مشغل لبنى والمراءه القبيحه اقصد الجميله تعالوا اقروا فضايح شغلهم

اختي جت زياره وطلبت مني مشاغل تكون زينه بالرياض ,, وبحكم اني توني ناقله للرياض ماصار لي 5 شهور ماعرفت

المهم على حسب كلام البنات بالمنتدى لقيتهم مدحوا مشغل لبنى للحواجب والصبغه

وراحت اختي عندهم ,, تقول الاستقبال زي الزفت ,,تقول اكلم اللي على الرسيبشن وهي حضرتها تكلم بالجوال ولا اعطتني بال ,,
وعلى اساس انها تسوي صبغه وحواجب وقص وتنظيف بشره
نجي للصبغه

.. اختي طلبت اللون البنقدي او الشوكلا جربت لها خصله الله لايوريكم طلعت نحاسي مع ان اللون اللي طلبته سهل مايبغاله كل هالتعقيد,, لا وحاولت تقنعها انها تصبغ كل شعرها وراح يعيدو عليه كذا مره حتى يصير لون الشوكلا !!!!!!!!!!بس اختي مااقتنعت بكلامها

واللي سوته لها وحده فلبينيه مبين انها ماتعرف,,

وبالاخير حطو الحق على اختي انها مسويه حناء او صبغه سوداء ’’

واختي تقول لوصحيح كلامك ماكان الخصل اللي شايفتها علي بلاتيني
شوفوا الغباء اختي مسويه خصل بلاتيني كل شعرها بس نازل وحبت انها توحد اللون بس هم والله مو عارفين ساسهم من راسهم يضحكون على العالم .

نجي للحواجب,,,,,,,
راحت عن وحده تونسيه وطلبت اختي منها انها ترسم حواجبها قبل ماتصبغ ,, فيها شي هذه؟؟؟؟؟؟؟؟

قامت التونسيه عصبت وقالت لا انا ماارسم انا على طول اصبغ واذا ماتبين بالسلامه ,, تخيلو بالله هذا اسلوب؟؟؟؟؟
عاد اضطرت اختي تسوي حواجبها من غير ماترسمهن بالاول لانها بتسافر بكره,

, تقول والله عاديات ومو هاذي الرسمه اللي طلبتها...:(

نجي لتظيف الانف...
هو الوحيد اللي عجبها تقول نظفو خشمي زين وكانت راضيه :icon28:.


نجي للقص

...... تقول طلبت منها قص الغره المايله على جنب لان وجه اختي نعوم وراح تناسبها ,,
ويوم قصتها لها الا تقرف الغره قصتها للحاجب تخيلويعني مره قصيره :angry2: ,, وقامت تدعي عليهم
وقصت شعرها فرمته كله وياليته على شي حلو الا يفشل مو ضابط ابد

,, واختي شعرها حلو وطويل لنص ظهرها قصته للربع ظهرها الله لايربحهم انشالله على كل شي.


المهم ترى شغلهم زي وجههم زفت بزفت , لا واسعارهم صارت غاليه
القص صار على 135ريال

ومن بعد الساعه 10 بليل يتضاعف السعر يعني اللي 25 ريال يصير ب50
واللي 100 يصير بميتين وهكذا

يعني لااسلوب ومعامله زي الناس ولا شغل متسنع , والاسعار تغيرت


حبيت اني انبهكم علشان ماتخسرون فلوسكم وشعركم على الفاضي الحين نروح لمشغل المراءه الجميله,,,,,,,قال المراءه الجميله والله المراءه القبيحه :angry2:

هذه عن تجربه من جارتي ياحرام صبغت عندهم صبغتها تروع وحرقوا لها شعرها المسكينه,,وقصهم نفس الشي يفشل مو متساوي

عاد كان عندها مناسبه وهي عيد زواجها :icon28:,, حتى زوجها يوم شافها ماعجبه شغلهم:09:,, وتقول الا ماجبت صبغه لون بني غامق وصبغتها على شعري ووحدت اللون ,, تقول التعامل كاني جايه مستشفى حكومي بس يهاوشون
عاد قلت لها والله لاانتقم منهم وافضحهم هاللي مايخافون ربهم بلع فلوس من غير ذمه ولاضمير ,,
الله لايربح مشغل مايراعون ربهم في شغلهم .

معليـــــــــــش طولت عليكـــــــــــــــــــم بس والله لانـــــــــــــــــي احبكم ,, حبيـــــــــــــــت انبهكم من هالمشغلين لبنــــــــــــى والمـــــــــــراءه الجميله ................... تقبلو تحياتي