السلام عليكم ورحمة الله وبركاته

***** الله تكونون بأطيب حال

عندي سؤال وحبيت أطرحه في القسم هنا
يا ترى في وحدة جربت الغسالة الفل أوتوماتك
اللي عندها يا رييييت تقول لي عنها
مزاياها ............. عيوبها ......... أوأي شي تحب تقوله عنها <<<< صار موضوع تعبير

يا ريت بنات ما تتأخرون علي لأني ناوية بإذن الله أشتريها لكن في ناس قالوا لي ما تنفع
والملابس تخرج منها بالقوة تنكوي واحترت قلت مافي غير بنات هذا القسم يساعدووووني

شكرا مقدما ً

................................أوجان.................
27-04-1424 هـ, 02:25 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
هلا غلا
ترى انا استعمل الغساله من عشر سنوات

مميزاتها انج ما تقعدين اشغلينها كل شوي يعني حطي الصابون والكلوركس والكمفورت وخليها اتغسل على راحتها
ثاني شي ما اتعقد الملابس مع بعض يعني مو مثل الغسلات التعبئة من فوق تصارعين مع الملابس علشان اتفكينهم
وتحافظ على الملابس خاصة الداخلية
حتى لو صار عندج ظرف اضطرطي للخروج لا اتشلين هم الغسيل خليها هي تقوم بالواجب
ممكن اتنشفن الملابس فيها
الناس يقولون انها تصرف ماء وايد بس هذي اشاعات لأن حوضها صغير بعدين هي اتعبي في كل مرة كمية قليلة
ممكن اتسخنين الماء في الأيام الباردة
شنو شنو بعد ............... منو قال ان الملابس ما تنكوي والله عادي
العيوب
بطيئه شوي
استخدام الماء الساخن أو كثرة التنشيف الكامل ممكن تهتري الملابس بسرعة
الحل عدم استخدام الماء الساخن والتنشيف التام كثيرا

شوفي يعني مميزاتها أكثر من عيوبها

وعساني قدمت لج شي يفيد
27-04-1424 هـ, 02:55 صباحاً
 
هلا أختي فجر
وجزاك الله خير على المساعدة

لكن عندي سؤال أخير
السوق مليان ماركات أي ماركة أفضل
وشكرا
27-04-1424 هـ, 11:10 صباحاً
 
حبيبتي انا ما اعرف بالماركات بس انا يلي عندي kelvinator وهاذي صناعتها امريكيه ..
27-04-1424 هـ, 11:41 صباحاً
 
وإذا انت تبين تستخدمين الغساله للتنشيف الكامل انصحج انج تستخدمين غساله التنشيف ابروحه والغساله ابروحه .. هذا احسن .. لأن الإثنين في واحد ما ينفع ... و****لله وضح لج الكلام

اختج
فجر الإمارات
27-04-1424 هـ, 11:47 صباحاً
 


الساعة الآن 04:37 .