لكل ام عندها طفل في الروضه شنو تحطين في الشنطه من اكل ؟؟

ياساتر ليش ماتحطين له اكل
انا احط ساندوتش بيض او جبن او شوكولا نوتلا
زبادي وملعقة
احيانا خيار او جزر
تفاحه او موزة
كروسان
بيتزا
دونات
نقانق

شوفي انا روضة بنتي يعطوهم فطور ..

عبارة عن حليب او عصير مع فطاير او دونات مع حبة فاكهة ( تفاح - برتقال - موز -كمثرى )

طبعا مو لالازم كل مررة تاكله بس لازم احط لها في شنطتها شي ..
ماخذة حافظات صغااار مرررة نف الكف تقريبا ..

واحط لها ساعات خيار ( اقطعة دواير ) تنبسط عليه او جزر ( اسويه اعواد )
توست مع جبن سائل اخليها بشكل مثلث ..
واخذ لها انواع من الكورن فيلكس مثل ( كوكوكوبس ) وغييره الي يعجبها واحطه في الحافظة .

هي ساعات تطلب ورق عنب ..
بس طبعا مو كل مررة تاكله مرررات كثيره ترجع الاكل والشي الحلو انها لما تجيب شي تخلى زملائها في الفصل ياكلوا من عندها وهم صاروا يسوو زيها حلو يشجعوا بعض .

يعني احاول انوع لها وطبعا جلستها ماتحب تاكل يااالله تشرب ماي بس ..

وخلاص ..

يا ستي

بما ان وقت الغدا ما تكون عندي فأنا احط لها

فطاير كروسون
+ علبة عصير+ موزه او كم حبة فراوله او كوكيز

تشكن ناجيت ( اجيبه مفرز واحطه بالفرن قبل ما تطلع الروضه)+ علبة كتشب صغيييره مره او رااانش ابيض+عصير+ موزه او كوكيز

اسوي لها سندويشات توست على شكل اصابع( على فكره الاطفال يحبون ياكلون كل شي على شكل اصابع والدليل ورق العنب اللي تطلبه بنتك اسم الله خخخخ

اكون طابخه لها مكرونه باللحم المفروم والصلثه الطماطم قدر صغير وكل يوم احط لها بالتبرويه حقها وبالشنطه حقت الاكل

عموما لازم اذا انها تقعد وقت غدا هناك حطي لها وجبه رئيسيه وحده وعصير وحلى

نسيت احيان اعطيها حليب بالشوكلاته او بالفراوله او احيان اعطيها كورن فلكس اللي يجي عبوات صغيره مع علبة حليب صغيره وهي هناك بالكفتريا تحطه وبالعافيه تاكله

طبعا انا احط واغلب الايام يرجع الاكل كله البيت بس انا اسوي كذا حتى ما اشعر بالذنب تجاهها

لان تعرفين الاطفال ايام يكونوا ما يبون الاكل وايام يشتهوون الاكل لما يشوفوا غيرهم من الاطفال اللي ياكلو

وليش ما تحطين لها اكل ؟؟
لازم تحطين لها اكل مثل ما قالت لج في شنطه خاصه للاكل

شوفي تقدرين تحطين لها

- سندويش جبن او كروسون او سندويش بيض او دونت او حتى قطع دجاج او معجنات او كورن فلكس

وتحطين نوع واحد من الفواكه تختارينها تقطعينها صغار وتحطينها في كيس لحفظ الاطعمه وتحطينها داخل الشنطه

وبعد تقدرين تحطين إي نوع من انواع الشوكولا
وحطي له بعد عصير برتقال او منجا او إي نوع اهي تحبه ومع ماء
وحطي لها كيكه قطعه صغيره

يعني حاولي كل يوم تنوعين لها بالاكل

مشكورات والله يعطيكم الف عافيه ويخلي لكم اولادكم
بنتي يعطونها في الروضه عصير و وجبه خفيفه لكن لاازم احط لها مثل الي قلتوا عليه هي تشوف اطفال عندهم مثل ماقالت لي
طيب بنات الحين اذا حطيتوا مثلا بيض والا دجاج مايخرب ؟؟ يمكن مثلا تاكله الظهر وهو مستوي من الصبح ؟؟