسود + المسمار +الجرفة + الهال+2 مكعب ماجي ملح حسب الطعم وشوي زيت
وسلقي الارز نصف سلق واشخليه وبعدين رديه في القدر وسخني شوي زيت وحطيه فوق العيش وحطي لون اصفر او زعفران منقوع في ماي ورد وخليه يسكر

اقلي جوانح بصل +بطاطس مقليه + اشوية زبيب ولوز وصنوبر
وقت التقديم اخلطي الارز الين يشكل لون اصفر وابيض وبعدين حطي الدجاج المحمر وانثري عليه البصل والمكسرات والله انه روعه

ادعيلي حبيبتي ولاتنسيني
أنا أبقول لك طريقتي في الكبسة

بصراحة كثير يحبوني أسوي الرز بهالطريقة
وهي سهلة جداً

شوفيها على هالرابط هي أول طريقة

الرز بمرقة الدجاج ... على طريقة جدتي الله يحفظها

وهذا الرابط أيضاَ

وصفة "الدجاج بالشعيرية" لذيييييييذ جداً و ســــهــــــل ^_^

وان شاء الله تعجبك الطبخات
☎ لاستفــساراتكن ❀تفضــلن ☎دليـل المميزه ╰☆╮حياكن المــولي ╰☆╮

★ ☆ ✮ قوانين القسم - فهارس البلدان - هدية متميزة متجددة لكم ★ ☆ ✮

دليل الأسواق البريطانية Uk Shopping Index
الرابط موجود أيضاً في أول رد من التجمع وموضوع الأسواق
* إذا لم تفتح روابط موضوع الأسواق حاولي فتحها بمتصفح (browser)آخر
أو تحميل الملفات أسفل كل قسم في الموضوع






الساعة الآن 10:29 .