السلام . ..

شلونكم بنات ..

أنا قبل في بيت اهلي على طول عزايم .. و توصل ل 50 شخص عادي .. بس كان المطبخ كبير وعندنا خدامات شاطرات .. تقدرين تعتمدين عليهم .. . أما مطبخي في بيت زوجي . .

تقريبا حاطينه لي مطبخ صغير . ما حطو فبالهم بطبخ ..

وودي أسوي عزيمه .. والمشكله المطبخ صغير ..

وخدامتي متخلفه عقليا .. . .. صج .. عقلها على قدها .. وبطيئة إستيعاب يعني ما أقدر أعتمد عليها...


بسوي عزومه .. وتكون 100% مني .. يعني محد يساعدني ..

3 أطباق سلطه .. فتوش .. توبله .. وسلطة ذره

3 أطباق مقبلات .. جوانح مشويه .. خبز التاوستور بالجبن والبصل الأخضر .. وفته

3 أنواع عصير . ليمون بالنعناع .. ومنقا مثلجه .. و فراوله مثلجه ..

3 أنواع سويت .. بسبوسه .. تشيز كيك الأوريو .. .. وكب كيك بالمارس ..

4 أطباق رئيسيه .. صدور دجاج محشيه بجبن و ريحان وتوضع بالفرون مع بصل أبيض وفلفل رومي وكريمه ..

معكرونه باشيميل ..

عييش صيني مع الدجاج والخضرا المشكله ..


مسخن فلسطيني .. بالدجاج ..


والمشكله هنا .. الفرن ما يكفي .. صغير .. والأطباق اللي فيها فرن .. 8 أطباق .. كل السويت .. و3 من الأطباق الرئيسيه .. ؟؟

و2 من المقبلاات ؟؟؟

شسوي .. شلون أقدر أقسم و قتي .. وبنفس الوقت عند إفتتاح البوفيه .. كل شيء ساخن و فرش ..؟؟
وبنفس الوقت بشوف الناس .. لأن ما عندي بنتا يساعدوني ..

وخواتي مو بالعزيمه ..

وأخت زوجي .. أستحي اطلب منها .. وعموما ما تحب الطبخ ..

ساعدوني ؟؟
لا تكلفين نفسج كثر من طاقتها
اللي بتعزمينهم اكيد عارفين ان مطبخج صغير
اطلبي من برا
او خلي اهلج يطبخون لج و يساعدونج
او استأذني و انزلي مطبخ اهل زوجج و طبخي منه بس انتي جيبي الاغراض
منها تسوين لهم فطورهم و منها حق معازيمج
ماشالله عليك ربنا يقدرك
انا متلك دايما عزايمي لحالي و اطباق كتيرة
اهم شي اللي بينعمل قبل بوقت اعمليه ، يعني الحلويات قبل بيوم و خليها بالثلاجة اذا بينفع ، و السلطات افرمي كل شي لحاله و اخلطيهم بوقت العزيمة ، و الصواني اعمليها قبل بيوم ز تاني يوم سخنيها و حمري وجهها ، و تبلي كل اللي بده تتبيل طبعا متل الجوانح قبل بيوم
المسخن ما فهمت عليكي اذا المسخن الفلسطيني ما غيره ، افرمي البصل اهم شي قبل بيوم و اعملي الخلطة مع مرقة الدجاج و طبعا اسلقي الجاج و يوم العزيمة حمريه بس
الفتة جهزي مكوناتها من خبز مقلي و صلصة و غيره و رتبيها بطبقات وقت العزيمة
و لو انا مكانك بغير شوي بالمنيو بخلي الاشياء اللي بتنعمل قبل بيوم اكتر بحيث انه يوم العزومة يكون باقي التحمير و التطبيق النهائي
مثلا الحلو خليه كله بارد ينعمل قبل بيوم و بالتلاجة ، و لا تكتري صواني حتى لا تنزنقي بالفرن
واي شي فيه رز ممكن تعمليه قبل بوقت ( 3 ساعات مثلا) و تلفيه بحرام تقيييل و وقت العزيمة بكون سخن و البخار طالع منه كانه هلا مطبوخ
و اذا تذكرت شي تاني بحكيلك
بس متل ما قلتلك حاولي تغيري شوي بالاصناف بتسهلي على حالك
رب اجعلني مقيم الصلاة و من ذريتي ربنا و تقبل دعاء
3 أطباق سلطه .. فتوش .. توبله .. وسلطة ذره
سويها بنفس يوم العزومة ببراون ..الصبح بدري ودخليها الثلاجة


3 أطباق مقبلات .. جوانح مشويه .. خبز التاوستور بالجبن والبصل الأخضر .. وفته
ليلة العزومة


3 أنواع عصير . ليمون بالنعناع .. ومنقا مثلجه .. و فراوله مثلجه ..
نفس اليوم الصبح

3 أنواع سويت .. بسبوسه .. تشيز كيك الأوريو .. .. وكب كيك بالمارس ..
قبل العزومة بيوم او يومين الحلى كل ماقعد بالثلاجة كل ماصار احسن

4 أطباق رئيسيه .. صدور دجاج محشيه بجبن و ريحان وتوضع بالفرون مع بصل أبيض وفلفل رومي وكريمه ..
قبل العزومة بيوم

معكرونه باشيميل ..
جهزي كل شي وسويها بنفس اليوم


عييش صيني مع الدجاج والخضرا المشكله ..
جهزي كل شي

مسخن فلسطيني .. بالدجاج
قبل العزومة بيوم يبقى لك الطبخ بس حطيه بالثلاجة
ربي لاتذرني فرداً وأنت خير الوارثين



الساعة الآن 05:44 .