خليه بالشرق
الحضانة ضرورية جدا
والكفي بعد
وإذا تبين موظفات تراي حاضرة
اولا الف مبرك
وياريت تقوليلنا كم كانت التكلفه
لاني بفكر اعمل نفس المشروع بمكه
وهل وجدتي صعوبات
ولكي جزيل الشكر
وبالتوفيق
ما شاء الله تبارك الله على فكرتك
وعلى افكار البنات الي ردو عليك بعد، الله لا يخلينا منهم وافكارهم
بالنسبه للموقع بالشرق انا رايته مناسب جدا للافتقار للنوادي هناك
وللكم الهائل للسكان هناك ولحجم الطلب المتزايد عندهم للنوادي
اما عن تحديد الموقع بالضبط فلا تتعدين طريق خريص طبعا انتي تعرفينه
الي عليه جيان وكارفور وغيرهم وهو يعتبر حي جدا وكلماله يحيا اكثر
انا ليش حددت لك هذا المكان لانه يعتبر الخط الفاصل لسكان الشرق كلهم
ومن السهل الوصول له جدا من اهالي الشمال امثالك
ويقدرون كل اهالي الشرق يوصلون له بسهوله:اهل الروضه،الربوه،الريان،الروابي،النسيم....وغيرهم
وزي ما قالت لك احد الاخوات مركز الناصر يعتبر مكان مميز جدا،فكري بالموضوع زين
مو شرط تاخذينه كله ، انتي ممكن تاجرين بعض الاماكن على صالون نسائي له فروع كثيره
ولديه امكانيه يفتح فرع جديد امثال فاشن الموضه وغيره ممكن تعرضين الموضوع عليهم
وهم اذا شافو الاقبال عليك ما راح يترددون ابدا
كما يمكنك التاجير على شركات المقاهي الكبيره مثل ستاربكس ود كيف........وغيرهم
كذلك المطاعم والمحلات المرغوبه والمشهوره بالدايت امثال صب واي ودايت سنتر
ايضا تقدرين تاجرين على اصحاب البوتيكات النسائيه
كما بامكانك عرض المحلات الزايده عندك على البنوك وشركات الاتصالات النسائيه مثل موبايلي
برضو لما يشوفو الاقبال عليك ما راح يترددون في فتح فروع لديك
ولا تنسين ان هذه الخدمات راح تثري مركزك وتزيده حيويه وراحه للزباين
ولا تنسين انك محتاجه مكان للاطفال وحوستهم
هذي الافكار كلها اذا اخذتي مكان كبير مثل الناصر سابقا
واذا انتي تبين مكان صغير ومعقول فيه على طريق خريص منشات جديده كثيره للايجار
وترا فكرت الباصات فكره رائعه وتعود عليك بربح اكثر وزباين اكثر
واهم شي النظافه ثم النظافه ثم النظافه والروائح الطيبه والمعقمه باستمرار
وانتي اذا رحتي لنادي التخصصي راح تشوفين ان النظافه من اسرار نجاحهم
ايضا لاتنسين المدربات الكفيلات بتدريب الزباين ومهارتهم وخبرتهم بهذا المجال
ايضا الاسعار المعقوله من اهم مقومات النجاح
مع تمنياتي لك بالنجاح والتوفيق الدائم
بالشرق احسن مكان مناسب ولاتنسين ان مركز الامير سلمان بالشمال وعليه ناس

واذا حبيتبي موظفات ياليت تراسليني
الله يوفقك
فكرة النادي مره حلوه بس أهم شي الموقع ياليت يكون في مكان مافيه نوادي
و الله ييسر أمورك


الساعة الآن 09:13 .