السلام عليكم ورحمة الله وبركاته

كيف حالكم وجعلنا الله وأيأكم من المقبولين.........

ساعدوني يالغاليات زوجي عازم زملائه وكل واحد معه عياله والصراحه أني ما أدري

كيف أوفق وأعمل على جبهتين ؟؟؟

ومحتاااااااااره ولا أستغني عن مشورتكن

زوجي يقول بعد الفطور الأول أطبخي كبسه أفضل لانهم أول مره يفطرون عندنا وأشرت عليه

أني أطبخ صواني وسلاطات ومع الشوربه والمكرونه والحلويات أفضل وأخاف أتأخر عليهم

بالفطور الثاني وهم بيروحون يصلون

تكفون أأأأأأأأأأفيدوني بتجااااااااربكم لاني شايلة هم ؟؟؟؟؟

وما هي الاطباق اللي أقدمها في الفطورين ؟؟؟؟ والحريم وعيالهم كيف أجلس معهم وأنا مشغوله؟؟

الله يعافي من ترشدني والحمدلله أضبط كل شئ فقط أرتبك وأحب الترتيب

في أاانتظااااااار نصايحكم ومشورتكم ....... وخالص دعواتي لكل من أرشدتني

ودمتم في حفظ الله ورعايته ............
15-09-1428 هـ, 01:24 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
ياقلبى يد وحده ما تصفق يبغا لك مساعدة في المطبخ اذا كان عندك شغاله هانت على الاقل تشيل عنك حمل
سوى على الفطور سمبوسه جبن ولحم ولقيمات وفطاير وسمبوسة البف واصابع الجبن وشكلين حلى قهوه
على العشا سوى الكبسه والشوربه وثلاث اشكال سلطهوكانك تبغين تسوين حلى سفره
ترا فيه كذا طريقه بقسم الحلويات وكل وحده احلى من الثانيه

والله يوفقك ويعينك
15-09-1428 هـ, 02:15 مساءً
 
الفطور الاول /
تمر - قهوه - 2 حلا قهوه - اصابع جبن - سمبوسه - لقيمات - مطبق - فطاير - وبعض الناس يحطون شوربه

الثاني /

كبسه - سلطة الفته - سلطة المكرونه - سلطة همبرقر - سلطة الزهره - وكبه اذا مووجود عندك مفرزن - و 2 حلا عشى - وجريش


والله يعينك طبعا السلطاااااااات ماااااتااااخذ وقت ابدا . .وبرضوو حلى العشى

انتي حااولي تخلصين الفطوور الاول وعقب الفطور الثاااني بيسهلها الله

افطاار شهي
15-09-1428 هـ, 02:39 مساءً
 
الله يكون بعونك ويسهل أمرك

أنا يوم الاثنين الماضي كنت مثل حالتك وماعندي أحد يساعدني
ومارجعت من الدوام إلا الساعة 2.30 الظهر

سويت على الفطور الأول:
=================
فطايرمشكلة وبيتزا- سمبوسة رقاق مقلية- حلى قهوة... قهوة، عصير فيمتو ،وتانج

" الفطاير" سويتها بالليل قبل يوم العزيمة وسخنتها طلعت حلوة
و"السمبوسة" لفيتها قبل بيوم وقليتها بنفس اليوم ..
وحلى قهوة من أمس جهزته هو والعصيرات..

الفطور الثاني
===============
سويت كبسة وجريش<<سويته قبل أطلع للدوام وخليته ع الهيتر(ستر ربي)
وسلطة خضراء عادية.
والحلى جيلي وكريم كراميل مصلحته قبل بيوم <<< كل شي تقليدي
والعصير :تفاح خلطته مع سفن أب .

والنتيجة : الصحون رجعت فاضية

نصيحة**
====
الرجال مو مثلنا يحبون الزبرقة والتفنن في المعجنات والصواني

الكبسة عشقهم، فــشدي حيلك فيها والله يبيض وجهك قدام زوجك .
15-09-1428 هـ, 02:49 مساءً
 
الفطور حلا قهوة سويه قبلها بيوم وأصابع جبن والسمبوسة الصغيرة تكونين مفرزتها قبل بيوم والعصائر الجاهزة والسفرة حضريها بدري رتبي الصياني إلي فيها الكاسات والفناجيل بس لا تكثرين الأنواع بس كثري الكمية عشان تلحقين تستقبلين الحريم وإنتي مرتبة مو وإنتي تلهثين من التعب.
العشا خوذي نصيحة رجلك وسويلهم رز ومعاه جريش ونوعين سلطة وكريم كراميل وسمبوسة لحم أو خضار وسبرنج رول وفطائر مفرزنة قبل والله يعينك ياقلبي وإذا عندك أحد تمونين عليه خليها تساعدك مافيها شي .
وتراك معذورة إذا ماجلستي مع الحريم وأتوقع يكون مع وحده شغاله وتعاونك إن شاء الله وعطينا أخبارك بعد العزيمة الله يوفقك.
15-09-1428 هـ, 03:24 مساءً
 


الساعة الآن 09:03 .