اذا كان زوجـــــــــــــــــــــــــك يضربك كيف تتصرفي معاه وبصراحة ((دعوة للنقاش ))

وليش ماأطلب الطلاق؟؟
والله اإذا مانفع معه أي حل ولا توسط ولاخوف من اهلي ساعتها بأطلب الطلاق على طول
وماراح اكمل بقية حياتي مع زوج يهينني ويضربني
وتراه بدل الرجل رجل ثاني

الحمد لله ماصارت لي بس اعرف كثير تصير معاهم والسبب ان الرجال يزيد في الضرب انها تسكت له وبالكس تراضيه لالالالا اذا مد يده لازم توقفينه عند حده الحرمه مو متزوجه عشان يهينها ولا يضربها والله اعرف كثير الي يصير لهم قهر بس ارجع واقول الحرمه هي الشبب بكل الي يصير لازم تكلم اهلها او اهله او اذا مانفع وضربها لازم تضربه والله مره واحده تشتكي لي وقلت لها اضربيه تقول لما ضربته وقف عن الضرب وطلعت باصابات بسيطه

الله يكفينا الشر

كله الا الضرب الله لايقوله ومهما يكون لايمكن اني اقبل بهذا الشي

بقول لك عن تجربه زميلتي ..

تقول زوجي كل ما جلسنا مع اهله ضربني على يدي او رجلي مزح .. تقول قمت ذاك اليوم و ضربته بنفس مكان ضربه لي و خزيته بعين قويه و هي قايله له من قبل كذا مره ترى ما احب حركاتك هذي و لا احب تمد ايدك علي حتى لو مزح ..

تقول والله بعدها انه تعدل معي .. بس هي حالفه له لو مد ايده عليها بمزح او غيره تبي تردها له ..

بصراحه المرأه اللي زوجها مايحترمها و يمد ايده عليها و ساكته له تستاهل .. المفروض ان الاحترام متبادل .. خصوصا رجال اليومين هذي قل مخافه الله زايد عندهم و لا فيه لا امساك بمعروف و لا موده و لارحمه ..

اسفه بس هذا الواقع اللي اشوفه قدامي ..

بالنهايه اللي زوجها يمد ايده عليها و ماعندها رجال يوقفونه عند حده ... ترد له الكف بكف و اذا ماتعدل تترك له البيت وش الفايده اذا المرأه مكسوره من جوا حتى تربيه ماتقدر تربي عياله زي الناس ..

حبيبتي مافيه شي بالدين و لا الاخلاق يسمح له يمد ايده مهما كان السبب .. امساك بمعروف او تسريح باحسان .. الشرع واضح ماترك لهم حجه ..

الرسول اللهم صلي وسلم عليه قال اللهم اني احرج حق الضعيفين اليتيم و المرأه وقال النساء ما اكرمهن الا كريم و لا اهانهن الا لئيم .. و المثل يقول يغلبن اللئيم و يغلبهن الكريم ..

اسفه طولت بس احس انها حره بقلبي و طلعتها

كللللللللللل شي الا الضرب حتى لو كان الضرب بالبدايه خفيف هنا المشكله بكبرها اذا سكتت وقالت اول مره وان شاء الله اخر مره ومدري كيف بيتمااادا ويتطور الضرب من البدايه المفروض توقفه عند حده باي طريقه يا تروح لاهلها واحد يكلمه بس هذا بعد ماتتفاهم معه بكل صرامه انه مايمد يده ابد ابد مهما كان معصب او زعلان ولا له حق وان سواها ثاني مره ماراح تسكتله وتكبر الموضووووع مهما كانت المترتبااااات ضررررررب ذا مهوب لعب!خير ان شاءالله