حاجات هتخليكي زي القمر ادخلي ومش هتندمي....جربي

السلام عليكــم ورحمـة الله تعالى وبركاته،،

الحمدلله والصلاة والسلام على رسول الله وعلى آله وصحبه أجمعين


1) عند غسل الشعر بالشامبو اقلبى راسك للاسفل واقلبى شعرك للامام وادعكيه، بينشط الدورة الدموية للشعر وبالتالى يمنع سقوطه.
2) زبدة الكاكاو لدهن كعوب القدم ( اللى بنستخدمها للشفايف ) بتخلى الكعوب تحفة ادهنيها بالليل والبسى شراب وشوفى النتيجة الصبح.
3)وانتى على الكرسى وقاعدة قدام الكمبيوتر قومى واقعدى 5 دقايق بتتخلصى من الارداف والشحوم المتركزة فى هذة المنطقة.
4) اغسلى وجهك بالصابونة واتركى الرغوة وضعى اربع نقاط معجون اسنان على الرغوة وادعكى وشك وبعدين اشطفية هتتصدمى قومى جربى وارجعى ردى تفتيح انعاش لون وردى وهتلاقى البشرة بتتنفس.
5) وانتى فى المصيف التراب الموجود تحت الماء على الشط خدى شوية وادعكى سنانك هتبرق تماما ولو دعكتى وشك كل الخلايا الميتة هتروح من الاملاح الموجودة فى التراب.
6) للمعان الشعر قبل السيشوار اشطفى شعرك اخر شطفة بالماء المضاف اليه الشاي المغلي بعد تبريده واتفرجى على النتيجة.
7) دايما اشفطى بطنك للداخل كل ما تفتكرى شهر وبطنك هتختفى احسن من اى تمرين الشفط بيقوى عضلات البطن حتى مع الحمل والولادة.
8) وضع ماء الورد المخصص للشرب على ماء الشرب العادى بيورد كل بشرة الوجة والجسم وينظف الجسم ايضا من الداخل ودى وصفة الايرانيات هتلاقيهم بشرتهم تحفة من مية الورد.
9) اخلطى كريم الاساس فى كف يدك مع كريم مرطب واقفلى اليد الاخرى واخلطيهم مع بعض وضعيهم على الوجة يمنع تكتل كريم الاساس وهيديكى لمعة تحفة ويمنعة من التشقق مع الوقت الطويل ولا اغلى ماركة.
10) اغلى نصف فنجان ماء مع كركدية واخلطى المية بعد الغلى مع فازلين وادهنى شفايفك كل يوم بالليل اسبوع شفايفك بتبقى وردى طبيعى لمدة شهر.
11) شرش الجبن ( او الماء اللى بيكون فى علبة الجبنة ) حطية فى زجاجة وادهنى وشك منة مرتين فى اليوم وادعيلى تفتيح وترطيب وازالة البقع والنمش.
12) تغيير نوع الشامبو كل اربع شهور لان شعرك بياخد عليه ولو بتحبى نفس النوع ابقى ارجعيله بعد التغييرعادى بس غيرى وارجعى.
13) ضعى طلاء الاظافر فى الثلاجة قبل وضعه هينشف بسرعة ويتحط بسرعة ( من اسرارى).
14) عضتك نموسة او حبة فجاة وعندك خروجة بسرعة حطى عليها اى نوع من قطرة العين.
15) خايفة على الشراب النايلون من القطع اغسلى رجلك ببلسم الشعر واشطفى رجلك هتبقى نعمة موت حتى لو مش هتلبسى شراب ( من اسرارى ).
16) مزيل الماكياج خلص استخدمى الزبادى لازالة الماكياج ومنة ماسك سريع هتتصدمي من النتيجة.
17) قشر الرمان نشفيه فى البلكونة كويس ودقيه واطحنيه بودرة وضعيه تحت الابط لمدة اربع ايام رائحة العرق بتختفى شهر ( من اسرارى ).

منقول للافادة

وانا جربت الوصفة4 بصراحة بتخلي البشرة تتنفس كتير، وتنظفها. ان شاء الله انتو كمان تنفع معكن الوصفات، يا رب.