بسم الله الرحمن الرحيم ..
حبيباتي انا طالبه فزعتكم عندي بعد كم يوم بحول الله وقوته فطور عائلي ... يعني اهل زوجي كلهم ان شاء الله جايين وبالتقريب عدد افراد العائلة ..(((قولوا ماشاء الله مابين 30 الى 35 شخص ))) وابي منكم تفيدوني بأشياء اسويها على الفطرة وانتوا عارفين لازم اتفنن في الطبخ ومالي الا الله سبحانه ثم انتوا يالغاليات ... مع ان كل عائله ممكن تجيب معها شي للإفطار بس برضوا ابي الفزعه ...
20-09-1428 هـ, 08:05 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
الله يعينك ويقويك ..أنا أنصح تهتمين بالترتيب قبلها بيوم يعني تجهزين الحلا والتمر
وتجهزين صحون التقديم بالمقلط بعد تنظيفه وتغطين الصحون لليوم الثاني..

بالنسبه للأصناف شوفي الأساسي ...الشوربه ممكن تسوين نوعين لأن العدد كبير
والأذواق ممكن تختلف ...والمحاشي ممكن تجهزينها قبلها بيوم وتطبيخينها يوم العزومه ..وممكن تسوي طبق أرز مثل برياني أو الكبسه اللي في كتاب الأطباق المميزه ..

وطبعا ما تنسين السمبوسه هذي عاد بإمكانك تجهزين من اليوم وتفرزنيها ليوم العزومه وكذلك باقي المعجنات ..

حتي الخضار اللي بتزيني فيها أطباقك جهزيها قبل العزومه بوقت وغلفيها وبالثلاجه
إلي أن تحتاجيها ...

ولو كان عندك ميكرويف بساعدك كثير بأطباق كثيره مثل الصواني تجهزينها قبلها
بيوم وتسخنيها يوم الفطور ..مثل المكرونه بالباشميل والكفته المسبكه بالبطاطس
وغيرها ..أنصحك تاخذي لفه على الأقسام وتسجلي أطباقك من كل قسم الساخنه والحلويات والمقبلات والبنات ماقصروا تارسينها لك أطباق من كل ما لذ وطاب ..

الأهم تنظيم الوقت حتى يكون كل شيء جاهز بالوقت المطلوب وجهزي لمساتك وهذا المهم بالموضوع ورتبي أفكارك والله يعينك ويقويك...
20-09-1428 هـ, 08:28 مساءً
 
حبيبتي سوي صياني ما تاخذ وقت وطعمها لذيذ

والمنتداء مليان
20-09-1428 هـ, 11:16 مساءً
 
هلا حبيبتي دام ماشاء الله العدد كبير انا انصحك تعتمدين على الاكل الثقيل شوي وكم صنف حلا لانك اذا بتسوين خفايف بتتعبين ولا راح تكفي لكثر العدد ما شاء الله يعني سوي مثلا شوربه على كم نوع صواني خضار وكم نوع سلطه وممكن نوعين كبسه مثلا دجاج و لحم و الحلى اعتمدي الفواكه وحلى بارد صنفين ثلاثه والله يعينك ويقويك
21-09-1428 هـ, 12:33 صباحاً
 
الله يعينك يارب



انا اقوول من اللحين جهزى الحلويات مثل الكريمه كراميل والمهلبيه

البسبوسه والجلى والباقى انتى عارفته

وصلحى السمبوسه والباف والسبرنغ رول والكبات سويهن اللحين وفرزنيهن احسن عشان مايكون عندك شغل يومها كثير


ويوم العزيمه سوى ثلاث انواع شوربات (( شوربه بيضاء _ شوربه كويكر _ ملوخيه مثلا او شوربه ربيان ))

وسوى معجنات مثل (( فطاير _ بيتزا انواع (( بيتزا دواير وبيتزا عاديه وبيتزا دوار الشمس ))
واقمااع ))

وسوي سلطات مثلا ثلاث اشكال

والعصاير سويهن بالظهر

وجهزى المواعين اللى راح تقدمين فيهن الاكل

وجهزى الحشوات من اللحين وحطيهن بالفريزر


الله يعينك يارب
21-09-1428 هـ, 12:36 صباحاً
 


الساعة الآن 08:05 .