اسالكم بالله لو انكم مكاني وش بتسوون

هلا خواتي

والله ماارتاح الا اذا شكيت لكم

انا ياطويلات العمر ساكنة بشقة منفردة بجنب شقة اهل زوجي

عندهم شغالة جايبتها ام زوجي وزوجي الي يدفع راتبها


المهم اليوم بعد الفطور قالت بنتي عمرها5 سنوات
بروح لجدة وراحت
وجت تبي تخل غرفة عماتها ماقدرت تفتح الباب كان قوي
وجت الشغالة قالت ابعدي انا بفتحة قالت بنتي لا
وتمسك يد بنتي وتضربها بقوة
وتجيني بنتي تصيح باعلى صوتها قلت وش فيك واشوف يدها الا وهي حمرا من قوة الضربة
وقالتلي السالفة
قلتلها روحي لجدة وقولي لها عن الشغالة قالت لا الشغالة بتضربني
واكلم عمتها قلت خلي عمتي تتفاهم مع الشغالة
قالت لا اخاف انها تروح مني

ويوم جيت بعد التراويح اتقهوى مع عمتي قلت مايصير تسكتين عنها وهي ضاربة بنتي
قالت لا اذا سوتها مرة ثانية وانا اشوفها بتكلم هنا ارتفع ضغطي قلت شوفي ياعمة يانك بتتفاهمين معها وتقولين لها لاعاد تمدين يدك على البنت ولا بقول لزوجي هو الي يتفاهم معها

يوم قلت كذا قالت خلاص بقولها

وجيتهم الساعة 12
قالت اني تكلمت معها وقالت ان بنتك تكذب وانها بس حطت يدها فوق يد بنتك وعورتها وقالت لها عمتي لوتشوفينها غرقانة في الدم ولا طايحة لاتجينها ولا تلمسينها
قلت خوش والله ان قلت تفاهمي ماقلت حرشيها علي وعلى بنتي الحين اكيد لو بتشوف بنتي بالشارع والله ماتشيلها ولا تجيها قالت وش اقولها اجل قلت فهميها انها ماتضرب بنتي

وسكت يوم رجعت لبيتي قلت ليش تكذبين ياريناد قلت والله ياماما مااكذب والله انها ضاربتني
وقلت لعمتي كلام ريناد قالت والله ماعرفنا من نصدق قلت اكيد الطفل لان بنتي ماعمرها كذبت علي


وهي الشغالة متعودة ليللا تاخذ الله يكرمكم زبالتنتا
يوم دخلت الاوهي واصلة معها ولا كلمتني العادة تتبسم وتسولف وانا اعطيها احيانا فلوس عشان اتقي شرها

وطلعت وهي معصبة عساها ماترد سالمة

قولو لي وش اسوي معها
وكيف اتعامل معها والله اني خايفة تسوي ببنتي شي
تكفون ردو