مشكوره سنفوره مشكوره بنت الرياض
ولي وقفات

ديليس ممتاز واذا تبين حجز بعد دقي قبل ماتجين يحجزون لك الطاوله اللي أول ماتدخلين يسار
حلوه وكبيره ومستره زين محد يقزززك خخخخخخخخخخخخخ

ستاربكس ماجبت طاريه لأني ماأدانيه أول شي يهودي أمريكي
ثاني شي قهوتهم غالللليه وعلى غير سنع والله لو لذيذه الواحد مايستخصر لك شيييينه وبارده
بالله يابنات أحد قد أخذ منهم شي حار وبتل حار كم دقيقه ؟؟
أنا أظن انهم يلعبون علينا مايسخنون الماء ولا وش سالفتهم
دايم بارد مشروبهم وحتى مره انقهرت منهم وطلبت منه يحطها بزي الحافظه الكأس اللي تحفظ الحراره
ودفعت قيمتها قلت عشان أتسوق وأشرب وعععععععععععععع ع ماقعدت شوي الا وهي بارده
فعرفت ان العله منهم شكلهم يحمون المويه بالمكروييف لأنها تبرد بسرعه اذا صارت بمكروييف خخخخخخخخخخخ

سنبون مايحتاج حق صحارى صمممممني

سوبر موديل كافيه منتب ملاحظين أسعاره ؟؟؟
بتقولون عني قعيطيه ؟؟ داريه
بس شي يخش العقل وشي مايخش حتة أصناف جديده ماعندهم
أنا رحت له مره فطور أنا وأختي جينا طلبنا 2 كابتشينو و2 كرواسون
طلع حسابنا 55 ريال ؟؟؟؟ ليش وش دعوا والله ل الحليب جايبنه من هولندا سيدا
ولا الكرواسون من فرنسا دايركت ..؟؟؟
وكل راس مالها فلبينيه جايه من أفقر بلدان العالم وتلاقينها هي مستنكره الأسعار بعد
قلت لها بالانجليزي أحلىىىىىىىىىى
قلت لها تووو متش ذا برايسس ؟؟ والله جد خلها عشان تقول للمسؤلين
وفعلا دخلوا قبلنا ناس وطلعوا على طول ويوم دخلنا دخلوا بعدنا ناس وقروا امنيو والأسعار وطلعوا على طول
يعني كثثثير يسوي فيهم هالحركه يستاهلووووون
ومبسألك بدأ العرض حقهم حق عارضات الأزياء وهالحركات ولا لسا ؟؟
قرطاسة: بالنسبة للأسعار تراهم يحاسبونك على الجلسة مو بس القهوة

بعدين مو لازم تروحين لمثل هالقهاوي دايما هي مثل الأوتيلات بالنسبة لفخامتها بالتالي لازم اسعارها تكون كذا

وعن (ستاربكس) بالعكس قهوتهم اكثر من رائعة حتى خدمتهم بعد بس يمكن انتي حظك شين

على فكرة بقي مكان ماذكرته

احب (دنكن دونات) حتى الكابتشينو حقهم حلو ويوسع صدرك ياقرطاسة بس 6 ريال هههههههه

بعدين ذا الأيام الصرفية تروح على الأكل والشرب اكثر من اللبس ---> احمدي ربك منتي في جنيف احلمي تلقين قهوة بهالأسعار
سنفوره يابعد عمري
أدري اني ماراح أروح لهالأماكن كل يوم لأانها بتهز الميزانيه هززز
بس الله تعالى يقول ..( ثم لتسألن يومئذ عن النعيم ) يعني أنا وأنتي وكل وحده مسؤلات يوم القيامه عن الخمسينات والميات اللي ندفعها بكوب قهوه ؟؟
أنا ماراح أبربر عليكي الكلام المعروف دايم وهو اخواننا يموتون جوع في ....و....و.... لا هذا كلام جمدت قلوبنا من كثر مانسمعه الله يعفو عنا بس
لكن من جد هذه الايه دايم أحطها في بالي ... وقيل ان الرسول اللهم صل عليه مر من امرأه عجوز وهي تتلو سورة التكاثر ووقف يستمع لها وحين وصلت هذه الايه بكى وقال: أي وربي لتسألن ؟؟ أو كما قال
معليش أنا قلبت الموضوع ديني بس لابد نربط الدين بالدنيا عشان تدفعين القرش وأنتي مريحه بالك
مره غالي ومره رخيص وأنا أسوي كذا أغلب أيامي حتى بالمطاعم مو بس المقاهي
مره نشد ومره نرخي
عموما أشكر تفاعلك مع الموضوع ياغاليه وأتمنى تتقبلين نقدي بصدر رحب
ومشكوره على الكابتشينو أبو 6 ريال بس أبشرك ترا د. كيف بخمس ريال عندهم ؟؟؟؟
السلام عليكم
عندي سؤال
القهاوي هي ماتدخل مزاجي؟؟؟
بتقولون وش دخلنا فيك
لكن والله من جد مافيها منكرات؟؟؟؟؟؟؟؟؟ ؟؟؟؟؟؟
هذا سؤالي؟؟
وش تسوون في القهوه بس تشربون وتقومون؟؟؟
معليش ماقد رحت لقهوه على شان كذا أستفسر
اذا كانت أماكن حلوه صفوها لنا بالتفصيل وش تسوون وش المناظر اللي تشوفون ووشو عرض الأزياء اللي تقولين ياقرطاسه؟؟؟
على شان نروح لو كانت تستاهل
هي بس نسائيه ولا عوائل؟؟؟
تحياتي



