ماشاء الله تبارك الله
الله يسلم ايدينك
بسم الله الرحمن الرحيم
الاستيك بالصوص و المشروم ( استيك بالصلصة البنى )



المقادير:
قطع ستيك يفضل البتلو وممكن فلتو
مشروم
علبة صغيرة كريمة طازجة ( اللبانى )
زبدة و زيت (لتحمير الاستيك)
ملح , فلفل
الطريقة:
- سخني على النار2 ملعقة من الزبدة في مقلاية ثم ضعى المشروم وقلبيه تقليبتين وبعدين شيلية فى طبق ثم ضعى فى نفس المقلاية
قطع الا ستيك و اتركيهم من غير ما تقلبيها لحد ما يتغير لونها شوية بس ما تحمريهاش يعنى حتبقى بنى فاتح تروحى بالشوكة مقلباة على الوش التانى و اتركيها برضة لحد ما تبقى بنى فاتح .
وطى النار وسيبها لحد ماتستوى وممكن تضعى سنة ماء ثم رجعى المشروم تانى فى المقلاية مع اللحمة
- اضيفي الكريمة اللبانى و قلبي تقليبة على الوجهين ثم يغرف فى السرفيس و نضع على جنب الطبق الصوص بالمشروم
و بالهنا و الشفا





روستو الدجاج المخلى المحشو



المقادير
دجاج صغير الحجم
الحشوة
ربع كيلو لحمة مفرومة
بصلة كبيرة مبشورة
5 فصوص ثوم مفرومين
ملعقة كبيرة بقدونس مقطع صغير قوى
ملعقة صغيرة ملح _فلفل اسود
نصف ملعقة صغيرة من جنزبيل _ وجوزة الطيب_ وبهارات مطحونين
رشة قرفة
ملعقة سمن كبيرة او زيت
قطعة ورق مفضض فويل
الطريقة
تقطع الفرخة نصين بالطول من الضهر و نخلي كل نص من العضم مع الإبقاء عليها قطعة واحدة كاملة ومفرودة. ( ممكن الفرارجى يعملهالك و انتى واقفة)
تعجن مقادير الحشوة كلها مع بعض ونعملها اصابع زى اصابع الكفتة و تحطيهم فى وسط الدجاجة المفرودة و بعدين تلفى الدجاجة على الحشو كويس
ادهنى الدجاجة بالسمن وملح وفلفل و بهارات،وتلفيها كويس بالورق الفويل. وتوضع فى طبق بايركس او صينية , دخليها فى فرن حار لمدة ساعة.
اطفى الفرن وشغلى الشواية على الدرجة الهادئة، وافتحى الورق من على وجه الدجاجة حتى تحمر او لو مفيش شواية خليها فى الفرن و افتحى الورق من على وجة الدجاجة لحد ما تحمر برضة
بعد ما تبرد تقطع حلقات بسمك حوالى 2 سم، زى حلقات السويسرول بس بسكينة تكون حامية عندما تبرد تماما
و بالهناء و الشفاء.





الكشك ( الماظية )



المقادير
2 كوب شوربة
3 ملاعق دقيق تقريبا
بصلة كبيرة مقطعةشرائح ومحمرة في الزيت
الطريقة
دوبي الدقيق في نصف كوب شوربةتقريبا
ضعى باقى الشوربة على النار تغلى
انزل الدقيق اللى مدوباة فى الشوربة واحدة واحدة على الشوربة اللى بتغلى مع التقليب على طول
يعنى تفضل ايدك شغالة تقليب (علشان مايكلكعش منك )
لو لاحظتى ان الكشك تخن منك زودى بالراحة شوية شوية شوربة
لكن لو لقيتى الكشك بقى خفيف زوبى فى كباية شوية دقيق تقريبا معلقة كبيرة مع شوية شوربة او ماء صغيرين وبعدين بالراحة نزلية على الكشك
مع اخر تقليبة خلاص فى الكشك هاتى ربع كمية البصل المتحمر مع عصير ليمونة حلوة و تحطيهم على الكشك و تقلبى و تطفى النار
صبى الكشك فى سرفيس و وزعى على الوش باقى البصل المحمر و بالهناء و الشفا





الشيش طاووق



التتبيلة عبارة عن
عصير ليمونة كبيرة _5 فصوص ثوم مقشرين و مهروسين _ نصف ملعقة صغيرة زنجبيل بودرة ملح و فلفل _ كوب زبادى – م ك سماق
صدور دجاج مخلية ( فيلية ) حسب عددكم . تقطعيهم شرايح
تخلطى التتبيلة كلها و تحطيها على الدجاج و تسبيها فى التتبيلة مش اقل من 2 ساعات و ياريت لو تسيبيها طول الليل
تضعى فى مقلاية تيفال نقطتين ثلاثة زيت و تسويهم على الهادى قوى لحد ما يحمروا و بالهنا و الشفا







الساعة الآن 10:58 .