السلام عليكم..

الله يعافيكم الي عندها خبرة بالشي هاذا ياليت تفيدني..

معها اسهال مرة شديد..صارت 7 ل 8 مرات باليوم تسهل ..وموية ،،تدجها دج...
وديتها الدكتور قالي معها نزلة معوية وفايروس!!
عطها لين امس 3 ابر مضاد حيوي..
وايه كان معها حرارة توصل لل 40،،بس بعد المضاد والتمبرا نزلت.. لين 38.5

والإسهال ماوقف..
قالي اغير حليبها لحليب الإسهال ..وغيرته مابغته ولا تقبلته..
ماتبي ترضعه ابد..
رجعتها لحليبها وصرت اسويه لها بموية الرز المصري..
بس شوي وتزهق منه ولاترضعه..

عطيتها كابتين حق الإسهال مافاد..
عطيتها موية ونشا نفس الشي
عطيتها زبادي وبطاطس مسلوقة بعد مافااااااااااااااااااااااد معها..

المشكلةهالحين اسهال ولا أكل ،،احسها بسم الله عليها بتموت..
معد فيها تتحرك وطول الوقت بفراشها مافيه حيل وتحن..

الله يعافيكم وش أسوي

بسم الله عليها عن الموت حبيبتي الله يحفظها و يخليها لك .. ان شاءالله أزمة و تعدي ... لا تخافين عليها كل الاطفال لازم يجيهم اسهال زي كذا خصوصا في عمر بنتك ....

أنا اسمع ان الشاي العادي الليبتون مفيد للاسهال ... قريت هنا في المنتدى ان الشاي بدون سكر مع شوية قطرات ليمون يمسك البطن ... و اذا ما تقبلته عطيها بالقطارة مثل الدوا على ما تخلص الكمية ... بس الأفضل تسألي اذا يناسب عمر بنتك أو لا ...

.... و الجزر بعد مرررة مفيد جربي اعصري جزرة و صفيها و رضعيها ... وشوفي البنات ان شاءالله تستفيدين منهم ...

والله يطمن قلبك عليها و يحفظها من كل شر ..
أقبّل صغاري بعد الحكاية و يختبئون داخل ألحفتهم مبتسمين ... عندها ... يكون للحياة طعم آخر
امينة

الله يجزاك الف خير حبيتي..

بجرب الشاهي باليمون وان اشالله مايضرها بشي..
اختي عطيها حليب الاسهال وضيفي له سكر نبات مطحون علشان تحب طعمه عادي انا قال لي الدكتور هذي الطريقة ونفعت لان الحليب طعمه مر واستمري عليه الين يروح الاسهال طبعا مع المضاد وشراب الاسهال لاتوقفينه واعملي لها ينسون مع نعناع ويكون دافي واعطيه اياها لان النزلة المعويه جاتها مع برد في بطنها وبالليل ادهنيها بزيتون او فازلين جسمها كله وغطيها زين وبها الفتره ابعدي عن الحليب العادي لانه يزيد الاسهال وابعدي عن العصاير والسيريلاك واي شيء بارد لاتعطينها
نسيت اقولك لاااااااااااااتسبحينها لين تخف نهائيا حتى لو فيها حراره اعملي لها كمادات على الراس بس


الساعة الآن 04:08 .