ياعيوني عشان ماتتورطين وقت الفطور سوي اكلك بالليل عشان تذوقين الطعم واذا ضبط حطيه بالثلاجة وسخنيه بكرة حتى انه يختصر الوقت وانتي صايمة وتعبانة
13-09-1428 هـ, 07:08 مساءً
 
ياقلبي ولا على بالك انا كنت زيك والوالدة كانت مدلعتني شوي وانا حدي مااطيق الطبخ.
وبعد الزواج اخذت راحتي وكنت اطبخ وياكثر ماخربت الطبخات وبعديت تعدلت وعرفت اطبخ من موقف حصل لي مع زوجي.
وكنا في هذا الوقت مغتربين يعني لامي ولا طباخة اهلي موجودين عشان يفزعون لي وامي الله يحفظها كانت مجهزت لي اغراض الطبخ من بهارات وكتب وغيره اخذها معي بالسفرة وكنت مابي اخذها بس حلفت علي والحمدالله انهاحلفت والا كانت علوم؟
المهم كانت فكرة زوجيانه ياخذهم على مطعم عربي وانا كنت مبسوطة الا جاء قبل العزومة بيوم وقال اصحابي حالفين الا ياكلون من اكل البيت ومشتاقين لاكل السعودية وانا بعد وشوله الخساير اجيب لك الاغراض وانتي دبري عمرك بكيت وقلت له راح تفشل اكلي موب حلو حدي اسلق اسباغتي واجهز الصوص تبعه (لاني احب المكرونة) وشغلات بسيطة قالي مالي دخل اذا تفشلت فشيلتك انتي موب انا وبيقولون ماعنده زوجة تعرف تطبخ وانا ابكي ومع فارق التوقيت اعجت اختي الكبيرة واستنجدت بها(خايفة ادق على امي اتهزئ)المهم هدات من روعي وقالت كثري من الشغلات البسيطة من سلطات ومقبلات ماتحتاج طبخ واجد وخاصة انهم شباب اكيد مايحبون الاكل التقليدي قلت لها بالعكس مشتاقين لطباخ السعودية وانا ماضبط الرز او حتى الكبسة قالت اوكي الرز سوي ابيض وحطي عليه حشو وصنوبر وحركات وحترى لو مانضبط مو حاسين لان من زمان ماذاقو طباخ المهم قعدت احوس بالمطبخ وانا كلي ندم ودموعي اربع اربع على الفشيلة اللي بتصير توكلت على الله وسويت طبقين رئيسين رز (كنت خايفة مايكون نثري بس طلع حليل ماصار لين اهم شي )وصينية مصقعة ومكرونة بالفرن واكلة روبيان مع صوص وهذي سهلة ماخذت شي والباقي سلطات تبولة وسلطة خضراء وصينيتين حلى الحلى يهون وكنت اركز على تزيين الطبق عشان لو الطعم ماعجبهم الشكل يشفع.وبس وبعد ماطلعوا كنت زي اللي بامتحان بس اشوي زوجي دخل وقال اخذتي تقديرجيد جدا ولو داري كنت جبتهم من زمان ومن ذيك الحظة وانا صرت اتعلم وليومك هذا .شدي حيلك وتعلمي واكيد بتكوني الماستر شيف .
13-09-1428 هـ, 08:50 مساءً
 
عادي حبيبتي ولدتني امي في المطبخ وزيي زي اللي توها تتعلم تطبخ ..ومع ذلك التعليم قبل الزواج يعطيك ثقه في النفس..

مرة وحده بس تخطين وبعدها تتعلمين ..

انا خبره عشر سنوات ولساعي اغلط للحين .......جل من لا يسهو........
13-09-1428 هـ, 10:21 مساءً
 
ما عليك يا اختي كلنا كنا كذا ماندبر شي في المطبخ بس يوم تعلمنا شوي شوي ومره يضبط ومره لا حتى صرنا نعرف يعني الواحد لازم يتحمل ويطبق كم مره علشان يضبط ويعرف الطبخ واذا تبين اي مساعده في اي اكله اطلبي وماعليك حنا نعطيك اللي تبين وخليك واثقه من نفسك دايما علشان تنجحين والله يعينك ويوفقك
13-09-1428 هـ, 10:41 مساءً
 
شوفي اختي
خذيلك رقاق واحشيه بللحمه او بالخضار وخذي رقاق ميني واحشيه جبنة كيري وبعد ماتقلينه حطي عليه شيره
زي ماقالو البنات خذي شي مايحتاج طبخ ونفخ لين تتعودين وتثقين في نفسك
الله يوفقك
14-09-1428 هـ, 12:13 صباحاً
 


الساعة الآن 07:51 .