اختي اطياف نجد ، اشرحي لنا بالتفصيل عن كيفية العمل بالأسهم

سهوره الأموره لا تبخلي على اختك ياسمينا الأموره ههههههههههه
قولي لنا ايش هو مشروعك؟
ولا يهمك ياسمينا ,,,, مشروعي اللي ابي اسويه بمجال الديكور والرسم على اي شي يخطر على البال

من مرايا ولحف وتحف وصحون تقديم وكل شي يختص بالتصميم والفن

لاني اعتقد انه هذا التخصص نادر وكمان السيدات يحبون انه يكون فيه تجسيد للافكار اللي براسهم

وتحياتي
الله يوفقك سهوره ، فعلا فكره رائعة

ومش اي حد ممكن يسويها ، لأنها تحتاج للموهبه ، تعرفي انا عندي اخي رسام ماشاءالله فـــــــــظــــ ــيـــــــــع وكمان يرسم على الزجاج والمرايا ، لكن كسلان اعوذبالله 24 ساعه يلعب على الكمبيوتر (الله ياخذ اللي اخترعو لعب الكمبيوتر)

لما يطلع له المزاج يعمل اعمال ماشاءالله ما حد يصدق انها من واحد بسنه. كم اترجاه واحاول اشجعه بس ما في فائده ، يمكن لما يكبر يعقل ويسمع مني هو لسه بثاني ثانوي.

(وحده ثرثاره)

يا اطياف نجد ما رديتي علي ، اعطيني حتى فكره مختصره ، وانا لهلوبه باكمل وبافهم لوحدي.
السلام عليكم ...
تحياتى للجميع .. وعذرا غاليتى خياليه ..
وربى ما وصلنى اى رد على هالموضوع .. حتى انا كنت انتظر بفارغ الصبر ...
لأن واحد اعرفه توه شارى اسهم وربح فيها 6000 ريال الله لا يظره ...
ودى اعرف بالاسهم بس ماحد يرد على ...
عموما عزيزتى بالنسبه للبحوث ... انا كنت احب القراءه و فاضيه ومتخرجه وبديت اكتب البحوث يعنى انا اللى اجيب المراجع واطبع على الكمبيوتر وناس تطلبه بخط اليد ... وكنت متربحه واسعارى كانت معقوله عشان كيذا انتشر اسمى بسرعه بين بنات الجامعه ..
اذكر وحده قالت لى عن بحث او تقرير مطلوب منهم مكون من خمس اوراق .. بس شرط 3 مراجع و شغل خاص
قلت ب 50 ريال ,, قالت معقوله ؟؟ وجابت لى 3 بنات صديقاتها اخر شى قالو لى ان مركز خدمات الطالب قال لهم اسويه ب 250 ريال ..
عموما .. لما كثرو البنات صار صعب انى اقعد اوصف لكل وحده بيتنا رحت لمركز خدمات طالب وقلت له بس ابيتك تسلم لى البحوث للبنات واعطيك نسبه .. قال ابد ابشرى حاظر وخوذى من هالكلام ...
يوم بدينا اثارى العم كان طامع ب 50% يعنى انا اللى اكرف واتعب وهو ياخذها بارده مبرده ...
كتبت بحث ب 300 ريال اخذ منها 150 بس عشان البنت تستلمه من محله ..
قلت ما يلزم .. ورجعت اشتغل من البيت .. وفتره انخطبت وانشغلت ..
والحين انا مقيمه ف ديره ما فيها جامعات ولا كليات ولا حتى مكتبات عامه ...
عموما .. اتمنى لك كل التوفيق ... وصدقينى ترا الشغله تستاهل
مربحه جدا فوق ما تتصورين ونظيفه ومريحه وانتى المستفيده ... راح تتعرفين على اشياء جديده
وتكتسبين مهارات ...
اى خدمه انا حاظره
وعذرا على التأخير ...
سلام


الساعة الآن 05:48 .