ابغي حشوات للفطاير غير الجبن والزعتر واكيد ما بتقصرون

هذي حشوات اسويها بس بدون مقادير ....


عندك حشوة الدجاج .... تحمسين بصل وحطيي عليه دجاج مسلوق مقطع وبهارات وملح وكركم وكزبرة خضراء وفلفل حار وممكن جزر مبشور .... وحركيه على النار وبعدين خليه يبرد وحشيه بالفطاير ....


حشوة سبانخ مع جبنة بيضاء ....

ايضا حشوة لحم مفروم .... تحمسين بصل مع لحم مفروم وبهارات وكمون وكركم وملح وطماطم قليل وتخلينه على النار لحد ما ينشف وتضيفين بازلاء خضراء .....


حشوة بيتزا ... فلفل اخضر او ملون وزيتون ومشروم وجبن موزاريلا مع مسحة خفيفة من الصلصة ....


حشوة بطاطس .... بصل مفروم تحطينه على النار حت يذبل وتضيفين فلفل حار وشوي ثوم وبطاطس مسلوق و مقطع مكعبات صغيرة وملح .... وممكن تضيفين معاه خضار ثانية لو حبيتي او لحم مفروم ....

حشوة جبن ابيض بالنعناع ....


حشوة دجاج بالجبن.... بصل مفروم على النار حتى يذبل وتضيفين عليه دجاج ني مكعبات صغيرة وتحركينه لحد ما يستوي الدجاج وبعدين تضيفين عليه فلفل اخضر و مشروم وثوم قليل وفلفل اسود وابيض وملح وملح صيني .... وبعد ما يبرد تحطين عليه جبن كرافت مبشور وتحشين فيه
أبدعي ... فأنت في عالم حواء




تأخذين مجموعة خضروات مثل (بطاطس + كوسة + جزر + ذرة ) تبشرينهم ثم تحمسين بصل شرائح
وتحطينهم عليه إلى أن تنضج الخضروات ( طبعا هي راح تستوي بسرعة لأنها مبشورة )
وصحتين على قلبك
مشكورين على المساعدة والله ينولكم اللي فبالكم
img http:www5.0zz0.com\2007\10\04\ 21\18608497


الساعة الآن 10:29 .