السلام عليكم ورحمه الله وبركاته

اشلون ياحوائيات كل عام وانتو بخير وعساكم من عوادة


حبيباتي ...ماتذكركم هالكلمه برفيجه ام خماس ...خخخخخخخخخ

بغيت مساعدة من الناس الخبرة ..

انا ودي اسوي مشروع محل خياطه والعاملات فيه نساء ويكون المشروع مو بس خياطه ملابس للزبونات فقط ولكن ابغى يكون شامل تقريبا ...يعني اخليهم يسوون موديلا كم قطعه مثلا لين اشوف بيكون فيه اقبال عليها ولا لا ...وخصوصا تصميم الجلابيات ووالدقله والتطريز وفصوص الريبنبو والكريستالات وغيرها من الديزانات وفي نفس الوقت يخيط حق الزباين ( شامل تقريبا ).

فعندي كم سؤال ياليت مانحرم من مساعدتكم ..

1- كم احتاج راس مال لعمل كل هذا ...مع حساب تكلفه المكاين وانواعها وكم مطلوب منها ..مع تكلفه العاملات واحظارهن ..وغيرة.
2- كم عامله للمحل احتاج ...

3- افضل جنسيه لهذا النوع من المشروعات ( يعني اجيب العاملات من اي دوله مثلا ..افضل الدول للقيام بمثل هالمشاريع من ؟؟؟)
4- كم من المفروض ادفع لهم رواتب ..
5 -ووين افضل مكان يباتون فيه عندي ولا لا زم يكون تابع للمحل غرفه لمعيشتهن فيها .
6 - يحتاج عليهن مشرفه ووشو طبيعه عملها في المحل ...يعني مثلا المشرفه عليهن اهي اللي تاخذ المقاسات مثلا ولا غيرها ..
7-هل اول كم شهر راح يربح المحل ولا بيكون خسران ..

8 - واخيرا ماريكم بهالمشروع هل هو من المشروعات الناجحه خصوصا انا ابي اسويه في منطقتنا مو في وسط المدينه ولا صوب الاسواق ...صح عندنا كذا محل خياطه بس مافيه شامل وكلهم اهنود وهالشي ينرفزني خاطري بنساء يتعاملوا معانا فطلع في بالي هالمشروع شو رايكم حبيباتي ...


ياليت اللي عندها الخبرة تساعدني سواء رجل ام امراءة لاني عليميه في الرياضيات والاقتصاد ...
وابغي حد يعلمني اشلون احسب سعر التكلفه وراس المال والعايد من هذا كله


وجزاكم الله كل خير ( وصراحه انا استفت واجد من هالمنتدى ) وخاطري اضيف له من جعبتي ....خخخخحلوة من جعبتي يابلفيت مثقفه ....بس للاسف عندي خط وماركبت خدمه اسرع مثل برق عندنا يمكن اركب قريب ...


تحياتي يالغاليين
لا اله الا الله ولا حول ولا قوة الا بالله ...


سبحان الله ولا اله الا الله عليه توكلت وهو رب العرش العضيم




اللهم اني استغفرك واتوب اليك اني ظلمت نفسي فاغفر لي

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
الله يسهل امرك ويوفقك
ننتظر معك احد عنده خلفيه اودراسة جدوى للمشروع
هلا اختي ذكرتيني باحد الاخوات ولها نفس الفكره تقريبا

بالنسبة للاسئلة اللي ذكرتيها :

1/ بالنسبة للمشروع ، سعر ايجار المحل + مساحة المحل يفضل يكون دورين + كلما كان المحل اكبر كلما كان افضل لسرعة التطوير + يفضل تختاري من بنات بلدك افضل من جلب الاخرين من الخارج لان مشاكلهم لاتنتهي وعند توفر البديل الوضع يكون اصعب .

2/ اما المكائن فعلى حسب المساحه + الموظفات .


3/ والله ما فيه احسن من بنات بلدك ( حسب رايي الشخصي ) او من الهند لاكن شوفي كم الاقامه تكلف ومعيشتها من راتب وخلافه.

4/ لاتدفعي لهم رواتب اتفقي معهم على النسبه 5% السنة الاولى والسنه الثانيه 10% والثالثه 15% والرابعه 20% والخامسه 25% والسادسه 30% والسابعه 35% واذا صار في انفصال يشترط ذكر نقطه اساسيه بالعقد بينك وبينها انها تنتقل الى شركه وليست موسسه بعد ابعاد لمدة 5 سنوات من السعوديه لانك فتحتي باب رزق لها وهي خانتك .


5/ خليهم يباتون في بيت ايجار احسن لهم وعلشان تبتعدي عن الشبهات ان امكن او باعلى المحل ان توفرت وسيله تحفظ كرامتهن ... الخ .

6/ اذا جبتي حد من الخارج ركزي على المشرفه لانها هي اللي بتخفف الضغط عليكي وهي اللي بتكون مسووله عن الباقي .

7/ الربح والخساره حسب الدعايه والاعلان وتوفر وسائل الاتصال المفتوحه ناهيكي عن حسن المعامله وجودة العمل + يستحسن وجود موقع الكتروني ليدعم موقفك التجاري ( مجرد اقتراح ) .

8/ كل شي ممكن لاكن لاتنسي ان المشروع يحتاج مبلغ مالي بحدود ما تم ذكره بالبنود اعلاه بالاضافه الى الدعايه والاعلان يحتاج راس مال خاص به وايضا لاننسى ان الاسلوب مهم جدا في عملية الجذب .


*-* يد الله مع الجماعه والله يوفقك يا رب ....


تقبلي تحياتي الخاصة

اخوكي

7 الاسطوره 7

8
لي عودة...............
لا اله الا الله ولا حول ولا قوة الا بالله ...


سبحان الله ولا اله الا الله عليه توكلت وهو رب العرش العضيم




اللهم اني استغفرك واتوب اليك اني ظلمت نفسي فاغفر لي
مشكور اخوي الاسطورة على هذة المعلومات ....بس ياليت اعرف مشروع مثل هذا كم يحتاج راس مال ....
من ناحيه بنات البلد صعب جدا لاني ماعرف اللا واحدة وعندنا في الدوحه نادر تحصل هالنوعيه اللي يحبون هالمهنه ...واذا فيه تكون جايبه عاملات يساعدونها من برى ..
وصعب ابحث عن هالبنات واشغلهم ..ياليت ...
واذا عندك اخوي اضافات ياليت تضيفها علشان الفايدة.
لا اله الا الله ولا حول ولا قوة الا بالله ...


سبحان الله ولا اله الا الله عليه توكلت وهو رب العرش العضيم




اللهم اني استغفرك واتوب اليك اني ظلمت نفسي فاغفر لي


الساعة الآن 04:34 .