السلام عليكم
أشوف الموضوع تغير من قهوة الى ندوة
على العموم تشكرين عزيزتي على إستدلالك بالأيه القرآنيه فنحن دوما بحاجة الى التذكير
وخاصة اننا في زمن طغت علينا النعمة (فلله الحمد والشكر) عسى الله يديمها علينا من نعمة
ويحفظها من الزوال

وانا اللي فاكرة انه موضوع يخص القهوة وكان لي تعليق على كلام الأخت قرطاسة بخصوص

محل سوبرمودييل كافيه اذا كنت عزيزتي قعيطيه ...!!!!!!

فأبشرك ترا القعيطيات وااااااااجد وأنا اولهم

بالفعل أسعارهم جدااااااا خياليه تفوق الوصف

مرة كنت جالسة فيه مع ان المكان كئيب,, ويسد النفس,, ورائحه الدخان تعج بالمكان من قبل احدى السيدات التي كانت بحوزتها سيجارة

دخلو اثنتان من النساء الكبيرات في السن وكانو تقريبا متمدنات

واحدة منهم شكلها تبي تشخص على زميلتها انها تعرف تقرا ,,وتقولها ويش رايك نطلب

كبشينو يعني كبتشينو فكانت اللي معاها رافضة جداا

وهي تصر على انها هي اللي راح تدفع الحساب واخيرا وافقت

وبعدا ان تناولوالمشروب وعند سداد القيمة دفعت أختنا في الله 10ريال

وارادت الإنصراف لولا أن اوقفتها الفلبينيه وهي تحدثها بالإنجليزي

وهي لاتفهم شئ وحينهاأخبرتها بأن القيمه 55ريال

وهنا جن جنون المراءة وقالت والله لو احنا متعشين ما صار هذا سعر العشاء


والله ماتلام

لدي تعليق بسيط على ((وكل راس مالها فلبينيه جايه من أفقر بلدان العالم ))

)يَا أَيُّهَا الَّذِينَ آمَنُوا لا يَسْخَرْ قَوْمٌ مِنْ قَوْمٍ عَسَى أَنْ يَكُونُوا خَيْراً مِنْهُمْ وَلا نِسَاءٌ مِنْ نِسَاءٍ عَسَى أَنْ يَكُنَّ خَيْراً مِنْهُنَّ وَلا تَلْمِزُوا أَنْفُسَكُمْ وَلا تَنَابَزُوا بِالْأَلْقَابِ بِئْسَ الِاسْمُ الْفُسُوقُ بَعْدَ الْأِيمَانِ وَمَنْ لَمْ يَتُبْ فَأُولَئِكَ هُمُ الظَّالِمُونَ)(ا لحجرات:11)

وبعدين بالنسبه للفلبين تعتبر من الدول المتقدمه

وليست من أفقر دول العالم أو لأن أغلب الخدم لدينا من الجنسية الفلبينية

فهذا ليس بدليل على فقرهم بدليل ان لديهن مهن ومهارات يدويه

في فن الخياطة والتفصيل وفي عمل المكياج والتسريحات أفضل منا بكثير,,,,,

عفو الكلام سيطول شرحه ((شكلي بعد قلبت الموضوع))عفو حبيت فقط التنويه لاأكثر

سلام
استراحة (** فــــــن **) للإيجار اليومي

خصم خاص بمناسبة الافتتاح 50%
تحتوي على :_
مسبح
مسطحات خضراء
غرفة نوم
صالة
مطبخ
حمامين
مكيفات سبلت

الرياض طريق الثمامة حي الرمال

ايجار الشالية 500ريال


الساعة الآن 03:48 .